سالفة دهام .... صادق و كذاب .... فعل طير ماله مثيل .... عطنا رايك يا صقار

[عبدالرحمن بن ذياب]

اسعد الله مساكم بالخير والله من الطيور اللي مخلبه حاد وسمً علي صيدتهلكن لاتوجد بإكثر الطيور


تقبل مروري واحترامي للجميع

اسعد الله صباحك
لا هنت على التعليق و المرور الطيب

[عبدالرحمن بن ذياب]

مرحبى واجد الطيور الي تذبح الصيد وهو عاده يطير من ضربه واحده اويكسر الجناح
اوتحول الاصيده من دون راس ومثل مقال ابن فطيس

ضربته تنبيك وش معنى الجساره \صيدته دايم تحول من دون راس

صح لسانه و سلمت يدك
لا هنت على التعليق و المرور الطيب

[عبدالرحمن بن ذياب]

ماشاء الله
الله يبارك لك فيه
وتصير ليش لا

مشكور على المرور لا هنت يبو طلال

[عبدالرحمن بن ذياب]

ما شالله طير طيب

وترا هالشي طبيعي جداً، خاصه هنيه في بريطانيا، لانه يصيدون بالتحويم.

يحوم الطير ينتظر ، اول ما يطير البط او الطير المنخش (مختبىء) بين الحشائش.
ينزل عليه مثل السهم وبضربه وحده يحول به يابس.

ف هالشي يوميا اشوفه، لكن تختلف ضربه عن ضربه، القوه ومكان الضربه.

وصقاقير اوروبا بشكل عام هذي طريقتهم لانه الفرائس تختبىء بين الحشائش. يسمونها game hawk .

ويستخدمون فيها الكلاب عشان تطير الفريسه.

تحياتي

لا هنت يبو غانم أشكرك على المرور الطيب

[ابوالفعايل]

انا سمعت ان فيه طير ضرب حبارى وقص جناحها ...نزل الجناح لحاله والحبارى لحالها ويقال عليها شهود ....اما الكروان ماسمعت مع انه صعب ولكنه ليس مستحيل لان الكروان خفيف مايتكي للطير مثل الحبارى وثانيا جلده ولحمته وعضلاته قويه اقوى من الحبارى .اذكر كروان عزلناه يمكن 6 مرات نعلم عليه ولاعنده خلاف وطياره ماتغير اما الحبارى كلكم تعرفون ادنى شي يذبحها .

الرد واظح مايبي تفصيل اذا نازل علي الكروان وطقه وشهر يعني توقع كل شي ام نازل عليه وظربه مع تعليك مو قويه الظربه والله اعلم كل طير وصياده والسرعه تفرق

[الاعضاء واجد]

تصير دائم شواهين كبر الجمع تنزل الكروان من السماء ميت فمابالك بالحر

[عضيد]

قددددددددددييييييم

[جرناس الصحره]

السلام عليكم اخواني مشكورين عله الطرح عله قول الاولين ان الطير يصعد ريش وينزل حديد واللي مايصدك بافعال اطيور وخصوصا الوحوش منها اعتقد خبرته قليله الافضل اله يسال اهل الخبره قبل ان يكذب الناس اخوكم ابو زيد السنجري

[deer]

انا وانا اخوك منب صقار ولا لي خبره بالطيور ...عشان كذا ما صوتت

ولكن تكذيب الرجال عيب كبير ... كبير جدا .. والصقارين نعرف عنهم المراجل

وعز الله ان اللي كذبه ما سوى خير عسا الله يسامحه

الله يوفقك ويسعدك ومن يقرا

[مغرم مقناص]

السلام عليكم

مرحبا اخوي عبدالرحمن

اعتقد اللي شاف فلم لاحد مقانيص الامير نايف وطيره اللي ضرب الحبارى وذبحها في السما وقام يضربها كم مره
في السما وهي محوله ميته راح يصدق هالشي اعتقد اسم طير الامير نايف كان اسمه ( غريب ) اذا ماخانتني الذاكره

[طير الشايب]

بسم الله الرحمن الرحيم ..... بعض الطيور هو اللي يحدد كيف يبي يطرح الصيده والطير ( دهام ) ما ارتفع الارتفاع هذا ونزل نزول قوي الا هو ناوي هذي الطريقه انه ينهيه من اول طقه .... وانا اقول للرجال لا يضيق صدرك ولا يغبنونك الرياجيل واللي مو مصدق بسلامته ... وعسى الله يشفي الطير . ومعلومه فيه طيور يطق الخرب طقه وحده ويحوله كنه شلو فما بالك بكروان ما يجي ربع حجم الخرب . وعني انا لو السالفه تنقال لي بالعكس بصدقها وبكون مبسوط وانا استمع لها وتقبلو مروري

[صقارعزاااام]