مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
الصناعية القديمة مخرج ١٧
وكيلها السبت للمساعدات
السلام عليكم رديتر ايسوزو روديو ISUZU RODEO 2005 للبيع تم طليه من امريكا ولم يتم استخدامه جديد لتواصل واتس فقط 0504494101
السلام عليكم
يا شباب ارجو الاهتمام بالله عليكم عندى ايسوزو تروبر 1999 و ماني قادر احصل لها قطع انا الحين محتاج ماستر الفرامل (باكم الفرامل كامل)اذا احد يعرف شخص عنده يبلغني و له الشكراو اي طريقة للحصول عليه و اذا كان في بديل من موديل ثانى ممكن يركب عليه ارجو الافادة و لكم جزيل الشكر
بالنسبة للأخ اللي يسأل عن التفتفة والكتمة
يوجد للسيارة الروديو 2005 طرمبتان , واحدة في تانكي البنزين والاخرى في الماكينة , طبعا لن تجد في محلات الغيار هاتان القطعتان ولكن بإمكانك الذهاب للوكالة في طريق خريص حيث لديهم سيارات مخزنة لم تباع , فيأخذون منها القطع ويركبونها لك , ولكن التكلفة باهظة .
وعموما :
أنصح بالتخلص من السيارة في أقرب فرصة فلها عيوب كثيرة منها
- عدم توافر قطع الغيار حتى عند الوكيل !!
- المطب القاسي
- كثرة الخرابات والأعطال عند الغالبية
- انحدار قيمة السيارة في السوق بشكل كبير .
- خدمات الوكالة سيئة جدا
وبالتالي يعيش مالك السيارة في قلق كلما حصل خراب , فيبحث عن القطع هنا وهناك .
السلام عليكم ورحمة الله وبركاته
ان شاء الله انكم تفيدوني في مشكلتي اللي مالقيت لها حل لي 6 شهور
عندي جيب روديو 2005 فل كامل وأعاني من مشكلة الكتمه اذا دعست بانزين وفحصته وطلع فيه ضعف في دفع الوقود ولمبة الدبل تاشر بس مايشبك الدبل وحساس الاي بي اس تولع اذا مشيت مسافة ثم تطفا اذا وقفت وطلع فيه بعد 3 بخاخات في اليسار ما تشتغل يعني الجنب اللي في يسار السيارة ما يشتغل
رحت للصناعية قالوا نغير لك الكومبيوتر
اذا دعست للسيارة على اللبنص تمشي وترجع بعد شوي تكتم
اتمنى تشوفون لي حل يا النشاما
وهذا رقمي للتواصل مكالمة والا رساله نصية والا واتساب
0550990383
اللي عنده حل لا يبخل علي تكفون لان ما ابي اغير الكومبيوتر ب 2900 ويطلع مو منه المشكلة
بعد التحية للجميع
مشكلت الدبل من واقع تجربه واللمبات حتى التفتفه أغلبها برمجه
أخواني الأعزاء الباب مفتوح لك اذا ودك تدفع أو لا أنا انصح تروح للوكالة أول شيء حدد المشكلة وبعدين ابحث عن الحل لا تعبث ولا تروح لورش حتى لو تسألهم عن اسم السياره ما يعرفونه ويخلي سيارتك فار تجارب بعدين انا اشوف انهم متعاونين ويرحبون فيك وبالنسبة للأسعار والله الدنيا كلها غاليه لكن غلاهم في الاكسسوارات الخارجية اما الباقي صح فيه غلا شوي لكن السياره تستاهل للي يهواها وانا يعلم الله اني اهواها
وقفت تقدير واحترام وارفع لهم القبعه الأخ (1428) والأخ (سيف وقلم) ولا يهون باقي الأخوان على ما قدموه من مشوره ونصح معزز بصور وإثراء للمعلومات
واحب اضيف حسب خبرتي وللمعلوميه بعت السياره الأولى من ثلاث سنوات بعد استخدام مدته 4 سنوات وبحثت عنه مرة اخرى وابشركم شريته اليوم 2005 ريديو وفعلاً اللي ما يعرف الصقر يشويه بالنسبة للسعر الريديو عليه طلب غير طبيعي لكن المشكلة ان زباينه وانا منهم ما يحصلونه إلا بالنت ونادر جداً الريديو انا بعته قبل ثلاث سنوات 23 ألف وبعدها بيوم باعها الله يرزقه اللي شرها مني 27 ألف لأنه موتر عرض اذا بتبيعه حده بالسعر اللي يناسبك ولبقه في معرض بالكثير ان شاء الله اسبوع وهو مبيوع لكن تبي تلف فيه في المعارض للاسف اكثر الزباين ما يعرفونه لأن ما عليه دعايه ووكيله سيء سواء في تسويقه او في قطع غيره لكن المكانيكيين الموجودين في الوكاله متعاونين جدا وبالنسبة لوقت الورشه ضيق جداً من الصباح إلى الساعه الثانية ظهرا بعدها تقفل واغلب مشاكله برمجه خاصة الدبل وصفاوة المكينه وما تكلف أكثر من 250 ريال بالكثير
وبالنسبه لفئته انا اتوقع ليس له منافس مثل الباثفندر او الشروكي أو المورانو أو الإكسبلورر لا بالتحمل ولا القوه لكن مشكلته ما اشتهر لأن وكالته حريصه على الدنات والشاحنات ونظام الديزل أكثر ولكن من استعمله وعرف مشاكله يقدر ذلك وبالنسبة للأخوان اللي يشتكون منه هذا رأي شخصي كل واحد حر برايه أي سياره ما تحافظ عليها ماراح تتحمل لكن في كل الأحوال لكل منا قناعته
السلام عليكم ورحمة الله
اولا الله يعطيكم العافية في المجهود اللي تقدمونه في المنتدى فردا فردا ...
ثانيا أبشركم حليت المشكلة اللي كانت في سيارتي .. رحت الوكالة وطلع الخلل في طرمبة البنزين وغيرتها 000 والحمد لله ضبطت الامور .
بس طلع لي مشكلتين ثانية من اسبوع تقريبا ...
الاولى / اذا وقفت مثلا عند الاشارة ترتفع حرارة السيارة واذا مشيت مسافه تبدأفي الرجوع لوضعها الطبيعي .
الثانية طلع لي علامة على الطبلون (CHECK TRANS) ولا أدري وش معناها او وش مشكلتها
أتمنى تفيدوني يا أخون .
السلام عليكم ورحمه اللهم
مساؤكم ورد وكل عام وانتم بالخير
انا مالك جديد لروديو 2005 فل .
لدي بعض المعلومات الروديو محرك 3500سي يحتوي على طرمبتين وقود ؛ كهربائية في خزان الوقود ، والاخرى ميكانيكية في المحرك . وبالامكان الاستعاضه بالكهربائية عند تعطلها بطرمبة دنسو اليابانية . اما الروديو محرك ٣٢٠٠ سي فيحتوي على طرمبة وقود واحدة ميكانيكية
الذين يشاهدون الموضوع الآن: 1 (0 من الأعضاء و 1 زائر)