بعض المعلومات البسيطة عن GXR 2013

[الصخرة]

السلام عليكم ورحمة الله وبركاته

أخواني اطرح بين أيديكم بعض المعلومات لعلها تفيدكم:


المعلومة الأولى:

السلام عليكم ورحمة الله وبركاته


بالنسبة لطبلون GXR 2013 تقدر تتحكم في الإضاءة تزيدها وتنقصها بما يلي:

اضغط على عصا العداد حتى تأتيك خطوط وبعدين اضغط عليها لتخفيض الإضائة


المعلومة الثانية :

بالنسبة ( ECO ) ...... اللمبة الخضراء بالطبلون تستطيع إيقافها وستلاحظ تغير بالقومة والفزة قليلا

اضغط على عصا العداد ستجد الكيلومترات التي مشتها السيارة وفوقها كتب ECO علق عليها ويأتيكOFF و ON

اضغط OFF للإيقاف وستلاحظ أنها تطفى
اضغط ON للتشغيل وستعمل مرة أخرى

المعلومة الثالثة:

بالنسبة لزر التشغيل السيارة إذا كانت بطارية الريموت فاضية كل ما عليك تمرير الريموت على زر التشغيل ورجلك على الفرامل وتلاحظ أن اللمبة صارت خضراء فاضغط وشغل ..


المعلومة الرابعة:

يوجد مفتاح في الريموت تستطيع فتح الباب إذا فرغت بطارية الريموت أو بطارية السيارة
وطريقة إخراجه :
تضغط على زر جانبي وتسحب الميدالية أو الجزء اللي تمسك به الميدالية.

اللي عنده معلومات يضيفها


طبعا ذكرت الموديل حسب اللي معي وممكن ينطبق على موديلات أخرى

والله يحفظكم ويرعاكم

[الصخرة]

للرفع رفع الله قدركم

[تميم2222]

فزه اي فزه تكفا. الموتر ثقيل خلقه


الله يبارك فيه ويطعمك من خيره. ويكفيك شره

[ابواروى2013]

الف مبروك الموتر
ونسأل الله ان يعطيك خيره ويصرف عنك شره

[راعي اللد]

الله يابسك الصحة والعافيه يالصخرة على العلومات القيمة

والله استفدت منها وتغير على عزم الموتر يوم طفيت (eco)

[هاوي]

ابي اعرف النور فيه ربشه مع المطبات العالي ليه هل هناك فكرة او اصلاح وكاله على الضمان وشكرا للموضوع النير

[رسلان الوايلي]

الله يعطيك العافيه اخوي

[الصخرة]

فزه اي فزه تكفا. الموتر ثقيل خلقه


الله يبارك فيه ويطعمك من خيره. ويكفيك شره

الله يجزاك خير على الدعوة بالعكس تغيير بسيط .....

الف مبروك الموتر
ونسأل الله ان يعطيك خيره ويصرف عنك شره

الله يبارك فيك ويجزيك الف خير على الدعوة

الله يابسك الصحة والعافيه يالصخرة على العلومات القيمة

والله استفدت منها وتغير على عزم الموتر يوم طفيت (eco)

حياك الله

ابي اعرف النور فيه ربشه مع المطبات العالي ليه هل هناك فكرة او اصلاح وكاله على الضمان وشكرا للموضوع النير

يقولون أنهم يغيرونها على الضمان بجرب بعد رمضان بإذن الله أمرهم واشوف

الله يعطيك العافيه اخوي

الله يعافيك ويسلمك من كل شر

[ابومشعل59]

طيب وش فايدتها والا تبع ايش هالــ ECO
ووش استخداماتها والافضل اطفيها والا اخليها شغاله

[الصخرة]

طيب وش فايدتها والا تبع ايش هالــ ECO
ووش استخداماتها والافضل اطفيها والا اخليها شغاله

توفير الوقود وتقليل الانبعاثات (باختصار شديد)
خلها مولعه ماتضر

[ابوبحه القصيم]

السلام عليكم.
اضافه بحكم اني موتري نفس الموتر

1: بالنسبه للفل شاشه كاميرا خلفيه مع الريوس والرجوع للخلف تنزل المرايات زي اللكزس اذا كان مفتاح التحكم بالمرايات يمين ويسار على احد الجهتين واذا كان فالنص لايمين ولا يسار تبقى ثابته ولاتنزل للخلف مع الريوس
2: الشنطه اذا السياره مقفله وضغطت زر فتح الشنطه لفتحها يوجد في نفس جلده الشنطه بروز دائري لقفل الازرار والشنطه في الجهه اليمنى
3: لشد البريك اذا كان مرتخي تحت علبه الابواب صاموله لشد البريك كل ماعليك تسحب غطاالاكواب للاعلى وتطلع بسهوله لانها كبس
هذا مايحضرني والله الموفق

[alrowaily]

يعطيك العافيه عالمعلومات

[hathah]

اذا علقت على ازرار الريموت حتى تسمع بيب يصير ضغطه وحده لفتح الابواب تفتح فقط باب السائق وضغطتين تفتح الابواب كلها.
اذا طولت معلق على زر التشغييل للمره الثانيه بدون فرامل يشتغل .
واذا السياره بشاشه تقدر تخزن السيديات بالشاشه .

هذا مايحضرني الان

[الصخرة]

اذا علقت على ازرار الريموت حتى تسمع بيب يصير ضغطه وحده لفتح الابواب تفتح فقط باب السائق وضغطتين تفتح الابواب كلها.
اذا طولت معلق على زر التشغييل للمره الثانيه بدون فرامل يشتغل .
واذا السياره بشاشه تقدر تخزن السيديات بالشاشه .

هذا مايحضرني الان

بيض الله وجهك معلومات مهمة

وبالنسبة لتخزين السديات لابد من تكون نظام تراك وليس MP3

[ساري بريدة]

مشكور على المعلومات ..........سؤل اخي انا سيارتي جي اكس ار13 اذا وضعت القير على R تطفاء الشاشه ولاتظهر الكميرا


هل فيه كميرا اولا لانها اكيد موصله با القير اذا ريوست طفت ولك شكري