لمبة الدبل الخفيف تولع اذا شغلت السياره في لاندكروزر 2010 !!!

[جراند شروكي]

السلام عليكم ورحمة الله وبركاته
اخواني الاعضاء لدي مشكله بسيطه في جيب لاندكروزر 2010
وهي : عندما اقوم بتشغيل السياره تضي لمبة الدبل الخفيف مع العلم ان الموضوع مو دايم يعني اوقات اشغل السياره ما تولع واحيانا تولع ،،،،
طبعا رحت للشركة تويوتا قالوا يمكن من زيت الدبل نغيره لك غيرنا ونفس المشكله المهم رجعت مره ثانيه قالي يمكن يكون من الدينموا الخاص بالدبل وتم طلبه لانه مو موجود ،،،،
احد قد صار معه هالشي ؟
السوال الاخر : هل هناك ضرر بتركيب وتغيير دينموا الدبل مع العلم ان الموضوع على الضمان ؟
شاكر ومقدر تعاونكم اخواني الاعزاء
اخوكم : ابو طلال

[تساهيل 502]

اخوي شف حساس الدبل يمكن المشكله منه

[مكشآتي للآخر]

سؤال علامة الدبل الخفيف تآشر ولا ضالة شغالة .؟ يعن

[جراند شروكي]

سؤال علامة الدبل الخفيف تآشر ولا ضالة شغالة .؟ يعن

لا تاشر اللي هي علامة 4 كفرات وبينه علامة اكس تجي علي يسار الطبلون

[مكشآتي للآخر]

اذا تآشر معناته مو شغآل يالغالي >تصير معي مرآت في اللكزس تونا شارينه ورحت وديته للوكالة
وصوره فديو وارسل للفرع الرئيسي وارسلو لي جيب موترك عشان نغير قطعة اكترونيه بسيطة
بس خفت اوديه يلعبون فيه وعشان كذآ أذا قام يآشر اقعد اتعبث في الدبل لين تروح واطفيه واشغلة
مرات تروح بسهوله ومرآت تنشب بس ترآ ماياثر عليه لانه مو شغال اذا يآشر
وقالو لي هذا خلل فني في اللكزس ال2013 ومادري اذا الخلل موجود في الموديلات السابقه

[جراند شروكي]

اذا تآشر معناته مو شغآل يالغالي >تصير معي مرآت في اللكزس تونا شارينه ورحت وديته للوكالة
وصوره فديو وارسل للفرع الرئيسي وارسلو لي جيب موترك عشان نغير قطعة اكترونيه بسيطة
بس خفت اوديه يلعبون فيه وعشان كذآ أذا قام يآشر اقعد اتعبث في الدبل لين تروح واطفيه واشغلة
مرات تروح بسهوله ومرآت تنشب بس ترآ ماياثر عليه لانه مو شغال اذا يآشر
وقالو لي هذا خلل فني في اللكزس ال2013 ومادري اذا الخلل موجود في الموديلات السابقه

صباح الخير اخوي مكشاتي والله وانا اخوك بصراحة عقدتني هالشغله وعلى قولتك اذا ولعت وصارت تاشر اجلس العب فيه واطفي واشغل زر الدبل الخفيف ثم اطفي الموتر واشغله وتروح ،،،،، بس انا طلبت من شركة تويوتا دينموا الدبل وبغيرونه لي على الضمان هل تتوقع ان دينموا الدبل له علاقة بالموضوع ،،،،

[مكشآتي للآخر]

والله مـآدري شنو بالضبط بس انا الي ملاحظه انها مشكلة ماهي دايمة الحدوث يعني يمكن بالاسبوعين مرة وحدة تصير
يعني ماتتكرر دايما عندي اما اذا كانت تتكر دايم عندك لازم تشوف لها حل ولا أعتقد من دينمو الدبل لانه المشكلة اكترونيه مو مكانيكيه....

[تميم2222]

ياليل. الكهرب. افصل اصبع البطاريه. وشف.

[F.S]

السلام عليكم ورحمة الله وبركاته
اخوي مكشاتي .. اش صار معك ف المشكلة

اعاني من نفس المشكلة لنفس سيارتك !!

[جراند شروكي]

السلام عليكم ورحمة الله وبركاته
اخوي مكشاتي .. اش صار معك ف المشكلة

اعاني من نفس المشكلة لنفس سيارتك !!

هلا اخوي
السالفه اني غيرت دينموا الدبل من الوكاله على الضمان وبعد فتره رجعت لكن الان اختفت بصراحه والله اعلم انها شي عادي لا تشيل همه لانه اذا ولعت لمبة الدبل الخفيف تشر مو معناته ان الدبل شغال
انا بصراحه ترجع من فتره لفتره طويله

[مكشاتي2009]

السلام عليكم
ان معي جي اكس ار 2011
تولع لمبة الدبل وتطفى احياناً مره تجلس شهر ماتولع مره تولع كل اسبوع
وللحين ماشي على هالوضع وان شاء الله الامور طيبه

[HD1]

السلام عليكم

يالربع انا من طلعت الموتر من اليحيى وهي تجي بين فتره وفتره والاحظها اكثر شي لاجا الموتر رطوبه مطر او بعد غسيل السياره وغالبا الصبح
وعاده لاصارت تاشر امشي عليه عادي اخلص مشاويري واذا طفيته وشغلته رجع طبيعي
اعتقد والله العالم ان اللمبه هذي تذكرك بالدبل لانه ضروري تشغله بين فتره وفتره على شان مايجيم ..

[F.S]

الله يعطيكم العافية جميعا

لاحظت ان لمبة الدبل عندي ما تأشر الا بعد مشوار وخاصة اذا الخط جلد مع العلم ان ما استخدمت الدبل نهائيا

ولا تأشر ع طول من بعد المشوار .. ثاني يوم اول ما اشغل السيارة الصباح

[F.S]

جربت طريقة والحمد لله طلعت بنتيجة

امشي ع السيارة لمدة ساعة بعد كذا اطفي السيارة وبعد نص ساعة تقريبا ارجع اشغل السيارة الاحظ انها اختفت

ولا ترجع نهائيا الا اذا طلعت البر