مشكلة الحرارة فتك 2005

[راع الباثفندر]

السلام عليكم ورحمة الله وبركاته

يالربع عندنا فتك 2005 اذا وقف الموتر الحراره توصل النص ومجرد مانمشي ترجع طبيعي عالربع الموتر عليه هدرز وفلتر بسس

علما اني فالدمام ياليت تفيدوني بالمشكلة وحلها

وشكرا

[hamido]

ماداب وانت واقف معناه نقص تهويه شيك على مراوحه الكهرب وتماتيك المروحه

[راع الباثفندر]

بإذن الله تعالى راح اشيك عليهم

[راع الباثفندر]

شاكرلك اهتمامك اخوي hamido

[sgl2002]

نقص هواء

شيك على تماتيك المروحة والمراوح الامامية والغطاء البلاستيكي الكبير اللي هو الهراية حقت الرديتر

[ls1.5700]

مع المكيف او بدون
ترتفع الحراره

[فهد الراشد]

انا نفس المشكلة جيب ناتيفا ميتسوبيشي، واذا طفيت المكيف تنزل علطول،
وشيكت على الرديتر والمراوح والتماتيك وكل شي سليم .
والله انه يعيفك المشاوير داخل البلد بس مادري وش الحل .

[ALBDRANE]

معلومة تفيدك ولا تتجاهلها وهي : اذا الاديتر متسخ ومتسكر فتحاته يطلع فيه حرارة مع الوقفه اكثر . وانت نظف الاديتر قبل تخسر اي شي ثاني

[قرم العيال]

غير بلف الماء وصيخ رديتر وماء سديلكو وراح تدعي لي

[ابوسند9]

غير بلف الماء وصيخ رديتر وماء سديلكو وراح تدعي لي

+11111111111

[السليطين]

صيخ الاديتر

واذا مانفع شيك على الديلكو واوزنه


صارت معنا وطلع وزن ديلكو

[مركز حراره]

شوف ممكن المراوح الي قدام الرديتر خربانه او ماتشتغل السرعه الثانيه او اذا هي ممتازه بدل تماتيك المروحه

[سوبر VTC]

اغسل وجه الاديتر من جهة الصدام بالما
دايم احصل بالفتك مسكر من التراب طين حتات شجر

عيب راس الفتك انه ضعيف
و اية تنسيم بسيط بوجه الراس
تضرب الحرارة

شد سير المكينة
الغطا
البلف
حط ما مقطر بدون محلول
لاحظ اختلفت الحرارة ام لا

اذا كان الراس ممسوح سابقا
فالحرارة تكون فوق الخط الثاني
لان الراس يقرب للبساتم فيكون الانضغاط عالي
ربما تحتاج تسييخ

[راع الباثفندر]

سامحوني عالتاخير الحمدلله المشكله طلعت تغيير غطيان الرديتر والحمدلله الحراره الحين عالربع مع المكيف وفالظهر بعد تراه شبب تافه لاكنه يجنن الواحد شاكر لكم اهتمامكم ونصايحكم