رابطة ملاك ديماكس (D-MAX) موديل @ 2013 @ واعلى ..

[yes999]

هلا استشاري نورت الحته .. ان شاء الله انك بخير بعد هذا الغياب .. بالنسبة لصيانة الالف للاسف ماكانت مجانيه عند باخشب اخذو على 288 ريال عدا ونقدا ..

[إستشاري]

منوره بوجودكم يا غالي ...

أطممنك بخير عافية ولله الحمد .

ما فيه صيانة مجانية ، ولكن العيسى عامل عرض هالايام .

واي خدمة أنا حاضر وبأي وقت .

[أبو نقزه]

السلام عليكم ورحمة الله وبركاتة

نظرا لتغير شكل الديماكس من موديل 2013 احتجنا لموضوع جديد يخص هالسيارة الرائعه حسب وصف وتجربة الكثيرين .. ونشكر من اثراء معلوماتنا مثل الاخوان " استشاري + عبد الاله + فنجال ورجال + ثامر المرشد + بدر الواثق .. وجميع الاخوان بلا استثناء ..

السيارة ميزتها الاساسيه القوة + التحمل + اقتصادية ديزل ( من الرياض لجدة تانكي واحد فقط ب 17 ريال تقريبا الفل ) + مريحة ولا ينقصها عن سيارة السيدان شيئا بل نضيف لها الحوض

ولا ابالغ اني من سنة اريد سيارة بيك اب مناسبة واخيرا اخترت الديماكس 2013 دبل مكينة 3000 سي سي

===================
تجربتي قربت على 1000 كلم

ولاحظت السيارة مريحة ومرنه ومتماسكه واقتصادية يعيبها ارتفاع قليل بصوت المحرك وضعف بالاستجابه
في الدعسه ( القومه ) في بداية القيادة مقارنة بسيارات البنزين - لكن على الخط لا مشكلة وهذي اول سيارة ديزل اقودها وامتلكها ..
بالنسبة لضمان تقدر تشتري من اي وكيل والصيانه في اي وكيل اخر

عندنا العيسي واليمني بالرياض وباخشب بجدة
سئلت عن اول صيانة كم سعرها 1000 كلم قالو 350 ريال عند باخشب اشوف السعر مرتفع لكن قالو يغيرو جميع الزيوت بالسيارة حتى الدبل وتشييك كامل ( ماادري هل تستحق او لا ) وهل ضروري تغيير زيت المصنع !!..

=============
راح انزل صور مستقبلا ان شاء الله في هالموضوع عن كيف تصريف الماء والهواء من منظومة الوقود لانه تختلف قليلا عن الموديلات السابقة - وارحب بااي اضافات او نصائح - ليستفيد الجميع
ويكون مرجع لااي شخص يسئل عن الديماكس ( لفت نظري لوحه اعلانيه بالوكالة مكتوب فيها صنعت لتدوم مدى الحياه ) ومن خلال تصفحي الشبكه العنكبوتيه ليس هناك معلومات مثل هذا المنتتدي بمكشات عن هذه السيارة ..
اي اسئله وملاحظات عن صيانة الديماكس من 2013 واعلى الشكل الجديد نرحب بها .. وبالتوفيق للجميع

تدري ان شمعة الكسنت ب2300
وشمعات الازيرا الجديده حبتين ب8700

صيانة الاكسنت 10 الالف ب500 بس تغيير زيت


كل السيارات ارتفع اسعار قطعها مع تردي صناعتها وكثرة خراباتها

لهذا اشوف الدي ماكس رخيص خصوصا انها صنعت لتدوم مدى الحياه

الشي الاخر شفت عند اليمني دي ماكس يختلف مكتوب عليه GT على الجنب وشكله سبورت
عليه زوائد وشكله رياضي وجنوط تختلف والمقاعد من جوه لونها احمر واسود بس ماسئلت عنه

هل قد مر عليكم هالنوع
وهل اقدر اركب مثبت سرعه لو شريت ؟

وهل يحتاج للتحميه اكثر من 5 دقائق ؟

وهل يحتاج 10 دقائق قبل انتظار قبل ماطفيه ااذ كنت ماسك خط ؟

[yes999]

ابو نقزه هلا حياك .. فعلا القطع اصبحت غاليه في كل الشركات ..
بالنسبة لمثبت السرعه .. بعد مشاكل تعليقه انصح بعدم تركيبه ..
اما التحميه بالنسبه لي اشغل فقط وبعد 10 ثواني امشي بسرعه متدرجه ولا صار فيها الا العافيه ..
واذا وقفت بعد خط انتظر ايضا 10 ثواني واطفيء السياره ..
وبالتوفيق ..

[أبو نقزه]

ابو نقزه هلا حياك .. فعلا القطع اصبحت غاليه في كل الشركات ..
بالنسبة لمثبت السرعه .. بعد مشاكل تعليقه انصح بعدم تركيبه ..
اما التحميه بالنسبه لي اشغل فقط وبعد 10 ثواني امشي بسرعه متدرجه ولا صار فيها الا العافيه ..
واذا وقفت بعد خط انتظر ايضا 10 ثواني واطفيء السياره ..
وبالتوفيق ..

حياك اخوي
حسب مافهمت منك ان وضع الديزل حاليا نفس وضع البنزين

انا انتظر نص دقيقه وامشي

انت بدائت تريجني فهالموتر
على العموم انتظر رمضان والعروض تنزل ونفسي بصراحه فالدي ماكس اللي شفته
GT وقفته وشكله لها هيبه

[abd190]

اللي شفت انا LS
ما الفرق بين LS - GT

[هالي76]

هل يا أخوان أنوار الديماكس 2014 زنون

[قبطان البحار]

هل يا أخوان أنوار الديماكس 2014 زنون

انا عندي 2014 LS انوار عادية

[adel-2014]

السلام عليكم
يا أخوان ابي اسأل هل تجي غماره ديماكس ماكينا 3000 سي سي والي معاه ديماكس 2014 غماره دبل وشلون عزمهاا لأني كان عندي ديماكس 2010 وبعتها شاريها مستعمله ماشيا حوالي 40000 الف عزمها في القومه ثقيل وعانيت من فيوز الدبل الأزرار هل الموديلات الجديده انحلت هذه المشكله او للحين ؟ وكم اسعار الغماره ماكينا 3000 وشكرا

[ديماكس2013]

انا عندي 2014 LS انوار عادية

نعم 2013و2014انواره عدسات وليست زنون

[ديماكس2013]

السلام عليكم
يا أخوان ابي اسأل هل تجي غماره ديماكس ماكينا 3000 سي سي والي معاه ديماكس 2014 غماره دبل وشلون عزمهاا لأني كان عندي ديماكس 2010 وبعتها شاريها مستعمله ماشيا حوالي 40000 الف عزمها في القومه ثقيل وعانيت من فيوز الدبل الأزرار هل الموديلات الجديده انحلت هذه المشكله او للحين ؟ وكم اسعار الغماره ماكينا 3000 وشكرا

نعم تجي غماره دبل قير عادي 3000cc

[ديماكس2013]

اللي شفت انا LS
ما الفرق بين LS - GT

الفرق تجي جنوطه رماديه والمراتب احمر واسود وتجي خطين سود على الكبوت وتجي كتابة isuzuبلون احمر

[adel-2014]

مشكور وماقصرت أخوي ديماكس 2013
على ردك وجزاك الله كل خير
أخوي ابي أسأل مشكلة الدبل أنحلت ولا للحين فيوزه يفصل وين يجي زر الدبل الجديد في الغماره ؟ بالطبلون ولا عند القير وشكرا لك

[هالي76]

يا اخوان والله أنا معجب جدا بشكل الديماكس الجديد بس من تصفحي في رابطة ملاك الديماكس تحت مديل 2013 يتكلمون عن قطع اسعارها خيالي جدا مثل طرمبة الديزل تصل الى 17 او 18 الف غير قطع اخري تعطلت عند البعض مثل الكمبروسور تبع المكيف 4500 ريال شيء ثبط عزيمتي على الدماكس اتمنا من عنده ايضاح اكثر عن هذه القطع خصوصا طرمبة الديزل يفيدنا مشكورا .

[adel-2014]

أخوي هالي 76

أنا أستخدامي الشخصي للديماكس غماره 2010حول الشهرين واستلمها أخوي وقعدت معنا سنه تقريبا الحمد الله ما شتكت من شئ غير فيوز الدبل الأزرار هو عانينه منه يفصل
السياره مريحه في الخط وسواقتها عيبها شوي ثقيله في القومه يقولون تقدر تفتحله عشان تقوى القومه بس الصراحه ماجربتها ولا لعبت في السيارة مكيف ماشاء الله عليه معروف الأيسوزو في مكيفه ثلج وتتحمل كرف السياره أما القطع الغيار ما غيرت قطع غيار فيها والأخوان في الرابطه مايقصرون إن شاء الله وياليت يكون هناك قائمه بالأسعار القطع الأستهلاكيه للسياره عشان نستفيد ونفيد ان شاء الله