رابطة ملاك ديماكس (D-MAX) موديل @ 2013 @ واعلى ..

[yes999]

السلام عليكم ورحمة الله وبركاتة

نظرا لتغير شكل الديماكس من موديل 2013 احتجنا لموضوع جديد يخص هالسيارة الرائعه حسب وصف وتجربة الكثيرين .. ونشكر من اثراء معلوماتنا مثل الاخوان " استشاري + عبد الاله + فنجال ورجال + ثامر المرشد + بدر الواثق .. وجميع الاخوان بلا استثناء ..

السيارة ميزتها الاساسيه القوة + التحمل + اقتصادية ديزل ( من الرياض لجدة تانكي واحد فقط ب 17 ريال تقريبا الفل ) + مريحة ولا ينقصها عن سيارة السيدان شيئا بل نضيف لها الحوض

ولا ابالغ اني من سنة اريد سيارة بيك اب مناسبة واخيرا اخترت الديماكس 2013 دبل مكينة 3000 سي سي

===================
تجربتي قربت على 1000 كلم

ولاحظت السيارة مريحة ومرنه ومتماسكه واقتصادية يعيبها ارتفاع قليل بصوت المحرك وضعف بالاستجابه
في الدعسه ( القومه ) في بداية القيادة مقارنة بسيارات البنزين - لكن على الخط لا مشكلة وهذي اول سيارة ديزل اقودها وامتلكها ..
بالنسبة لضمان تقدر تشتري من اي وكيل والصيانه في اي وكيل اخر

عندنا العيسي واليمني بالرياض وباخشب بجدة
سئلت عن اول صيانة كم سعرها 1000 كلم قالو 350 ريال عند باخشب اشوف السعر مرتفع لكن قالو يغيرو جميع الزيوت بالسيارة حتى الدبل وتشييك كامل ( ماادري هل تستحق او لا ) وهل ضروري تغيير زيت المصنع !!..

=============
راح انزل صور مستقبلا ان شاء الله في هالموضوع عن كيف تصريف الماء والهواء من منظومة الوقود لانه تختلف قليلا عن الموديلات السابقة - وارحب بااي اضافات او نصائح - ليستفيد الجميع
ويكون مرجع لااي شخص يسئل عن الديماكس ( لفت نظري لوحه اعلانيه بالوكالة مكتوب فيها صنعت لتدوم مدى الحياه ) ومن خلال تصفحي الشبكه العنكبوتيه ليس هناك معلومات مثل هذا المنتتدي بمكشات عن هذه السيارة ..
اي اسئله وملاحظات عن صيانة الديماكس من 2013 واعلى الشكل الجديد نرحب بها .. وبالتوفيق للجميع

.


.



.



.



.

[yes999]

من الاشياء المهمه والتي تنقص هذه السيارة - الحساسات - ومثبت السرعة
بالنسبة لمثبت السرعة مع كثر مشاكل تعليقة يخوف تركيبه
اما الحساسات سهل امرها والمهم الخلفية الامامية ليس لها ضرورة وتشبك في لمبة الرويس واشكال والوان وعجبتني حساسات راكبه ع ديماكس 2013 مثل هذي الصورة وان شاء الله ناوي اركب مثلها .. واتوقع تكلفتها حول 200 ريال

[فنجال ورجال]

أتمنى لكم التوفيق

[إستشاري]

ما شاء الله .. تبارك الله

أخي العزيز

كل ما ذكرته جميل ومفيد .

أما بالنسبة : سئلت عن اول صيانة كم سعرها 1000 كلم قالو 350 ريال عند باخشب اشوف السعر مرتفع لكن قالو يغيرو جميع الزيوت بالسيارة حتى الدبل وتشييك كامل ( ماادري هل تستحق او لا ) وهل ضروري تغيير زيت المصنع !!..

حسب علمي أن هناك زيوت بالسوق مغشوشه تشابة علبة الأصلي . لذا غير بالوكالة أفضل ، والتكلفة بالنسبة للزيت لا تزيد كثيراً . اعتقد عند العيسى الان بحدود 275 ريال

وزيت الوكالة لا بد من تغييره على 1000 كم ، والسبب أنه يكون خفيف والماكينة جديدة ومن الطبيعي أن يكون به شوائب صغيرة جداً من برادة الحديد .


تحياتي لك

[yes999]

الله يوفقك اخوي استشاري ونصايحك ع العين والراس - كنت ناوي اسحب الى 5000 بس بما انه ضروري الشكوى لله نغير على 1000 مع انه بدليل المستخدم مكتوب الصيانه من 5000

[الأعصـــــار]

الف مبروك لك أخ / yes أنا بعد مثلك توني مطلع سوزو 2013 دبل تماتيك
ومحتاج لنصايحكم وهذي أول سيارة لي ديزل وشكرا.

[ثامر المرشد]

السلام عليكم ومبروك افتتاح الرابطه

انا سيارتي اقتربت من ١٣٠٠٠ كيلوو
والحمدلله تمام وماشاءالله عليها
وللان ما شفت الوكاله ولا مريتههم هههههه
عندنا صاحب لي عنده محل ميكانيك والحض انه معه ديماكس
حطيتها وغيرلها زيت
مدري ٦كيلو او ٥ونص

المهم ان السيارة تمام وما شفت منها مشاكل غيرر اني صدمتهها
هههههه من الخلف وطار الباب

[yes999]

تسلم اخوي الاعصار - وخلك معنا هنا واعطينا انطباعك ومشاكلك عن السياره وفيد واستفيد ..
سلااااااااااااااااامات اخوي ثامر المرشد ماتشوف شر - والمهم انك بخير والحديد يتعوض ..

[yes999]

تشييك 1000 كيلو بوكالة باخشب ( 288 ريال ) تم تغيير زيت مكينة وفلتر مكينة و زيت الدفرنسين " كارونه "
سعر فلتر زيت المكينة 63 ريال وكالة
سعر فلتر الديزل 116 ريال وكالة
سعر فلتر الهواء 102 ريال وكالة
------------------------------
في موضوع بالمنتدي ذكر احد الاخوان بعض الاسعار بضيفها للفائدة
الصدام الامامي 760 ريال
الشمعه الامامي اليمن 950 ريال

[الولهان807]

السلام عليكم
اشوف قطع الغيار غالي للفلاتر
طيب زيت المكينه كم علبة موديل 2013 مكينة 3000 ؟؟

[ثامر المرشد]

تسلم اخوي الاعصار - وخلك معنا هنا واعطينا انطباعك ومشاكلك عن السياره وفيد واستفيد ..
سلااااااااااااااااامات اخوي ثامر المرشد ماتشوف شر - والمهم انك بخير والحديد يتعوض ..

الله يسلمك ياررب

وركبت شاشة ثانيه وحلوه كثيرر

على شكل مسجل طبقة وحده
وبس تشغل السيارة تطلع من داخل المسجل شاشه وتطلع لفووق

[ثامر المرشد]

عندي سؤال بخصوص طرمبة الديزل

الكل يعرف ان طرمبات الديزل القديمه اليدويه كان في برغي ترخيه ويزيد عزم السيارة ٢٠٠٪

مبارح سألت ميكانيكي اعرفه
قلتله ان ودي افتح طرمبة الديزل على شان يزيد عزم السيارة اكثر
ويمكن توصل الى٢٠٠ حصان

دلني قالي توديها على محل كمبيوتر ويفتحها عليه

يقوول انها تم تجربتها على هابلوكس ٢٠١١ ديززل

ف مدرري عمركم سمعتوو

[yes999]

حركات الشاشة ياثامر .. الله يبارك لك فيها .. بالنسبة لتعديل ع السيارة لزيادة العزم .. افضل تكون مثل ماهي وكالة يمكن اي تعديل ياثر عليها ع المدى البعيد على الاقل .. لكن الى يهمني الصيانة الصحيحه وافضل طرق المحافظه .. تحياتي

[ثامر المرشد]

طيب احشوو سولفو علامكم ساكتين

[ثامر المرشد]