رابطة ملاك ديماكس (D-MAX) موديل @ 2013 @ واعلى ..

[yes999]

ولا يهمك ياثامر بالنسبة لزيت كميته في المكينة 3000 سي سي بدون سيفون 6.7 لتر وبالسيفون 7.3 لتر اتوقع كذا بالكتالوج نشوف كم كمية الزيت الى يضعونها الشباب

[ثامر المرشد]

ححد عنده فكرة عن اليسوزو الفل الفل
جلد وكراسي كهررب وايرباج واي بي اس
.اللي شافها يقوللنا سسعرها وشو الفرق بينهم
واي موديل ٢٠١٤ ولا ٢٠١٣

[yes999]

97 الف ريال سعودي من العيسي اسيزو - فل الفل مراتب جلد وبعض الاضافات في 2013 + لكن فروقات بين 2013 و 2014 كلام الموظف قبل كم شهر يقول مافيه فرق والله اعلم - والى يعرف الفروقات بالسنين الى راحت بين الموديلات - يقدر يخمن وش ممكن الشركه تضيف جديد .. بالتوفيق للجميع

[ثامر المرشد]

مممم ٩٧ الف ٢٠١٤
جلد وكهرب وايرباج واي بي اس
واتوماتيك

يعني ١٨ الف دينار ويلحقها جمارك ٩ الاف دينار

يعني فيه شوية مبالغه

[بن نويشر]

ممكن استفسار يا جماعة الربع
أخي الاكبر يرغب بشراء ديماكس فل كامل ، المشكلة انه كل يوم له رأي واخيراً استقر على الديماكس فل كامل .
السؤال: هل يجي منه بنزين (فل كامل)؟
السؤال2: هل يجي فيه ثلاجه ؟
السؤال3: تنصحون ولا ما تنصحون ؟
شاكر لكم جماعة الخير وجزاكم الله كل خير

[yes999]

هل يجي منه بنزين = لا
هل يجي فيه ثلاجه = لا
ننصح او ماننصح = تقدر تقرا من اول الموضوع والناس اذواق ..
لكن مقارنه مع بيك اب من نفس فئته اراه متفوق .. ونسمع كلام عن احتمال رفع اسعار البنزين .. وهنا الديزل يتفوق من ناحية اقتصاديه .. الله يكتب لك ولكل مسلم الخير ..

[مايطيق الصبرا]

يااخوان

لو سمحتوا

نبي صور لموديل 2013

من الداخل والخارج

وشكرا

[yes999]

صور 2013 مع الشكر للاخ فنجال ورجال
====================


==============

================


===================

[yes999]

سمعت كذا شخص يتكلم عن نقصان الزيت في موديل 2013 وحبيت اعطي كذا معلومة ومصدرها طبعا دليل المستخدم من الوكالة والشركة المصنعة لسيارة وهي ادراء بما صنعته ..

بنتكلم عن انواع المكاين الي تجي ع الديماكس وكيف نعرف نوع مكينة السيارة وكمية الزيت ..

عندنا 3 انواع من المكائن

1- 4JA1
2- 4JJ1
3- 4JK1

لمعرفة نوع مكينة سيارتك فك الكبوت وانظر اعلى الكبوت تلقى قطعه مربعة معدنيه مكتوب عليها مثل الصورة :


بالنسبة لزيت كيف تعرف انه نقص او يحتاج اضافة بعد سحب مقياس الزيت تابع الصورة والشرح



=======================

ناتي لكمية الزيت في كل مكينة حسب اذا كانت بدبل او بدون - ويجب الاخذ بالاعتبار ولتصحيح الاخطاء عند الكثير طبعا لو زاد الزيت نصف علبة او نقص اكيد ان الشركة المصنعة عملت " امان " لهذه الزيادة او النقص ويمكن تاصل لعلبة - يعني لايجي واحد يقول انا لي عشر سنين اغير بزيادة علبة عن الكتالوج ولا صار بسيارتي شي - والاهم الاهم متى تاخذ العيار الصحيح والدقيق اذا طفيت السيارة نصف ساعه على سطح مستوى مو مثل عند البناشر بنفس الوقت يغير زيت ويعاير ويقول شوف ناقص ويزيد لك نصف علبة ... عموما نشوف الاحتياج الصحيح لكل مكينة :

محرك 4JA1 = بسيفون 4.7 لتر وبدون سيفون 3.7 لتر
محرك 4JJ1 و محرك 4JK1
بدون دبل = بسيفون 6.8 لتر وبدون سيفون 6.2 لتر
مع الدبل = بسيفون 7.3 لتر وبدون سيفون 6.7 لتر

التقيد بالكمية المطلوبة مهم ومثلا كيف تحط 7.3 = 7 علب واقل من نص علبة - واذا انت تستخدم الزيت ابو 4 لتر تقدر تاخذ علبة كاسترول فاضيه تلقى مرقمه من الجنب وتنزل فيها باقي الكمية للاستفاده منها لاحقا ..
------------
بقي علينا متى نغير الزيت :
بالنسبة لمحرك
4JA1 تغير كل 5000 كيلو او 6 شهور لو واقفه مع السيفون في ضروف القيادة العادية
او تغير كل 2500 في القيادة الشاقه ( جو حار - تحميل - غبار - صعود مرتفعات) وانصح بهذا
بالنسبة لمحرك 4JJ1 و محرك 4JK1
تغير كل 20 الف كيلو مع السيفون او كل سنتين لو واقفه " مخزنه "
او 5000 كيلو للقيادة الشاقة ( جو حار - تحميل - غبار - صعود مرتفعات )
وبالنسبة لي انصح التغيير كل 5000 كيلو لان جونا مايساعد ولازم نحافظ ع المكينة من باب الاحتياط ..

----------------------
نوعية زيت الوكالة - كاسترول بلزوجة 15w - 40
وهذا الزيت يتحمل حرارة من 15 درجه تحت الصفر الى 45 درجه فوق الصفر
واحرصوا ع الزيت الاصلي من المحلات والوكالات الكبيره لانه التقليد منتشر
واحرصوا ع الفلتر الاصلي كم مكينة خبطت من فلتر مقلد عشان توفير 20 ريال

--------------
بالتوفيق للجميع واعتذر ع التقصير

[.ابو خالد]

أخوي yes999 أبا أسالك الدركسون يتحرك أو لا ؟
والكتابات اللي تجي وارد باخشب لزقة أو حفر

[yes999]

هلا فيك اخوي ابو خالد ..

بالنسبه لدركسون ايه عندي يتحرك فوق وتحت في الفل الكامل
بالنسبة لشطرطون كلمة ديماكس الفسفوريه ع باب الحوض اذا تقصد - اذكر انها شطرطون مو حفر مادققت - وانا سيارتي اخذها من العيسي وتجي بدون - وانا شخصيا افضلها بدون شطرطون كلمة الديماكس .. بالتوفيق

[.ابو خالد]

جزاك الله خير انا ان شاء الله ناوي 3000 فل بدون دبل أوتو مريت اليمني فرع بريدة 2014 ب ٨١ بمسجل وال2013 ب ٧٨ لأكن مافية إلا الأبيض والعودي وكلمت باخشب يقول 2014 ب٨١ بشاشة والعيسى ماحد يرد عندك علم وش أسعار العيسى

[yes999]

ابو خالد فيه نقطه مهمه الى هي الارباق والفرامل المانعه للانغلاق abs بعض الوكلاء مايجيبوها وهي من وسائل السلامه - وبنسبه للاسعار اخبر فل كامل عند العيسي بدبل في حدود 90 الى 93 يعني اذا بدون دبل وفيها ارباق واي بي اس بنفس السعر الى لقيته كويس

[ابو ووووافي]

السلام عليكم ورحمة الله ودي اوجه سوال لخوي yes999
والحاضرين مثل اخونا ثامر ماهو انطباعكم بخصوص الدمكس الفل كامل من جميع النواحي ايجابيات وسلبيات لني. ناوي على شرا واحد اذ الله راد
وهل هناك فرق بينها وبين م ديل 2012 من ناحيه الخف والسرعه
وهل اشاعة نقص الزيت صحيحه ولكم مني جزيل الشكر

[yes999]

ابو وافي - 2012 ماجربته - وانطباعي تلقاه باول الموضوع بشكل مفصل ..
وبالنسبة لنقص الزيت - سويت موضوع كامل عنه - تلقاه هنا او بموضوع مستقل .. يفيدك ان شاء الله
والله يكتب لك الخير ..