رابطة ملاك ديماكس (D-MAX) موديل @ 2013 @ واعلى ..

[yes999]

اخوي ابو فيصل هنا رابطة موديل 2013 ومافوق .. فيه رابطة للموديلات الاقل في المنتدي يمكن يقدرو يفيدونك .. والله يسهل امرك وامر كل مسلم

[إستشاري]

أخوتي الأعزاء

السلام عليكم ورحمة الله وبركاته

الكثير يسأل عن أسعار الديماكس 2014 م

وللعلم الأسعار أقل مما ذكر في هذا الموضوع ، فمن لديه مواصفات معينة
يطرحها ويبشر بالفزعه .

كما أن هناك سؤال يطلب فيه أحد الأخوه الفرق بين جنط 16 و 17 من مواصفات . والإجابة لا فرق إلا بالجنط فقط شكلا وحجماً .



دمتم كما تحبون

[جبل دخان]

السلام عليكم
ياشباب ودنا نحرك الرابطة شوي أشوف المشاركات قليلة مرة ودنا نناقش بعض القضايا حول السيارة:
أولا: بالنسبة لملاك الموديل الجديد 13-14 دبل قير عادي او اتوماتيك ودنا يعطونا انطباعهم بكل أمانه عن السيارة ويعطونا أبرز مميزاتها وعيوبها على شكل نقاط ورجاء بكل حيادية .
ثانيا: اصحاب الخبرة والي مروا على الوكالات وش الفرق بين جنط 16_17 في الموديل الحالي هل جنط 17 يعطي السيارة ميزة عن جنط 16 وهل صحيح ان جنط 17 نزل في الدفعة الثانية قير اوتوماتيك فقط.
ثالثا: أي الألوان تنصحون فيه من حيث الجمالية وملاءمة شكل السيارة.
رابعا: ماهو سعر السيارة الجديدة فل كامل قير أوتوماتيك وعادي .
نتمنى من الجميع الأجابة بكل مصداقية وفق الله الجميع لما يحب ويرضى.

[yes999]

اشكرك اخ جبل دخان
بالنسبه لافضل لون اتوقع الابيض .. اما الجنوط واخر الاسعار مااقدر افيدك - وان شاء الله يفيدونا الاخوان ..

[ديماكس2013]

السلام عليكم ورحمة الله وبركاته
انطباعي عن السياره:
الإيجابيات=1_قوه في العزم وفي الدبل للقير العادي لمكينة 3000cc.
2-مريحه جدا في الخط وراسيه على المنعطفات.
3-متماسكه.
4-سريعه في المشي.
.5-وجود نظام تقفيل المرايا إتوماتيكي.
السلبيات:
1- إرتفاع قليل في صوت المحرك.
2-عدم وجود مثبت سرعه .
3-ضعف قليل في الصدمات خاصة الأمامي.

[جبل دخان]

نشكركم على التعليق ونتطلع لمزيد من التعليقات من أصحاب الخبرة

[مقدام الشهري]

لسلام عليكم ورحمة الله وبركاته

بفضل الله شريت ديماكس 2014 ls 3000 قير تماتيك بعد ما استخرت الله عز وجل لها معي 3 اسابيع

السيارة مرتاح لها الحمد لله وطعست بها عزمها والله ممتاز ومريحه في التطعس وهي قير تماتيك فما بالك بالعايدي اضن أقوى في العزم ما شاء الله

العيوب

1- قومتها ثقيلة شوي في البداية فقط وبعدها تدز ما شاء الله ولا اشوف انه عيب كبير شي طبيعي
2اذا مسكت خط تسمع صوت الهوا وهذا اللي مضايقني
3 يضعف عزمها بشكل ملحوض اذا شغلت المكيف
4مكان الدبل الفرار غير مناسب لأنه بجنب الجلنط اللي معه بزارين يمكن يحركونه وهو ما ينتبه

انا ركزت عى العيوب عشان يعرف اللي ناوي يشتري الديماكس

الموتر عاجبني وحبيته صراحه ممتاز جدا الحمدلله اللي يسره لي

وأشكر كل من نصحني في هذي الرابطه بالديماكس واقول له جزاك الله خير

اجازة الصيف بروح الجنوب باذن الله وبجرب الموتر واعطيكم اخبار التجربه بالتفصيل بأذن الله

[yes999]

الله يبارك لك اخوي مقدام الشهري .. بالنسبه للقومه طبيعي اتوقع لانها ديزل عندي مثلك - اما صوت الهواء في موضوع بالمنتدي حل للمشكله وملخص الحل ( وداها الوكاله وغيرو جلد الابواب الاماميه وضبط الوضع ع الضمان طبعا ) .. ننتظر تقاريرك بعد استخدامك لسيارة مدة طويله وتعاملك مع الفلاتر ..

[جبل دخان]

مبرووووك عليك السيارة ماشاء الله .... بس حبيت أسألك من وين أخذتها وكم سعرها .

[مقدام الشهري]

الله يبارك فيكم شريت الموتر من العيسى الفرع اللي على الدايري مخرج 18

سعرها 90000 ماهي فل كامل جنط 16

[جبل دخان]

غريبة تفاوت اﻷسعار عند باخشب في جدة أتصلت على المبيعات رد علي واحد اسمه عباس سألته عن الفل كامل قير عادي قال سعرها 83000 طبعا بدون لوحات والاوتوماتيك يقول 87000 فما أدري هل العيسى مواصفاته غير ولا أيش القصة

[abd190]

الف مبروك السيارة يامقدام الله يعطيك من خيرها ويكفيك شرها
لاحظت اغلب اللي مشترين السيارة الجدد يشتكون من صفير الهواء وصراحه هو عيب مزعج جداً
ومن وكالات مختلفة العيسى وباخشب
ياليت اخوي مقدام تروح للوكالة وتغير الجلد مثل مافعل اخونا ابو اسيل

[abd190]

يا اخوان مريت باخشب فرع المدينة وقال ماعندهم تجربة للسيارة الا بجدة
فقلت استأجر السيارة من مكاتب التأجير واجربها
قريت بالرابطة هنا الافضل للسيارات يأجرونها بس كل ما اتصليت عليهم يقولون غير موجودة الان
احد يعرف مكاتب ثانية تأجر الديماكس

[إستشاري]

الله يبارك فيكم شريت الموتر من العيسى الفرع اللي على الدايري مخرج 18

سعرها 90000 ماهي فل كامل جنط 16

مبروك أخي الكريم السيارة

بس ودي اعرف بالضبط متى إشتريتها .؟ والمواصفات بالضبط
لأنك كاتب 90 الف وماهي فل ...!!!؟

[إستشاري]

غريبة تفاوت اﻷسعار عند باخشب في جدة أتصلت على المبيعات رد علي واحد اسمه عباس سألته عن الفل كامل قير عادي قال سعرها 83000 طبعا بدون لوحات والاوتوماتيك يقول 87000 فما أدري هل العيسى مواصفاته غير ولا أيش القصة

أخي الكريم ...


جميع الوكلاء نفس المواصفات ولا يوجد أي إختلاف بالسيارات .
والأسعار عند العيسى نفس باخشب بالضبط مع اللوحات والإستمارة وتأمين ضد الغير .
وصيانة الالف مجاناً .