لأصحاب الخبرة تحويل ثلاجة عادية للسيارة

[أبن المدينة]

السلام عليكم ورحمة الله وبركاته
دخلت محل اجهزة كهربائية وحصلت ثلاجة فريز هاس 55سم *75سم
كهرباء110فولت اعجبني مقاسها للسياره
واستفساري هل لو اغير الكبرسر حقها واركب واركب كمرسر 12 فولت
تشتغل تمام ولا ماتضبط وكم سعر الكمبرسر 12 فولت ووين احصله؟

[مهندس مكشات]

عزيزي
خذ لك محول كهربائي مخرجه ١١٠ عن طريق مدخل الولاعة ١٢ فولت
بس تأكد كم يأخذ واط

بلاش من تغير كمبورسر وتكلفة آخرى



وأن شاء الله أكون أفدتك

[أبن المدينة]

اشكرك عالرد اخوي
لكن يبغالك محول كبير مو اي محول يشغل كمبرسر الثلاجه
ويسحب البطارية بسرعه

[نسري بالليل]

والله وانا اخوك أفضل أنك تشتري ثلاجة سيارة ولا تدوخ نفسك وتدخل في متاهات وبعدين يمكن تصلح وممكن ماتصلح..... مجرد رأي.

[أبن المدينة]

قيمة الثلاجة حقت السيارة فوق الاربع آلاف وصغيره
لكن اللي حصلتها بـ ٦٥٠ اكبر وسعرها بعيييييد جداً عن قيمة ثلاجة السياره
فقلت ابدل الكمبرسر اوفر وأفضل
بس هل تضبط ولا لا؟

[منصور الفايز]

وعليكم السلام

تختلف .. حتى لو غيرت الكومبرسور والفريون .. البودي يتكسر ..ماراح يتحمل الخطوط والمطبات والتحميل والتنزيل من الموتر ...
لو كان فيها خير ماخلوها الاولين

[algomiri1@]

كم واط الثلاجة

[أبن المدينة]

والله ياخوي ما ادري كم وات بس هي اصغر فريزر موجود
لكن سؤالي هل تشتغل مضبوط لو ركبت عليها كمبروسر ١٢ فولت ولا لا؟
لأن حكاية المحول ناس جربوها مانفعت

[صمتك_كلام]

ان شاء الله انها تضبط لكن ركب نفس حجم الكمبريسر 12 فولت
650 + ؟ = اذا فوق 1500....انا اقول اخذلك وحدة مستعملة بدون ترهيم افضلك
وبالتوفيق

[أبن المدينة]

الثلاجة اللي حصلتها تقريباً ١٢٠ لتر
وماتحصل بهذا الحجم ١٢فولت بأقل من ٤٠٠٠ ريال
ولا حتى مستعمل!
اما هذي جديده وحجمها مضبوط بالسيارة بس ماعليك الا انك تبدل كمبوسر ١١٠ فولت إلى ١٢ فولت
وسعر الكبروسر ١٢ فولت حول ١٠٠٠ ريال
إذا تضبط الفكره تكون افضل من الجاهزه وفرق السعر

[مهندس مكشات]

اشكرك عالرد اخوي
لكن يبغالك محول كبير مو اي محول يشغل كمبرسر الثلاجه
ويسحب البطارية بسرعه

مدام أنك مصر
أحسب حسابك أنه لابد من تغير بعض القطع
مثل الترومستات التي تتحكم في البرودة واللمبة على 12 فولت

وفي الأخير يريد لك مهندس فنان لترهيم حتى تنجح معك



وفقك الله

[رجل الغابه]

طيب وين لقيت الفريزر الي تقوله وياليت صوره له

[900]

اخواني الاعزاء

الفريزر اعتقد ان لا يحتاج اكثر من 150الى200 واط

فلا توجع راسك تغيير وترهيم وفك وتركيب
حط لك محول اريحلك واسلم
وفيه فريزرات من داخل ملبسة قصدير من داخل هذي افضل لان الثلج يجمع على القصدير ويساعد على حفظ البرودة لو فصلت الفريزر لمدة اطول
والله الموفق

[فارس المصارير]

hالسلام عليكم
صح ان الموضوع قديم لاكن بوضح معلومة مجربة
وهو حل افضل من الثلاجة السيارة غالية الثمن وصغر في الحجم
وهو تشتري ثلاجة فريزر 110لتر اقل استهلاك يعني بحدود 80وات وفيه اقل
وتشتري محول كهرب 1500وات وتشبكه على بطارية السيارة او بطارية اضافية
وشغال زي الحلاوة

[هاوي الجكس]

احد الاعضاء الكرام قام بالتجربه ونجحت معه

تابع على الرابط

http://www.mekshat.com/vb/showthread.php?t=674433