الجنزير

[خااااالد]

السلام عليكم ورحمة الله
هل تغيير الجنزير لازم بعد ميه وخمسين الف كيلو ارجو الافاده

[..D7oom]

مهم جدا اذا انقطع يمكن تخبط المكينه وفي سيارات لها لمبه تولع اذا وصل حد او عداد السير


بالتوفيق

[خااااالد]

مشكور اخوي بس اللمبه ما ولعت سيارتي جيب لاند 2007 وشرايك غيره و لا لما تولع اللمبه
وبالنسبه للورش افضل ولا الوكاله

[بايكال]

الأخ خالد

تحيه طيبه

أفتح الكتيب الموجود مع السياره تحصل فيه كل ماتحتاجه من صيانات للسياره

وسير التوقيت (التايمن بلت)ضروري جداد تغييره بوقته.
تغييره ماراح يكلفك كثير بالنسبة لو إنقطع كم بيكلفك الموتر من بلوف وإحتمال بساتم وفي بعض الأحيان روس
شف جدول الصيانه بالكتيب وكم مشت سيارتك و إعمل الصيانه



موفق أخوي

[محب القلوب]

يفيدونك الشباب

[خااااالد]

اخوي بايكال الكتيب لو اقراه الف مره ما فهمت المسميات تختلف عنا مافيه الا مشوره النشاما اللي مثلك وشرواك واللمبه ما ولعت وشكركم جميعا

[بايكال]

شرواك الطيب

في عندك على ما أعتقد بالكتيب (حزام التوقيت-سير التوقيت)
وأقره بتمعن وبتحصل مبتغاك

[0راعي الجبيل0]

اذا الجيب ستة سلندر مكينة 4500 فهذا جنزير حديد ومايغير الا اذا ارتخت الشدادات حقته ولاترتخي الا بعد يمكن 500 الف كيلو واكثر مع الجور .وغيره ماتحتاج تغيير واذا موترك في اكس ار 2007 مكينة 4700 فهذا يغير كل 150 الف كيلو ..ويجي سير ماهو جنزير

تم الإرسال من جهازي GT-I9300 بواسطة تاباتوك 2

[خااااالد]

اذا الجيب ستة سلندر مكينة 4500 فهذا جنزير حديد ومايغير الا اذا ارتخت الشدادات حقته ولاترتخي الا بعد يمكن 500 الف كيلو واكثر مع الجور .وغيره ماتحتاج تغيير واذا موترك في اكس ار 2007 مكينة 4700 فهذا يغير كل 150 الف كيلو ..ويجي سير ماهو جنزير

تم الإرسال من جهازي GT-I9300 بواسطة تاباتوك 2

اشكرك اخوي سيارتي جي اكس 2007 سته سلندر قير عادي ويش يصير الجنزير تبعها
وسلامتك

[0راعي الجبيل0]

موترك جنزيره حديد ولاتغيره الا اذا سمعت للشدادات صوت خرفشه واذا انت مواظب على تغيير الزيت بوقته وعيار 20/50 مارايح تحتاج تغيره مستقبلا ان شاء الله
كان معي لاند 93 بخاخ شريته ماشي حدود 300 الف وجلس معي 12 سنة لحد ماصفر الطبلون وعد من جديد ولافكيت مكينته ولا غيرت جنزيره لكن الزيت كنت اغيره كل شهر مع الراتب مشى الموتر او مامشى وقبل لاسافر اغيره
الخلاصة الجنزير الحديد لايغير الا اذا طلع فيه مشكلة وعمره الافتراضي طويل بعمر المكينة نفسها

تم الإرسال من جهازي GT-I9300 بواسطة تاباتوك 2

[خااااالد]

شكرا لك اخوي راعي الجبيل وماقصرت الله يسلمك ولا يهينك