اركب مروحة أو لا

[mizooo0]

السلام عليكم ورحمة الله وبركاته
موضوعي عن تركيب المروحة
سيارتي أكسبلور 2002 أمريكي 8 سلندر
امس تقريبا على الساعة 11:30رحت محل زينة أبي أظلل السيارة
طبعا مشغل المكيف وأشعة الشمس قوية ارتفع مع الحرارة
ثاني حاله تحصل معي كذا أوقف كثير الحرارة آتش
والوقوف عند الإشارة يطلع صوت حنه
أبي اركب مروحة هل تنصحوني
وكم اركب وحدة

[m3ax]

ركب مروحة وحدة كبيرة قدام رديتر السيارة وخلها على مفتاح تشغلها متى ما بغيت او كان الجو حار او كنت واقف في الزحمة وتطفيها اذا ما تحتاجها

[أبوعقيل81]

كان عندي تريل بليزر 2003 وكان يسخن بهذلني . ويقولون لي طبيعي .

ويوم صار مايبرد المكيف قالو لي كمبيرسور.

رحت لواحد قالي ركب مراوح , وركبت مراوح مثل ما قال الاخ قدام الرديتر بس كانت تشتغل اذا صارت الحرارة على الربع واذا شغلت المكيف

وضبطت الحرارة وضبط المكيف .

وماعاد اشتكيت من الحرارة لين بعته .

[mizooo0]

أي رديتر المكيف ولا الكبير
وشو افضل مراوح

[أبوعقيل81]

أي رديتر المكيف ولا الكبير
وشو افضل مراوح

مابين الشبك والرديتر الاول .

اي مكان اهم شي مراوح .

بس لايقولون لك شيل مروحة المكينة وركب كهربائية , خليك على مروحتك القديمة وركب معها اضافية.

كيف الأكسبدشن معك ؟ معروض علي مثله دبل ومتردد

وش عيوبه وكيف اسعار القطع لو عندك بعض الامثله . ومن وين تشتري له القطع من غير توكيلات الجزيرة .

[mizooo0]

مابين الشبك والرديتر الاول .

اي مكان اهم شي مراوح .

بس لايقولون لك شيل مروحة المكينة وركب كهربائية , خليك على مروحتك القديمة وركب معها اضافية.

كيف الأكسبدشن معك ؟ معروض علي مثله دبل ومتردد

وش عيوبه وكيف اسعار القطع لو عندك بعض الامثله . ومن وين تشتري له القطع من غير توكيلات الجزيرة .

تسلم على المعلومة
أنا اكسبلورر سيارتي

[أبوعقيل81]

العفو

اعتقد بالي سألتك ما يفرق الاكسلبور عن الإكسبدشن

[mizooo0]

وش أحسن مراوح

[شلشكو2011]

الاكسبلور تجي له مراوح قدام الاديتر تشتغل مع المكيف شد بلد
موديل موترك 2002 وامريكي يامواصفات والا الموديل الاول ما تجي له مراوح
الحل (( ركب له مراوح الاكسبلور الاصلي قدام الاديتر وريح مخك ))
وتقبل مروري

[mizooo0]

الاكسبلور تجي له مراوح قدام الاديتر تشتغل مع المكيف شد بلد
موديل موترك 2002 وامريكي يامواصفات والا الموديل الاول ما تجي له مراوح
الحل (( ركب له مراوح الاكسبلور الاصلي قدام الاديتر وريح مخك ))
وتقبل مروري

الله يعافيك
شباب لحظت أن الغطاء صناعته هندية طبعا تم تغيره من زمان هل له دخل في حرارة الموتر وشكراً

[ابوعقيل81]

الله يعافيك
شباب لحظت أن الغطاء صناعته هندية طبعا تم تغيره من زمان هل له دخل في حرارة الموتر وشكراً

اي غطاء؟

اذا غطى الرديتر اكيد يأثر .

[mizooo0]

اي غطاء؟

اذا غطى الرديتر اكيد يأثر .

الله يجزاك خير أن شاء الله و يوفقك

[ابوعقيل81]

الله يجزاك خير أن شاء الله و يوفقك

وياك
وعلمنا وش صار عليك.