٧.١٥ ملي ؟
طيب يخوك انا في راسي شي محيرني من زماااان
وش يفرق التشوك الداخلي عن الخارجي
لدرجة ان بعضهم يقص تشوكه الخارجي يصير بس لحد الشفة حقت الماصورة
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
٧.١٥ ملي ؟
طيب يخوك انا في راسي شي محيرني من زماااان
وش يفرق التشوك الداخلي عن الخارجي
لدرجة ان بعضهم يقص تشوكه الخارجي يصير بس لحد الشفة حقت الماصورة
مايفرق شي وياكثر التوهمات بخصوص هالشي اللي هو القص
اما من ناحيت التخريق التشك المخرق يقولون يخفف من ارتفاع السبطانه بعد الرمي الزمه الزايده يعني والله اعلم لم اجرب هالشي
17.15 mm نعم اللي هو 675
طيب يالشمروخي اذا كان ماله سنع و كله توهمات
ليه طلعو تشوك ٢ انش و ٣ و ٤
اذا كان قص التشوك او تركه على حاله واحد اذا المقاسات الطويلة من التشوكات مالها سنع
طيب يالشمروخي اذا كان ماله سنع و كله توهمات
ليه طلعو تشوك 2 انش و 3 و 4
اذا كان قص التشوك او تركه على حاله واحد اذا المقاسات الطويلة من التشوكات مالها سنع .
وكلامك على متمه يالشمروخي التشوك المخرق افضل من ناحية الطيار وكثافة الانتشار وتخفيف الارتداد فقط
عندي 690 مخرق + 680 عادي وكلهن امريكي والبارود روسية 30 انش
680 افضل بالنسبة لي من 690 واذا تمرن الواحد عليه بيحط 690 احتياط مثل ماسويت--لكن 690 للجرجس علاج
مع 680 لاحياة بعد الرمي سواء واقع ولا طيار--ولكن فيه نقطة مهمة ترا الفشق يلعب دور كبير على حسب نوع السلاح والماصورة بمعنى ان الفشق ماراح يتوافق مخابيطه مع اختلاف نوع البارود - عشان كذا نصيحة للجميع تبي توفر فشق وتلقى صيد جرب نوع الفشق على بارودك ولاتاخذ فشق يمدحونه العالم لانه يمكن مايناسب سلاحك
فمان الله
شرفني مروررك ابو صالح وفخر وجودك بالموضوع بيكال ١٨.٤ افضل شي له ٦٨٠ من ركبه مافكه
وكلامك على متمه
واما الفشق لو جربت شوزن وسيع كلش بيجوز لك ياممتاز ياجيدجداً بالبرتا ١٨.٦ ماقد عبت فشق الا ابو نجوم ماله حل
وبأمان الكريم
الشركات الاصليه اندر من النادر تصنع تشك فوق 2 انش هذا واحد الطوال مره ياباكستاني يا بريده محلي
ولا قلت وهم بطول التشك الوهم بالقص
ثانياً تدري ان ضوق التشك باخره تروح تقص اخره وش يعني ( مهب وهم الا خبال ) التشك من اوله متناسق مع ضوق الماصوره واخره هو الضيق بعضهن اخر انش من التشوك ضيق وبعضن انش ونص تروح تقص الضيق وش يعني ( وهم )2
مساك الله بالخير اخوي الشمروخي انا من المتابعين لك ودايم استفيد من تعليقاتك بس حبيت
اسالك كم سؤال يالغالي بحكم خبرتك انا عندي شوزن ونشستر طول الماصوره 32 ابي اعرف كم مقاس بيت النار هل 18.8 او 18.7 وياليت تفيدني بالانش يعني 3 انش او 3.5
وابيك تعطيني افضل تشك استخدمه للخضاري الطيار وللعب معني هاوي ترا مهب محترف بالمعنئ الأصح اهم شي الطير مايضيع
وسلامتك يالغالي×
بالنور والسرور ونشستر لااعلم كم ولا سجل عليه شي بس ٨٠٪ ١٨.٨ وان ٢٠٪ ١٨.٧ وكلهن طيبات
وبيت النار ٣ انش لان الونشستر ٣٢ ماتجي سوبر وافضل الماقنوم ٣ انش وافضل تشك للونشستر رقم ١ طبعاً مايجي مع ال٣٢ فاشتر واحد من السوق حق ماكسوس او ونشستر ٣٠ انش ضوقه ٧١٠ او اشتر اكسترا فل ٧٠٠ وخيااال طيار اما الفشق للخضاري بحكم الخضاري صلف فان لقيت رقم ٤/٣٤ او ٣٦ /٤ فهذا دواه او ٣٢ ٤
اللي بعده ٦/٣٦ كاكا خبل على الونشتر وزي ماقال ابو صالح شف فشق يناسب بالتحربه
ومادامك هاوي بتضيع واجد لين الاحتراف طبيعي
وتكفى الخضاري ونا خوك لاتصيد الا بالشتاء وتمرقه لاتخليه او عطه لك عامل يقدره مهب ياخذه ويجدعه
الله يعافيك اخوي الشمروخي كفيت وفيت
انا طال عمرك استخدم فشق الألمبي 32/7.5 ماشي حاله وابشرك الخضاري اللي اصيده خابرن لي راعي حلال ياكله ويطلبه مني والحمدلله
لكن ودي اسالك عن فشق توه نازل اذا كانك جربته اولمبي ماكس لونه ارزق والكأس حق الفشقه طويل على غير العاده هل الطول ذا فيه ضرر او وش وضعه وليش طويل كذا زيادة بارود يعني ؟
شرى منه اخوي خمس دستات وشفت النجوم بالصفره اللي تحت وعرفت بدون تجربه انه ماعندك احد واخوي يقول وسط والطول ماله دخل بالبارود مالي خبره بفايده طول الكاس
السلام عليكم
يا أخوان بالنسبه للتشوكات العبره هو مقدار تضويق السبطانه
مثال بسيط
عندك بندقين
الأولى قطرها 18.4 ملم ( 0.724 انش)
الثانيه قطرها 18.8 ملم (0.740 انش )
وركبت على كل واحده تشوك Full بمعنى يضوق السبطانه بمقدار 0.030 انش
فرماية البندقين من حيث توزيع الحلبي ستكون واحده
ولو قسنا التشوك في كل بندق سنجدهم كالتالي
قطر التشوك في البندق الاول = 0.694 انش
قطر التشوك في البندق الثاني = 0.710 انش
الخلاصه اذا اخترت تشوك مناسب لنوع شوزنك بدرجه مناسبه لنوع صيدك
فستحصل على نفس النتيجه تقريباً من حيث تنظيم الحلبي
كلامك على متمه ووفيت وكفيت يعني من كلامك ان شوزن ١٨.٨ بتشك مناسب زي ٧١٠ وشوزن ١٨.٤ بتشك ٦٩٠ بيصير الرمي واحد طبعاً انا معك بس لمسافه ٣٥ لاكن لو رميت بهن مسافه ابعد بتفرق الوسيع ١٨.٨ بتشك ٧١٠ اسرع انطلاق الحلبي ولا انضغط (انعصر) بوسط سبطانه ضيقه فالحلبي ماتشوه فتلقى الوسيع افضل بالبعيد وانظم ومحافظ على لمته وتجربتي كانت بين شوزن ١٨.٨ و١٨.٣ على قوقسي واقع على شجر مسافه فوق ٤٥ متر بال١٨.٨ كنت اصيد افضل من ١٨.٣
فاكثر تجارب الشباب مسافه ٣٠ واقل فاكيد زي بعض اذا ماصار الضيق افضل بالبعيد تنعكس الايه
الذين يشاهدون الموضوع الآن: 2 (0 من الأعضاء و 2 زائر)