تناسب التشك مع ضوق الماصوره

[slomi]

السلام عليكم ورحمة الله
أولاً: أبارك لكم الشهر الكريم جعلنا الله وإياكم من الفائزين بصيامه وقيامه

ثانياً: أشكرك أخوي الشمروخي على هالموضوع الشيق والمفيد ولايهون الربع اللي معك
لدي سؤال لك والإخوان اللي مثلك وشرواك ..

من خلال الصورة ياليت تفيدونن عن قطر الماصورة ( السبطانة ) لأني قلبت البندق مالقيت غير الأرقام هذي
للمعلومية البندق سوبر بلاك إيقل 2

[فرخ الجني]

بسجل تجربتي ولكم الحكم بندقي ستوقر 2000 واعتقد مقاس الماصوره 18.3 وكنت مركب شوك ترولوك 660 خارجي الرمي بوه غريب بالحيل لين 10 متر تقريبا تقل ترمي بخرازه ثمن الي مسافة 25 متر تقريبا ما كنك ترمي وبعد 25 متر الى 50 او 60 متر تقريبا لو تلمس الطير حلبيه وحده مات ادري الكلام ما يدخل الراس بس هاذا اللي صار معي واللحين مركب شوك 675 داخلي ممتاز لابعد حد جربته قريب وسط بعيد ممتاز جدا جدا وجمعه وفرشه ممتاز وتعقيبا على الفشق انا معي فشق ال28 وال32 دمار شامل اما 36 مهب ابالحيل ومن تالي منب اشريه يرج الراس ورجف على الفاضي

[الشمروخي]

اخوي فرخ الظاهر الستوقر ١٨.٤ والله يبارك يه
اخوي سلوم علينا وعليك والله يتقبل منا ومنكم صالح الاعمال البلاك ايقل يجي عليه رقم حول الصوره وتجي ١٨.٣ و١٨.٤

[الشمروخي]

الله يجزاك خير اخوي منسدح تلقاه التشك عند الوسمي بالنسيم او بالنت انا يخاخ w90 اذا لقيته لايهون عليك

[slomi]

أخوي الشمروخي
الماصورة هذي الأرقام اللي عليه من تحت
والأرقام الباقية هي معلومات الغرامات اللي تتحمله الشوزن

[ابوعاشة]

اخوي الشمروخي صبحك الله بالخير

انا اشوف كل ماكان تنظيم التشك افضل تكون الطلقة تبعد مسافة افضل بحكم تجربتي بالبيكال تشك 690 وتشك 660 تشك 660 مايصلح ابدا الا لضغوط الخفيفة يعطي نتيجة افضل وكل رمية تختلف عن النثانية من ناحية النظم وتشك 690 رمية واحد وراكد بحكم توافق قطر السبطانة والتناسب في الضوق الين التشك ويطلع الكاس كامل بدون تقطيع

ومعلومة اخرى الكاس له دور كبير جدا في التنظيم يعني كل فشق له رمي يختلف عن الثاني واكثر الناس يمدح فشق معين في شوزن معينة ويشتريه واحد ويخيب ضنة في شوزن اخرى جربت الكاكا والارسي وانواع كثيرة الي جاز لبندقي فشق الجازال واللامبرو ممتاز جدا في البيكال بتشك 690

[قنا]

الشمروخي الموضوع مهم جدا جدا وصراحه ماينزل مثل هالمواضيع "الخفيه" الا شخص بحجم ممارستك وخبراتك أذا تسمح لي بقول خلاصة تجاربي مع التشكات وتناسبها مع جف السبطانه وتضوقاتها بالنسبة للتركيات ام بطه وستوقر وبرديوس كل ماكان التشك ضيق وخصوصا من ترولوك كل ماكان رمي الفشق الارقام الخفيه 6و7.5 و9 ابداع وفي الضغوط والقرمات العاليه ينثر بزود الغريب تماما ان العكس يصير بالماكسس والونشستر اكس ثري من تجربه تشك رقم 980 ترولوك في رقم واحد والاصفار ابداع ..!؟ اما في البلاجيك القولد سابقا وحاليا الفيوجن تشك بلدها رقم 2هو الانجح كانها اختارت الوسطيه في الموضوع !! المساله معقده كنا اول ع ام شجره رميك واحد مايختلف لكن مع تطور الصناعه ماتطورت عندنا مفاهيم بعض الاشياء وفائدتها لكن مع مواضيع كموضوعك يالشمروخي اعتبره "تنويري" ويعم بالفائده ع اخوانا في الاسلام والهدف والهوايه المشتركه بيض الله وجهك وجزاك الله خير

[أبوصالح9]

اخوي منسدح هذا نوع منتاز للتنظيف





واذا تبي بخاخ للتزييت رح للرماية وتلقى عنده بخاخ سعره 15ريال ميزته خفيف البخاخ مهب عندي الحين ولا كان ارسلت لك صورته - المارية ان غطاه احمر ولون العلبة سماوي تقريبا عليه صورة صاموله وابو جلمبو -اذا هي على خبري ولا غيروا الصورة هههههههه

[منسدح بسطح]

اخوي منسدح هذا نوع منتاز للتنظيف





واذا تبي بخاخ للتزييت رح للرماية وتلقى عنده بخاخ سعره 15ريال ميزته خفيف البخاخ مهب عندي الحين ولا كان ارسلت لك صورته - المارية ان غطاه احمر ولون العلبة سماوي تقريبا عليه صورة صاموله وابو جلمبو -اذا هي على خبري ولا غيروا الصورة هههههههه

شكله بخاخ سباكه ذا هههه تسلم يابو صالح عرفت هالبخاخ ذا كد شفته بمحل الكترونيات بس ماتوقعت انه ينفع للسلاح بشريه ان شاءالله وبمر الرمايه اسال عن الثاني مشكور يابعدي انا كنت ناوي ازيت البندق بزيت خياطه بس ربك ستر ههههه

[بيكال الوشم]

يا منسدح بسطح
تراي زيت مكينة الخياطة من افضل الزيوت لمكينة الشوزن
صب لك في قاع الفنجال من زيت مكينة الخياطة و خذلك منديل و ابرمه خل راسه مثل الدبوس
ثم غطه في الزيت و مش الزيت في ( مجاري المكينة ) لا تحطه على المكينة بذاتها ، فقط في مجرا المكينة و ان شاء الله ماراح تعاني من تراكم البارود و الرايش في مكينتك مره ثانية ابد و هذي طريقة تقلل لصاحب السلاح من فك الشوزن و تنظيفها بشكل مستمر

اخوكم ....

[الشمروخي]

اخوي قنا ووجهك ابيض وكلامك شرف لي
اخوي ابو عائشه كلامك مطابق لموضوعي كل ماصوره وضيق له تشك مناسب والبيكال افضل شي له ٦٨٠ افضل من ٧٠ و ٦٠ واللي بعد ال٨٠ بالطيب ٦٩٠ زي ماقلت يالغالي والمواصير الوسيعه التشك الضيق به مايصلح زي ماقلت الا بحاله وحده طير كبير زي الرهو مايهمه تنظيم لانه لاحقه حلبي لاحقه

[أبوصالح9]

شكله بخاخ سباكه ذا هههه تسلم يابو صالح عرفت هالبخاخ ذا كد شفته بمحل الكترونيات بس ماتوقعت انه ينفع للسلاح بشريه ان شاءالله وبمر الرمايه اسال عن الثاني مشكور يابعدي انا كنت ناوي ازيت البندق بزيت خياطه بس ربك ستر ههههه

العفو وانا اخوك بس بغيت انبهك لمسألة التزييت

اول شي الزيت اسمه يوستا - USTA-

واذا جيت تزييت الاجزاء رج العلبة وبخ على عود قطن حق الاذان وامسح مره وحده بس يعني لا تحمس بالحيل وزيت اللي تبي - بس لاترش على المكينة مباشرة

[فيضة بن سويلم]

اخوي الشمروخي

عندي التشك رقم واحد قسته بالقدمه العاديه لقيته 15 ملم يعني كم يعادل مقاس التشك علما ان الماصوره 18.4من الوسط بطول 30 انش ..

ماهو التشك المناسب لها لاني ناوي اشتري تشك خارجي

[درب الحمراء]

الله يعطيكم العافية على التوضيح

موضوع يستحق أن يمر عليه غالبية أصحاب البنادق


الله يجزاكم خير و يوفقكم بالصيد الطيب ...

[الشمروخي]

الله يجزاك خير ويرزقك الصيد
اخوي فيضه بن سويلم قياسك ماهو صحيح
١٨.٤ دايم تشك رقم ١ اللي معه ٦٩٠
وافضل تشك له ٦٨٠ خارجي داخلي كله واحد