تناسب التشك مع ضوق الماصوره

[S3oDi]

مساء الخير

الاخ الشمروخي
يعطيك الف عافيه موضوع يستحق التقييم

وعندي استفسار طال عمرك

الاستوقر 2000 وش افضل تشك لها ؟!

وشريت لي تشك 685 للاستوقر ولا جربته مابعد وصلني للحين

لكن هل منه خطر على السبطانه خصوصا للضغوط او غيرها من الفشق

احترامي وتقديري

[الشمروخي]

اللي شريت له ممتاز الله يبارك لحلالك ويوفقك

[فيضة بن سويلم]

الله يجزاك خير ويرزقك الصيد
اخوي فيضه بن سويلم قياسك ماهو صحيح
١٨.٤ دايم تشك رقم ١ اللي معه ٦٩٠
وافضل تشك له ٦٨٠ خارجي داخلي كله واحد

وياك اخوي الشمروخي انا قست التشك بالقدمه العاديه وتعرف ماهي دقيقه حيل

[الشمروخي]

الا ماهي لم سالفه القياس
شوزنك فرانشي اذا فرانشي تشك الفل رقم ١ تراه ٦٨٥

[فيضة بن سويلم]

الا ماهي لم سالفه القياس
شوزنك فرانشي اذا فرانشي تشك الفل رقم ١ تراه ٦٨٥

الله يجزاك خير على كذا اجل ما يحتاج اشتري له تشك....

بالله شرايك بالمواصير الي بلسوق منتشره يقولون فرنسيه واضنه باكستانيه تشبه لمواصير البلاجيك...

نوية ارهم وانا مكره بسبة الصده لليسار بصراحه اشغلتني لان المشكله بتركيب الماصوره من الجسر والخاتم فيه خلل وتصليحه شغلانه

[الشمروخي]

صلحه ابرك واوفر لك وتزين الصده ورميه زين الفرانشي مايحتاج ماصوره
واما ماصوره فرنسيه يمدحونه ولا ادري عنه ماجربته

[سعد العطاوي]

ياالشمروخي مساك الله بالخير عندي بنلي بلاك ايقل ٢ابي تشوك خارجي يغنيني عن ترهيم المواصير ابيه للمسافات البعيده
نركبه وقت الكرك بس وتحياتي لك

[الشمروخي]

بالنور والسرور تشك ٦٧٠ خارجي انشين طيب ومايغني ١٠٠٪ يغني اتوقع ٧٠٪ لان ماصورت ايقل ٢ بيت النار سوبر ماقنوم والبلجيك باكثير ماقنوم فكل ماصغر بيت النار زارت حراره الرمي
ولا من ناحيت ماصورت ايقل ٢ والبلجيك كلهن ١٨.٣ الفرق بالطول وتقدر تعوضه بتشك اطول والفرق الثاني بيت النار

[ابن كديميس]

ماشاء الله عليك ياخ محمد
موضوع قيم وياليت المشاركات عن المواصير والتشكات وبس بدون ذكر الماركات لتعم الفائده اكثر .
ادخل بقلب الموضوع فيه فرق بين التنظيم والحراره
التضويق بالااقطار الضيقه ازين حراره ويبن معك لاجربت ماصوره ضيقه مع ماصوره وسيعه بفشق 32 جرام
لان ظغط باروده قليل ونفجاره بقطر ضيق يحصل على انفجار قوي وانطلاقه سريعه اكثر من الماصوره بتضويق اوسع
هذا مجربه ومتاكد منه في بنادق نفس الموديل ونفس الماركه ذات اقطار مختلفه ومواصيرهن
بدون تشكات وكلهن من قدام ضيقات واقطارهن 18،3و18،5كلامي على ماشفت وجربت
صح نظم احلى التضويق الوسيع والاحظته من 20 متر الى 60 متر تقريبا نفس النظم دائره
وماحافظ على نظمه لاكن ماهو ماحافظ على حرارته والتضويق الضيق احلى حراره بس
ورشه يجمع فوق الزوم للمسافه المتوسطه والقريبه ولاينشر الا من مسافه بعيده ولانشر يكون غير منظم .
والقطر الضيق كله واحد
ترمي بفشق 32 و36 كله حول بعضه وتشوف 32 سريع وقوي .
والقطر الوسيع الاحظ الفرق بين 32و36 واحس انه خفيف 32 ونفس النتيجه معه باستخدام40 و36 .
وبنفس الوقت كلهم زينات ويصيدن .

كثير من الاخوان يخلط الامر بين المواصير التشوكات والعاديه بدون تشكات
المواصير العاديه تختلف اختلاف جذري عن المواصير التشوكات
المواصير العاديه يكون تمشي بتضويق تدريجي من اول الماصوره الى اخره
وتتحكم باختلاف الماصوره ثلاث اشياء تضويق القطر والطول للماصوره ومقاس الفوهه للماصوره من قدام
.واذا اختلف احد العوامل هذي فالختلاف يكون اختلاف جذريأُ لمقاس الماصوره كاملاُ واختلف النظم والحراره باختصار كل ماصوره تختلف عن ماصوره
مثل التشك اختلافه عن تشك اخر .
والمواصير التشكات اختلافها الواضح بتضويق القطر ومقاس التشكات الطول تاثيره بسيط
وأيد كلامك انه بختلاف طول بيت النار يأثر .
وثق ثق تامه انه الرمايه تتركز في المقام الاول على الرماي وتقديره الجيد فالرمي .

وياليت تركز في كلامي زين ياخوي محمد.

[قلب الداهية]

جربت الونشستر رقم واحد الفل احسن تشوك
كلما زاد الضغط ساقت اكثر والعكس صحيح

[الشمروخي]

ركزت بكلامك واختلف معك بحكم ان معي شوزنين بنلي ريفاليوا ١٨.٣ ٣٠ انش فل تشك ومعي براونق اوتو ٥ الجديده ١٨.٨ تشكات
طبعاً اختلف معك بان الفل تشك تضويقه تدريجي زيه زي ام تشكات ادخل الكاس وادفعه بسيخ التنظيف مايوقف الا باخ الماصوره زي التشكات يعني ١٨.٣ من تعدا بيت النار الى قبل الاخير بانش او انشين حسب نوع الشوزن
ومن ناحيت حراره الرمي والسوق والنظم ( انا قياسي طير بعيد ) شنكوا جالون مايهمن ابد لانه من تجربه ارمي جالونين رميتين نفس المسافه والفشق ويختلف الرمي تلقى الاختراق ازود بواجد !!!!! فقياسي طير قوقسي بعيد بحكم القميري طبعاً ال ١٨.٨ تصيده بمسافه ابعد من الضيق ماهي من طلعه طلعتي اكثر الضيق ملخبط ويعتمد على الصدفه ويصلح للطير الكبير زي الرهو لان الرهو مايهمه تنظيم اهم شي حلبي ياصله ونفس الكلام على الوسيع يصلح لرهو ويصلح لصفار

[فيضة بن سويلم]

جزاك الله الف خير يالشمروخي

[ابن كديميس]

عفاك الله
المواصير مثل اصابع يدك
وهذا اللي صادفته فيهن وقلته للفائده باختلاف تضويقهن و مع انهن نفس بعض وصح كلامك الخبره مع الزمن وتجي من مواسم الصيد وان كان على الصدفه والحظ ماشاء الله اجل حظي يطش الطير من السماء .

[الشمروخي]

الله يزودك حظ ومافيه ازين من البركه والحظ والوفقه الله يوفق الجميع

[قلب الداهية]

يعني ماصورة ال A5 نفس مقاس ماصورةالونشستر SX3
كلها 18.8