حافة نهاية العالم (جبل فهرين) وين مكانه بالضبط

[ابوعقيل81]

شباب سمعت عن حافة نهاية العالم

نبي الوصف والاحداثيات اذا ماعليكم امر

وهل ممكن نروح لهذا المكان , لان المواضيع الي حصلتها عنه قديمة .





http://www.aleqt.com/2008/12/14/article_173403.html

[عبد الله.]

بيقولون لك اكيد بس بشرط تنزل تقرير عنه اذا رحت له ^_^

[عبار درب]

تروح بلدة العيينة مع طريق صلبوخ القديم تتعدى مفرق الدرعية و بعده مفرق الوصيل و تبتل لين يجيك مفرق الجبيلة و العيينة خذ المفرق و اتجه غرب يجيك دوار عند الجبيلة تعده مع الخط الوسطي لا تروح يمين ابتل تنزل على العيينة ابتل مع دربك تتعدى العيينة يتيامن الخط و يجيك دوار ابتل على خطك بعد الدوار بكيلوين تقريبا تجيك دروب برية على البياضة على يسراك عندها لوحات حقت المحافظة على الاشجار و بالمارية اعزك الله و القارين صندوق مخلفات اصفر افرق من عنده و اتبع الخطوط الي تباري الشعيب لين يجيك السد على يمين السد خيمة الحماية تمرهم و تستأذن ( سمحين يسمحون لك لكن يشترطون تطلع قبل الغرب مرات و مرات ما يشرطون شيء ) يفتحون لك البوابة ابتل مع وسط الشعيب حدود 15 كيلو يجيك الموقع بين جبلين الايمن اكبر هو الي تطلعة على رجولك الايسر شكلة سهل ترقاه لكن صعب تنزله ( قد نشبت فيه )
منطقة جميلة من السد للموقع لكن ما قد جيتها بالصيف

[ابوعقيل81]

بيقولون لك اكيد بس بشرط تنزل تقرير عنه اذا رحت له ^_^

ابشر , لكن ما اوعدك اروح برمضان

مع اني ضايق صدري وودي اطلع من جو هالزفلت

[ابوعقيل81]

تروح بلدة العيينة مع طريق صلبوخ القديم تتعدى مفرق الدرعية و بعده مفرق الوصيل و تبتل لين يجيك مفرق الجبيلة و العيينة خذ المفرق و اتجه غرب يجيك دوار عند الجبيلة تعده مع الخط الوسطي لا تروح يمين ابتل تنزل على العيينة ابتل مع دربك تتعدى العيينة يتيامن الخط و يجيك دوار ابتل على خطك بعد الدوار بكيلوين تقريبا تجيك دروب برية على البياضة على يسراك عندها لوحات حقت المحافظة على الاشجار و بالمارية اعزك الله و القارين صندوق مخلفات اصفر افرق من عنده و اتبع الخطوط الي تباري الشعيب لين يجيك السد على يمين السد خيمة الحماية تمرهم و تستأذن ( سمحين يسمحون لك لكن يشترطون تطلع قبل الغرب مرات و مرات ما يشرطون شيء ) يفتحون لك البوابة ابتل مع وسط الشعيب حدود 15 كيلو يجيك الموقع بين جبلين الايمن اكبر هو الي تطلعة على رجولك الايسر شكلة سهل ترقاه لكن صعب تنزله ( قد نشبت فيه )
منطقة جميلة من السد للموقع لكن ما قد جيتها بالصيف

الله يعطيك العافية , شكل الوصف واضح , يبي لي اروح اشوف .

[ابومشعل3]

اخي الكريم 000الاحدثيات 0N24.56.691 E45.59.525 --- يسمي المطل او نهاية العالم == تحياتي

[سحب ممطرة]

هذا مكان بأمريكا الجنوبية مدري بين بضبط وين أعتقد الارجنتين ..

أما الاحداثيات ماعندي علم عنها ..

لكن لا تهور وتروح ترى كلها عصابات ..

و كل عام وأنتم بخير ..

[وسم الطوال]