تجربة شراء دينمو من النت

[zayed-911]

السلام عليكم
كل عام وانتم بخير

حبيت اشاركم بتجربتي الي هي شراء دينمو من مصنع متخصص

زي ما انتم عارفين ان الدينمو الي بالوكالة و المحلات يجي مجدد

مشكلتي ان قدر الله علي وخرب الدينمو
و رحت للوكالة وقالو الموجود مجدد بـ 800 ريال تقريبا و طلب من جده

هنا جت معناتي رحت لتشليح الحائر وصار جاري البحث عن دينمو

اغلب اسعار التشليح من 600 الى 1200 ريال
و بعد طول عناء اخذت واحد بـ 500 ريال
ركبته و اشتغل الموتر لكن باقي لمبة البطارية موجوده
رجعت للكهربائي وقالي يحتاج كتاوت دينمو



ما صلحته ورجعت للبيت و جلست ابحث عن دينمو بدل الخساير من البداية

وهنا بداية الموضوع بالبحث عن دينمو للفورد حقي
حصلت موقع متخصص بالدينموات

http://store.mechmanhighoutputalternators.com/

طلع الموقع مصنف حسب الشركة و النوع و المديل
دخلت على (فورد) (f150) (2006) (5.4L)
و طلع لي دينمو نفس حق الوكالة لكن قوته (250) انبير
و حق الوكالة قوته (110) انبير

رابط القطعه



و كانت التكلفه الشراء كتالي :
قيمة القطعه - 1505 ريال
قيمة عمولة الوسيط - 50 ريال
قيمة الشحن الى الرياض - 560 ريال
ملاحظة الوسيط كان عنده حسم 15%
مدة الشحن من المصنع الى وصولة الى الرياض
6 أيام
يومين من المصنع لبريد الوسيط
و 4 ايام الى الرياض عن طريق شركة DHL
وهذي صورة لتتبع عن طريق شركة الشحن



وهذي صور للدينمو عند الاستلام











و تكلفة فك القديم وتركيب الجديد 100 ريال عند كهربائي تركي
ملاحظة : الدينمو عليه ضمان سنتين من المصنع
وهذي تجربتي و اي سؤال انا تحت امركم

ملاحظة : في كم شغلة سويتها للفورد حقي راح انزل له موضوع مستقل ان شاء الله
مثل فك الفصله بدون اجهزة
و تفصيل دعامي مثل حق الدوريات
و ترهيم شكمانين .

[escape_man]

مبروك ماشريت

و مشكور على الرابط المفيد

انا نفس حكايتك ومعاناتك الا ان معاناتي اكبر لان الوكالة ماتوفر قطع لموديلات التسعين

ومع البحث لقيت مواقع متخصصة لتصنيع قطع فورد او اعادة تصنيعها وعلى مستوى

رائع وافضل من الوكالة.

لكني لي ملاحظة على الدينمو الي يولد امبير زيادة .. اذا سيارتك ماعليها تزويد كهربائي

فراح يضر البطارية ويتلفها بسرعة. فانتبه لهالنقطة.

[zayed-911]

الله يبارك فيك اخوي
بالنسبة لتوليد الكهرباء صار عندي يولد 14 فولت بعد فحصه عند حق البطاريات

الي يضر اذا كان يولد اكثر من 20 فولت
وهذا ملاحضة قريتها باحد المنتديات
0( بخصوص الكهرباء الزايده
بتلاحظ سلك اسود بالرفرف بجنب البطارية مشبوك بالبدي
هذا السلك يفرغ الشحنات السالبه ))
يعني اي شي زيادة بيطلع

تحياتي و تقدير لك على مرورك الكريم

[ابوعقيل81]

الف شكر على الموضوع

[هيثم صفرلي]

الله يجزاك خير ويبارك فيك

[zayed-911]

الف شكر على الموضوع

العفو يا الغالي

[zayed-911]

الله يجزاك خير ويبارك فيك

الله يبارك فيك و العقبال عندك بحسن منه

[ناصح]

ما شاء الله عليك

ياليت الناس مثلك يشاركون بتجاربهم


بحيث نختصر الوقت والجهد والمال

لله درك وشكر الله لك على التقرير


تقبل تحيتي

[الغامدي127]

يبارك ربنا فيه ويعطيك خيره ويكفيك شره

[zayed-911]

ما شاء الله عليك

ياليت الناس مثلك يشاركون بتجاربهم


بحيث نختصر الوقت والجهد والمال

لله درك وشكر الله لك على التقرير


تقبل تحيتي

العفو يا الغالي

وشاكر لك مرورك الكريم
والموضوع الهدف منه الفائدة للجميع

تحياتي و تقديري لكـ

[zayed-911]

يبارك ربنا فيه ويعطيك خيره ويكفيك شره

الله يجزاك كل خير

وشاكر لك مرورك

تحياتي و تقديري لك

[شرقا111وووي]

ممتاز ماشاء الله عليك


عقبالي مااتعلم اشتري من برا

[zayed-911]

ممتاز ماشاء الله عليك


عقبالي مااتعلم اشتري من برا

الله يجزاك خير

والله يالغالي ما يحتاج شي
بس بيلك وسيط امين و يطلبه لك اي شي تبيه

[شرقا111وووي]

الله يجزاك خير

والله يالغالي ما يحتاج شي
بس بيلك وسيط امين و يطلبه لك اي شي تبيه

ياليت لو ماعليك امر تشرح لي كيف وسيط امين والشي الثاني هل يحتاج وجود بريد لي في ارامكس او فيديكس مثل مايقولون

لاني احتاج اشتري بعض القطع واريد ان اجرب واشتريها من الخارج

[شاص]

تجربة جيدة .. وياليت الشباب يفيدونا بمواقع انترنت متخصصة في بيع قطع غيار الفورد وهي بلا شك ستكون أقل سعرا من الوكالة