رابــطــة مـــلاك بــاتــرول مــحــركــات شــفــر (((LS بجميع فئاتها الأداء العالي)))

[abo naser 1]

الله يعطيكم العافية على هالموضوع

ويبي لي 50 مشاركة عشان الرسايل الخاصة

الله يعافي الجميع

اذا لديك أستفسار أو مشورة أطرحها نجتهد في أجابتك

[RW7..ALBDAWA]

مبـروك على افتتآحكم لـ هالرابطـه

اخـوآنـي يوجد لدي منظم بنزيـن امريكي مع بزآبيزه شآريـه من عند 4500 واخو الجديد فترت الاستخدام مرره بصيطـه
سبب البيع اني بعت الموتر اللي كان رآكب عليه
http://www.mekshat.com/vb/showthread.php?t=587967

[ابوتركي83]

مبـروك على افتتآحكم لـ هالرابطـه

اخـوآنـي يوجد لدي منظم بنزيـن امريكي مع بزآبيزه شآريـه من عند 4500 واخو الجديد فترت الاستخدام مرره بصيطـه
سبب البيع اني بعت الموتر اللي كان رآكب عليه
http://www.mekshat.com/vb/showthread.php?t=587967

الله يرزقك بالبيعه الطيبه والزبون الصامل ان شاءالله

بس لو ما فيها كلافه عليك بما انك جربت مكينة الامريكي على سيارتك عطنا تجربتك ونصايحك للي بيرهم واللي مرهم المكينة عشان الفايده للجميع
واخيرا وش سبب بيعك للمرهم لاهنت وسامحني على الاطاله

[RW7..ALBDAWA]

يآهلآ والله ومرحبآ فيككك سبب البيــــــــــع إن مآشتغلـي عليه وآحد فنآن اللي اشتغلـي عليـه واحد اي كلآم حآطلـــــــــــي بليتـه واللي انا اخبرهـ تجي تحويلـه فـ المشكلـه اللي واجهتنـي ان مع كل نمرهـ يقر القيـر وخآصتاً بالثآلث اذا كآن الموتر شآد اما اذا كنت مرخي عليـه فـ مآيقــــــــر المشكلـه الثآنـــــيه ان اذآ شديت على المـوتر وطولت وانآ شاد عليه بالثآلث يبدء يقطـــــع طلعت المشكلـــــه ان المكينـه مآيوصلهآ بنزيـن كآفي فـ ركبت الرقليتـر وبرضو نفس المشكلــــــه وطلع الخرآب من موآصير البنزيـن وطرمبة المويـه اول مآرهمت خربت علي وغيرتهآ بوحده جديده عموماً المكينـه مآكانت نظيفـه وعلى اللي يرهم يحرص شديد الحرص انـه مآياخذ الا مكينـه نظيـفه وهذآ بس سبب بيعي لآن خفت لآتضهرلي خرابات اكثر مع الوقـت والموتر الآن مع الكبتن محمد الرشيد عسى الله يبآركلـه
وأنصح اللي بيرهم لآيرهم الا عند ابو علي المسلـم اذا كان ترهيمـه ls1
وابو بدآح اللي بالخرج انشهد انه فنآن خصوصاً توليـف طرمبآت المويـه لـ مكآئن الـls1

[ابوتركي83]

يعطيك العافيه اخوي ماقصرت معلومات مفيده الله يجزاك خير ويوفقك ويكتب الاجر

ان شاءالله اي واحد يبي يرهم ينتبه للاعطال هذي ويتحرص عند الترهيم منها عشان تنحل المشاكل هذي

[عصاقيل الدخله]

السلام عليكم ورحمة الله وبركاته

يشرفني الانضمام لكم بس وينكم قبل ما ابيع موتري هههههههههه ان شاء الله قريب بنشوف لنا واحد نطقطق عليه

عموما انا من عشاق الترهيم وعندي الخبره البسيطه ،،، طبعا الشباب الله يعطيهم العافيه ابو ناصر وابو تركي 83 ما قصروا بشي

امتلكت 3 مرهمات كلها استخدام يومي بمكاين ls1 و 6.0 لتر ،،، وواحد رانجلر مخفف ls1

ارجو اضافتي على الواتس اب
0507008000

للبيــــــــع / كامي جيتي 11 بدون رفه معروف مستخدم نظيف مع اسياخ ودبل سبرنقات

[ابوتركي83]

السلام عليكم ورحمة الله وبركاته

يشرفني الانضمام لكم بس وينكم قبل ما ابيع موتري هههههههههه ان شاء الله قريب بنشوف لنا واحد نطقطق عليه

عموما انا من عشاق الترهيم وعندي الخبره البسيطه ،،، طبعا الشباب الله يعطيهم العافيه ابو ناصر وابو تركي 83 ما قصروا بشي

امتلكت 3 مرهمات كلها استخدام يومي بمكاين ls1 و 6.0 لتر ،،، وواحد رانجلر مخفف ls1

ارجو اضافتي على الواتس اب
0507008000

للبيــــــــع / كامي جيتي 11 بدون رفه معروف مستخدم نظيف مع اسياخ ودبل سبرنقات

حياك اخوي بين اخوانك تفيد وتستفيد
بما انك مجرب الترهيم ماشاءالله عليك عطنا تجاربك والمشاكل اللي واجهتها وسبب بيعك للسيارات هذي عشان تكون الصوره واضحه للي عنده مشروع ترهيم في المستقبل

[ابوتركي83]

السلام عليكم ورحمة الله وبركاته
كل عام وانتم بخير وصحه وسلامه
اخواني ما الفرق بين التحويله والبليته ويا ليت صور

[abo naser 1]

السلام عليكم

كل عام وأنتم بخير وصحة وسلامة

مشكلة الرابطة ليس هم من يتكلمون بل هدير محركاتهم
فهي من عايدة عشاقها

[serch]

كل عام وأنتم بخير

[ابوتركي83]

السلام عليكم ورحمة الله وبركاته
كل عام وانتم بخير وصحه وسلامه
اخواني ما الفرق بين التحويله والبليته ويا ليت صور

وش السالفة جاء البرد وبدأ السبات الشتوي
نبي تفاعل الرابطه لازم تنشط

[abo naser 1]

السلام عليكم ورحم الله وبركاتة

حيا الله جميع الأخوان ابتكلم في مجال ترهيم محركات الأمريكي بشكل عام على الباترول من خلال تجربة متواضعه وهوايه قديمة تمنيت ان تأتي المعلومات من أحد الكباتنة المخضرمين لنستفيد نحن المستخدمين والمقبلين عليها. ولكن بأذن أعد الأخوان بضم كبار الكباتنه المعروفين بالساحة للرابطة والقروب وذلك بعد تفعيلها بالشكل الصحيح




أسعار المحركات
LS1. في حدود 6000. ريال
LS2 . في حدود13000 ريال
LS3. في حدود 22000 ريال
LQ9. في حدود 12000 ريال
5.3 2006 5500 ريال
5.3 2007 12000ريال
الأسعار المذكورة للمحرك النظيف بكامل ملحقاته بسيرها قابلة لزياده أو النقص حسب الموديل وطريقة بحثك وتعاملك با التشاليح


أسعار الكراجات و طريقة تعاملها وأفضلها
أسعارهم مابين خمسة وستة الاف لكامل التجليس والترتيب
والتعامل فيه كراجات توفر لك محرك و قطع وفيه من يطلب توفير القطع بنفسك التأخير في التعاملات سمة لدينا في جميع تعاملتنا فلذلك اعط الكراج وقته ونسق في حال أحتجت الكراج سواء بالصيانة أو بداية الترهيم

أفضل القطع للأستخدام تحويله طرمبه كلتش علب حذاف مراوح اديتر ليات
التحويله المعروفة القفاري ب 4000 وبعدها مخارط الرياض نسخة من القغاري بحدود 1500 والاسترالية 5000 أفضلها والدرج لدينا القفاري اما البليته ماجربتها
الطرمبة الس اذا أنت ببحر 300 حصان طرمبة بي ام داخل التانكي ممتازة وقوية 470 زيال
وكذلك كلتش جمس اذا أنت ببحر 300 حصان يوفي ويتحمل ب480 ريال
العلبة الفوقية تويوتا والتحتية لك الخيار بتويوتا ونيسان ورخيصة
حذاف كمارو ممتاز تقريباً 1000 ريال
منظم بنزين رقليتر ب 300 ريال
المراوح اذا أديتر بلد السوبارو الكبار كافية واذا اديتر فكس ار مراوح كابرس قوية وتطبق عليه بدون قاعدة
ليات الينزين لك ولزمن فكلما ركبت ليات قوية وقفزان كذلك ترتاح من تهريب البزين ومشاكله قليل بالسوق تجد الممتاز

ظفاير كهرب عوازل ترتيب
بلا شك الظيفرة على كثر اسلاكها كل سليك منها يسبب تقطيع تفتة صرقعة عدم اشتغال طفية وهناك ظفيرة مختصرة ومرتبة وجاهزة وفيه شباب هذي شغلتهم أختصار وترتيب ظفاير الزين والمرتب 1500 أقضل شي وتلقا ب 800 ريال

تكييف تخفيف تزويد
تكييف تخفيف حسب الرغبة و بالنسبة لتزويد فهو بلا نهاية خصوصا مع الأمريكي تتعب من الخيارات والشركات

تدبيل مساعدات يايات خيارات وتجارب
الياي طبعا استرالي أو فتك
والتدبيل حسب الأستخدام ورأي الشخصي مساعد شاص مكان الوكالة مع تدبيل مساعد خارج القاعدة بهذه الطريقة اذا أحتجت تدبيل تركبها اذا جا الصيف تفكة ترتاح من المطبولاتقص قاعة الوكالة
واذا استخدامك داخل المدينة وخفيف بالنفود بدون صدم تمشي كافي مساعد واحد مكان الوكالة
اما اذا الأستخدام للنفود والجلد والصدم فقص قاعة الوكالة وتركيب قاعدة أخرى تسع لمساعدين مثل المرسدس وهذا الالغالب في شغل الشباب عيبه قاسي جداً قص قاعدة الوكالة
وذلك لتفادي ضرب الكرتير او مواصير الفرامل بالكرتير

تفصيل القزوز داخلي خارجي نوع الدبه المواصير الطريقة الأفضل
الداخلي يكون داخل الشاص وبالقرب من الكرتير والقير جيد للي ماله نية بالتزويد مستقبلاً. عيبة ضيق المكان الحرارة على الكرتير والقير
الخارجي قص الرفارف الداخلية وأخرجها ووضعها خارج الشاص ممتازة للتعديل نفس سعة بالمكان. يعيبها قص الرفرف الداخلي وأفضلها. ولاتنسى وضع فتحة حساس الكربون للبرمجة الكثير ينساة ويرجع يصلحه
تأكد تماماً في بعض الأحيان أن المحرك قابل للأستجابة في البرمجة ويكون العائق سوء صناعة المخرج فأحرص تماماً على سهولة خروج الهواء فمحرك الأمريكي v8 قوية ولا تحتاج أنضغاط مثل المحركات الأخرى
وأنصح ان يوكن الكت باك ماصورتين تدخل بدبة مدخلين 3 أنش ومخرجين 3 أنش حتى لو تنزلها قبل الدفرنس الخلفي وأنصح بدبة مقنا فلو.
وأفضل الورش المتخصصة 1- بلا منازع البحريني 2- العتيبي الشرقية 3- المميز بالرياض

أهمية البرمجة
لاشك بأن البرمجة هي خلاصة الشغل كله فغلطة بسيطة تنهي المحرك فكثير من الشباب اذا انتهى من المشروع خذ كمبيوتر وراح للمبرمج ونسخ برمجة سابقة لسيارة أخرى بنفس التجهيزات وركبه وبعده يا يشتكي من العزم أو كربون مايشتغل من أول دقة أرتفاع rpm تغريق بنزين فا التجهيزات تختلف وأعلم حتى المحركات الأمريكي عاى سيارات البدل تختلف برمجتها حسب المنطقة وخصوصاً ببلد المنشاء
فمع المحرك الأمريكي و الهوائيات المناسبة والبرمجة الدقيقة تحصل على اداء ينسيك ما دفعت أشتغال مثل الساعة طول عمر للمحرك ولاتنسى تجهيز فيش برمجة لشبك الوصلة.

التكاليييف الأجمالية
للمحرك المنتشر LS1 تتراوح ما بين 23 الى 27 قابلة للزيادة أو النقص حسب القطع والترتيب

يفضل الأستخدام يومي بأستمرار ام شبه يومي خط مكشات نفود الكل
لا أفضل ابداً ان يوكون المرهم سيارتك الأساسية الوحيدة نهائياً. بالنسبة للمدن المزدحمة للأستخدام اليومي فهو لا ينصح بها بتاتاً اما للمدن الصغيرة نوعاً ما فلا بأس مع وجود سيارة أخرى
اما بالخطوط عيبة في الخط على دفرنسات الباترول يكون محمل الموتر فمثلاً على سرعة 150 يكون rpm على 4 مثل فبينما الكابرس واللومينا على هذه السرعة تكون 3.2 فا الحل لصاحب الخطوط والتعديل تركيب كوارين تماتيك 10

الصيانة الموسمية
اذا الموتر صوته زين وممشاه زين وتعشيه كذلك فقط تشيك ضغط طرمبة البنزين صوت المحرك مافية تكته طقطقه تشوف تشيك على طرمبة الزيت تشوف ليات البنزين الخراطيش القفزان قوة البطارية الدينمو طلة اما مجموعة الكتاوت ومجموعة الفيوزات فا الكباتنة يستخدمون أنواع قوية وأصلية لتفادي المشاكل فقليل أعطالها

االأعطال المفاجئة
الموتر طفا فجائة تحسس صوت الطرمبة بدقة السلف مالها صوت سلك الارضي مشكله كتاوت
ضعف عزم مع تفتفة بسيط الأحتمال تعطل بستم كل ماعليك منديل به ماء والموترشغال تلمس القزوز الي ما يتش متعطل كويل بوجي سبرنق بلف.
يدق ولا يشتغل الطرمبة صوتها شغال تحسس وصول البنزين للمساطر بلف كا بلف الكفر تضغطه مع دقت سلف تشوف واصل البنزين او لا اذا ماوصل وتسمع صوت الطرمبة فالطرمبة أحتمال سقطت بالتانكي
طبعاً الأعطال هذي قليلة لآكن من باب الذكر فا الموتر الغير معدل وشغله مرتب وسواق يناظر ويتحسس زيته وصوته مايرا أعطال غير الصيانة ولله الحمد من خلال أستخدامي لم أتعرض لأعطال مفاجئة أوقفتني وحتى الكثير من الأعطال ماتوقفك تمشى الين تقضى أمورك سافرت عليه وأستخدمته داخل الرياض والكثير جلد بالنفود

الزيت البنزين المناسب
دائما فئات ls تحتاج تتزيت وزيت خفيف فأحرص دائماً على الزيت الخفيف لو هو غالي مع التغيير ليس قياس بالعدد بل قياس بأستخدامك العنيف يعني طلعت 3 او 4 مرات للنفود غيرة لو هو مامشا الا 1000 كيلو لاتنسا وشو سويت فيه بالنفود وهو كيف أطربك عطه ويعطيك اذا بتحافظ على المحرك فهو يعيش سنتين ثلاث أكثر اذا أهتمت بها النقطة والبزين طبعاً 95

خبط الأسباب أوضب أو استبدل
الأسباب سوء الأستخدام أو الأسباب السابقة التوضيب غير مكلف مايوصل 5 الف الله يديم الرخص بس القليل جداً يشدها مثل المصنع فما تعيش عمر مثل ماكانت ضعف العزم نسبياً وفيه ناس لااله الا الله شدة مصنع كأنه دكتور جراح وهو يوضب

نتائج سوء الأستخدام
معروفة لدى الكل

الجهل التام بكل مايدور تحت غطاء المحرك
دام لك هواية فلازم تعرف أقل شي القطع وشهي وش وظيفتها لو ماتفك تتعلم فقط مع الوقت وماتكون طعم للكراجات

الكوراين وتناسبها مع اداء المحرك
كوارين القير العادي مناسبة لكن مع التعديل تحتاج كارونه تماتيك عشان تعطيك مجال النمرة تمد ها المحركات 1و2 يدور بوش حتا بكفرات 33

مدى رضاك عنها بعد التجربة ورضاك عن الأداء مقارنة بسعرالمحرك
وجهة نظري راضي تمام الرضى عنها وحش بمعنى الكلمة
اما الاداء بالنسبة LS1 توصل في حدود 300 - 320 على الباترول الربع وقيمتها 6 الف فبلا شك سعر أعتبره زهيد فئة 6 سلندر يدفع 30 الف تعديل للمحرك ليوصل للرقم هذا

اتمنا أني وفقت في ذكر وتوضيح بعض الأمور بأختصار
فا التمس منكم العذر أن اخطئت ونرحب بأستفسارتكم ونقاشكم وتجاربكم
ونطلب من الله التوفيق والسداد للجميع
وبلا شك أن في تحديد نوعية الأستخدام والقوة المراد الوصول اليها تختصر المال والجهد والوقت

السلام عليكم
تحية طيبة ومبروك عليكم الخير جعلها الله أمطار خير وبركة

[ابوتركي83]

الله يعطيك العافية اخوي ابو ناصر كفيت ووفيت

[الصافي9]

انا براسي الترهيم لكن وين الممتاز
اللي نرمي عنده الربع ونجي بعد فترة ونلقاه جاهز وشغل امانه يعني اذا لقي بطريقه شي يصلحه ويحط افضل ما في خبرته فيه مو شغل مش حالك خصوصا اللي يجي من خارج المنطقة من الغربية او الشمال صراحة مشوار ترهم بعدين ما يمديك تجرب ومستانس الا تطلع لك مشاكل كثيرة والسبب عدم الامانه بالشغل
لكن عندي سؤال ... يقولون اذا رهمت اول حاجة تعملها انك تغير طرمبة الزيت والماء والافضل تكون طرمبة الزيت رياضية لان دائما مشاكل تخبيط المكاين من طرمبة الزيت لذلك كل فترة لازم تغير طرمبة الزيت ... هل هذا صحيح ؟

[ابوتركي83]

انا براسي الترهيم لكن وين الممتاز
اللي نرمي عنده الربع ونجي بعد فترة ونلقاه جاهز وشغل امانه يعني اذا لقي بطريقه شي يصلحه ويحط افضل ما في خبرته فيه مو شغل مش حالك خصوصا اللي يجي من خارج المنطقة من الغربية او الشمال صراحة مشوار ترهم بعدين ما يمديك تجرب ومستانس الا تطلع لك مشاكل كثيرة والسبب عدم الامانه بالشغل
لكن عندي سؤال ... يقولون اذا رهمت اول حاجة تعملها انك تغير طرمبة الزيت والماء والافضل تكون طرمبة الزيت رياضية لان دائما مشاكل تخبيط المكاين من طرمبة الزيت لذلك كل فترة لازم تغير طرمبة الزيت ... هل هذا صحيح ؟

اخوي الصافي الله يوفق لك ويسهل امورك ان شاءالله
اول شي اذا تبي شغل نظيف يلزمك 3 اشياء :
1- الميزاااااانيه تكون طيبه لانك راح تغير نصف السياره
2-الوقت لازم تعطي الموتر وقته في الكراج
3- اخذ الفكره عن الكراجات عندنا وما يتميز به كل كراج من خلال مناقشة من هم رهموا من قبل ولهم خبره في هذا المجال
اما بالنسبه لطرمبة الزيت ما عندي فكره عنها ولا سمعت عن الموضوع هذا
المعلومة اللي قالها لي احد الكباتنه انه طرمت الكابرس بعد 80 الف يضعف ضغطها والله اعلم