مرة أخرى سيارات الحنين .... سيارة متعطلة في أحد عروق الدهناء

[عاشق الثويرات]

ياجماعة الخير على حسب علمي بالنفود انك اذا تركت الشي فترة طويلة بالنفود يندفن والسيارة مهي مدفونة
وجرة الغراز مبينة والخياش مبينة ولوحة السيارة جديدة لان لحد الحين مستخدمه عندنا بالكويت ويمكن استمارتها مومطوفة
والسيارة حالتها جديدة
انا اقول يمكن وقفتها صار لها اقل من السنة لان صبغتها جديدة وكل شي فيها جديد ماعدا الاتربة اللي بالداخل
اتمنى التوضيح وصل

[شمالي غير]

ما لا أستطيع فهمه هو كيف تكون السياره وخصوصا زجاج النوافذ والمصابيح الأماميه بهذه النظافه بعد أكثر من سبع سنوات ؟؟؟؟؟

فعلاً امر غريب ومحير

الواضح ان السيارة لها فترة كبيره من الزمن ((مبطيه )) هنا والدليل الحفره اللي هي بها يعني واضح ان الرمل ما كان بهالمستوي يوم وقفت السياره والشيء الثاني الاعشاب اللي نابته حولها بعد ..

[صقر]

السلام عليكم ورحمة الله وبركاته

أشكر اخواني على تفاعلهم مع الموضوع ، ولي عودة على الردود في وقت لاحق .

هنا المزيد من الصور التوضيحية لكشف بعض الملابسات التي تكلم عنها بعض الأعضاء.

::

::

::

::

[أبو فراس]

السلام عليكم ورحمة الله وبركاته

ابواحمد توضيح في وقته وسوف يساعد ببيان موقف السيارة

يبدو ان السيارة منذ زمن وذلك واضح من الشراع البلاستيكي المتأكل وكذلك الرمال المحيطة بها والنباتات

[مجرم الددسن]

اخوي فيه حدا الصور ورا الجمس فيه بيت شعر
مهو لأهل اليبت

[ذيب-الفلا]

هذا شكله كان ماشي الساعه 2 بالليل وظايع ومافي نور الا نور القمر ونور الموتر

وهو ماشي خلص البنزين ونزل يدور عأقرب مكان يعبي منه بنزين او مكان ينام فيه او
يعرف وين هو فيه

وهوه يدوربالليل
ولا يحصل نار من بعيد يقرب اكثر يسمع اصوات ظحك وطبل ودق واغاني

يقرب اكثر يبي احد يساعده
لما يوصل
يناظر

مايلاقي احد

الرجال يجلس مستغرب

ولا فجأه
يسمع صوت من ورا

يقله

مين انت

يلتفت مايلاقي احد

يجيه الصوت من قدامه يقله ماجاوبتني انت مين

يلتفت بسرعه ولا يلاقي عبد طويل شكله شارب شي لان عيونه حمرا
اخونا بالله يعرف انه مو مننا يعني اعوذ بالله جني

يقله أأأأ أأأاناااا أأنااا أأنا انا ظايع وما ادري وين انا تكفا لاتأذيني

يقله شكلها امك داعيتلك اليوم عندنا عرس ولد شيخ قبيلتنا ومانبي تحول الفرح لقتل تفظل معانا عالذبيحه
,بس عندي شرط
انك
لما تاكل لاتسمي!
قله افا عليك ابشر

واخونا له 3 ايام مو آكل شي قال جن مو جن ابي آكل اهم شي آكل

المهم
العبد ياخد اخونا على الخيمه ولا يحصل اشكال مو زي اشكالنا وعادات مو زي عوايدنا

واكل وخير واجد

واخونا اول مايشوف منظر الاكل والذبايح يقول
بسم الله مشاء الله وش كل ذا الاكل

وهوه قال هذي الكلمه من هنا والجنانين كل واحد مسك ثوبه ومسك باب الخيمه

اخونا جلس واكل

وهذي كانت آخر الاخبار عنه وما ادري وش صار فيه بعدين
>>>>>>>>اقول تخفف دم انت ووجهك روح نام احسنلك


تحياتي للجميع بس حبيت اغير جو

[ملك الفكتوريا]

طيب يمكن يكون مسكن للجن دامه بهالنظافة وحركة الرمل غريبة بصراحة

[أبومؤيد1]

مشكور يا صقر
بأمكان الاستفسار بمرور الكويت عن رقم اللوحة وسوف تصل إلى الشخص وراعي السيارة
لأن رقم اللوحة كويتية ولي شاف الصوره من أهل الكويت بأمكانه مراجعة مرور الكويت
والله يحفظنا وأخواننا المسلمين من كل مكروه

[مكشاتي الجزيرة]

أعجبني الموضوع كثيرا...
ارجوا من الاخوه الكويتيين التحقيق من اسم صاحب السيارة رقم اللوحه 56436 في المرور وتجيبونا اخباره ..يمكن الرجال حي ويبحث عن السيارة من زمان ...ممكن هذي السياره عزيزة على قلبه..فتكسب آجر كبير ان شاء الله...

هذا موقع السيارة في قوقل
http://www.wikimapia.org/#lat=28.398...7&z=11&l=0&m=b

[ابو غند0]

يعطيك العافيه على الصور وما قصروا الأخوان

وشكل ما لها فترة طويلة وهي موقفه...

[ولد وايل]

الموضوع عام 2006 معقوله الى الان ما لقيتوا لها حل

[اسير الغضا]

وش صار علمونا

[أبووليد..]

وش صار علمونا

..................

[البصراوي1]

غريبه جدا لكن ممكن الاخوان في الكويت يستفسرون عن مالكها طريق رقم اللوحه

[السلمان2010]

بالفعل شي يحير والغريب حولها بيت الشعر