مرة أخرى سيارات الحنين .... سيارة متعطلة في أحد عروق الدهناء

[ديم غياظ]

اشكرك اخوي العزيز على هالنقل المتميز لاهنت

انا اتوقع والله اعلم ان صاحب السيارة حصل له مكروه لاقدر الله.

ماحد يخلي سيارته .

او تكون مسروقة والمنطقة القربية من الحفر ورفحاء تحدث فيه

سرقات من العابرين للحدود وسمعتو ذلك

الغريب وين الجهات الامنية عنها خاصة شرطة سامودة وم عشر ولينة .

لغز محير

تحياتي لكم

[وسيع البنايد]

الموتر اضنه لواحد من هالبدوان الي حوله وتلقا الجمس دبل كبده بالخرابات قال خلني اوقفه في ذا المكان وابلش المكشاتيه به

والدليل انه لاهل البيوت الي في الصوره

هو ان الموتر ما تشلح الى الان وخذ العلم من وسيع البنايد

[برق الجهمه]

اتوقع والله اعلم انها كانت موضع للاعلاف من اصحاب الحلال
وربما انتقل صاحبها لمكان اخر او باع حلاله وتركت كماهي

[ام صتمه 87]

نعم وهدا كلامي
البارح قبل مانام جلست افكر
ليه مازورها
وتالي تدكرت قصه لاحد السيارات
على طريق الاحساء رأوها محطمه وعادوا اليهم بعد ساعات ورأوها وكانها جديده

وهده ايضا
ليه اللون حقها ماراح من الشمس
ليه الى اللحين مبينه نظيفه وكان احد ينظفها
ولاحظ الشبك الى على الصندوق صدى والبدى حقها ماصدى
وليه من داخل كلها غبار ومن برا لا

صدى لانه موب مجلفن ..

لكن بويات السيلره مجلفنه ماتصدي ..

[ام صتمه 87]

فعلاً امر غريب ومحير

الواضح ان السيارة لها فترة كبيره من الزمن ((مبطيه )) هنا والدليل الحفره اللي هي بها يعني واضح ان الرمل ما كان بهالمستوي يوم وقفت السياره والشيء الثاني الاعشاب اللي نابته حولها بعد ..

صادق

ماتوقع الرمل كان بهالحال ..

[اسير الغضا]

اما لو واحد ياخذ الاحداثيه ويروح لمه

[سديرآوي]

والله شي عجيب ويقهر ,,

ووالله جاني شعور غريب ودي اروح لهالسيارة وافتشها وافتح دروجها وتحت مراتبها ,,

واطلع الواير واسحبها لاقرب محطة واشوف العطل وان كان بسيط صلحتها ,,

وكلمت ربع لي بالكويت يشوفون منو راعي السيارة ,,

بس والله قهر قبل شهر ونص كنت بالكويت ليتني شفت هالموضوع من اول ,,

وهالموضوع والموضوع الثاني صارو ذكريات بعد ,,

هذا بـ2006 وذاك بـ2004 الله المستعان السنين تركض واعمارنا تركض وراها ,,

[راشد الجريبة]

الله يسمعنا خير عن راعيها واللي يمر حول المكان الله لا يهينه يمر يطفي السوتش لا تفضى البطارية

[جبال الرّوكي]

أمرها عجيب ذي السيّارة , إن كان راعيها بدوي فلاهب مخليها

حاولت أشيّك ع موقع وزارة الداخلية الكويتي ولكن ما يتشغل معي لأني في الخارج

فضولي بيتعبني إلين أعرف وش قصّتها

[ابوسلماااااان]

الله يسمعنا خير عن راعيها واللي يمر حول المكان الله لا يهينه يمر يطفي السوتش لا تفضى البطارية

الله يقطع بليسك
انا ابروحلها السبوع الجاي وبصورها
حلال سايب

[الكونترولCONTROL]

بالنسبة لي حللت الوضع كالتالي ... من باب التفاؤل الحسن :
صاحب السيارة و ربعه أهل حلال ( مواشي ) , و معهم سيارات ثانية أفضل منها
و اشغلتهم هذه السيارة أكثر من مرة و هم يسوقون مواشيهم للرحيل لمكان بعيد
و تركها و ترك عليها المفتاح يمكن كان عنده تفكير يوصي عليها أحد بالجوال أو انه وصى أحد
و ما لقى مكانها و انقطعت بينهم الأخبار ... لكن ما أظن صار له مكروه إن شاء الله بما أن الطريق قريب
و لعله عين خير و اشترى غيرها ثم يفكر يبيعها على أحد الورش او التشاليح عندما يمر عليها على السعة

[قزيزالنعام]

مرحبا بالجميع ابشركم راعي السيارة طيب وبخير قبل قليل دقيت على واحد في ساموده حربي شرواكم وقال السيارة له كم سنه واقفه ورعيها اسمه سعيدان الرشيدي من اهل الكويت ووكل عليه ابا الديبان الشمري وباعه على ابن صعب صاحب محطه الشرق الاوسط ونا منشغل معكم وخبروني رجال شروكم وعطوني الاخبار وقالت ابشركم به وشكرا

[تباشير]

اتوقع والعلم عند الله ان اصحاب السياره هم اصحاب الخيمه اللي خلف الصوره لاكن لا اتوقع ان صقر ماسئل اهل الخيمه عن السياره

[محمد الحريقي]

مافي الكلام فايدة..........لكن لو صاحب الموضوع تأكد من تاريخ صنع الكفرات (الاطارات)ان كان اختصر على الجميع كثير من التساؤلات ......
والحمد لله على سلامة الجميع

[حطاب الرويضه]

الله يكون بعون راعيها