مشكلة في هواية اليوكن 2012

[حر النداوي]

السلام عليكم
ابي مشورتكم الله يرضى عليكم

هواية المكيف يدخل معها روائح الجو مع اني مسكرها

يوكن 2012

اللي صار عليهم نفس المشكله وحلوها ارجو افادتنا
الله يجزاكم خير

[جيب ربع]

المشكلة هذا نظام جي إم لازم يدخل هواء حتى لو مسكر الهواية من باب الأمان بزعمهم

[حر النداوي]

بيض الله وجهك

طيب وش الحل مع هالمشكله

[جيب ربع]

أنت كيف تسكر الهواية؟

[خالد الحفر]

الهوائه يدخل معاها الهواء ومريت الوكاله وعلموني طريقة التقفيل وهي انك تخلي الهواء يكون مع الامام ومن تحت وبعدين تقفلها بكذا تتقفل ع طول ولكن اذا سويتها بس امام وقفلت ررراح يدخل عليك روائح مع حقت الارضية

[حر النداوي]

جيب ربع
اسكرها عن طريق الزرار الخاص بالهوايه الله يطول بعمرك

خالد الحفر
بيض الله وجهك بجرب واعطيك العلم الاكيد جعلك تسلم

[خالد الحفر]

خالد الحفر
بيض الله وجهك بجرب واعطيك العلم الاكيد جعلك تسلم

اوك شوف وش يصير وعطني خبر مع العلم وكاد راح تقفل ولا راح تدخل روائح مثل اول

[جيب ربع]

أضغط الزر اللي فيه سهم للأعلى وبعدين أضعط زر الهواية ...

[حر النداوي]

اشكركم كل الشكر

تمت التجربه وبالفعل تسكرت الهوايه بالتمام

الله يوفقكم يارب ياخالد الحفر وجيب ربع
اشهد بالله انكم كفو جعل ربي يطول باعماركم

[خالد الحفر]

اشكركم كل الشكر

تمت التجربه وبالفعل تسكرت الهوايه بالتمام

الله يوفقكم يارب ياخالد الحفر وجيب ربع
اشهد بالله انكم كفو جعل ربي يطول باعماركم

العفو اخوي

[abuda]

الاخوة الاعزاء
المعذرة موضوعكم قديم ، لكن اتمتى اجد رد
ممكن شرح الطريقة ، و اي زر الذي تقصدون به زر الهواية و لكم الشكر سلفاً

[abuda]

هل من مجيب

[جيب ربع]

الزر اللي عن يسار علامة الزائد لجهة الراكب أضغط عليه مرةواحدة بعدين أضغط على زر الهواية

[abuda]

جزاك الله خير اخي العزيز
و اشكرك على التجاوب
مشكلتي هي دخول الروائح من الخارج في حال المكيف شغال ، ولا اشعر بالروائح في حال المكيف طافي

و في حال اريد استخدام طريقتكم ، ما هي مراحل البدء بها

[جيب ربع]

بشكل عام لابد من دخل شي من الهواء الخارجي والمكيف يشتغل وحتى وهو طافي
الشركة تريد كذا لأنه أكثر امان هذا كلام الشركة