ماجدوى نقل السمك من جيزان الى الرياض ؟؟

[صغير وعبيط]

السلام عليكم ورحمة الله

حبيت استشير الاخوان الخبراء والمختصين في مجال الاسماك عن جدوى استئجار سيارة تبريد وشراء السمك من منطقة جيزان ونقله وبيعه في الرياض .. بشكل مبدئي هل الفكرة مجدية ؟

تحياتي وتقديري

[الموج العالي]

إذا تنقله طيارة بالتنسيق مع شركة طيران
وبكميات كبيرة كل اسبوعين مره

نعم نعم نعم

بشرط ان السمك معروفين زباينة قبل تجيبة

يعني تدور الزبون وتحط سعرك وتتفق معه وتجيب له السمك جدييييييد لازم يكون جديييييد وابشر بالخير
لأن اغلب الاسماك الي تروح الرياض لها في الشرقية او الغربية اسبوع اقل شيء اذا ما احد شراها يسفرونها الرياض بنفس اسعارها لكن قدييييم

اذا بديت المشروع تراني ما بسامحك لازم تعطيني الحلاوه وما تنساني

اعتبرها دراسة جدوى

هههههههههههههههههههههههههههههه

اتكلم جد

موفق

[ذوالجناح7]

السلام عليكم

آنـــا شد أنتباهي عدة شغلات في هذا الموضوع

1- الأسم ( صغير وعبيط ) ؟؟

2- تاريخ أنضمامك في المنتدى من أكتوبر 2012 وهذي أول مشاركه و أول موضوع ؟؟؟

3- استفسارك يدل أنك من سكان الرياض وانت أكيد شايف وضع أسهلاك المنطقه للأسماك ؟؟ كيف

4- مين أقرب و أوفر في الشحن الشرقية ولا جيزان ...؟؟ ولا السمك في جيزان ارخص..؟؟ أو تكون من أهل جيزان نفسها ...؟؟؟وهذا كلام ثاني

بعدهاااا راح تكون عندك صوره واضحه عن سؤالك

بالتوفيق إن شاء الله أخوي في مشروعك القادم

[صغير وعبيط]

إذا تنقله طيارة بالتنسيق مع شركة طيران

وبكميات كبيرة كل اسبوعين مره

نعم نعم نعم

بشرط ان السمك معروفين زباينة قبل تجيبة

يعني تدور الزبون وتحط سعرك وتتفق معه وتجيب له السمك جدييييييد لازم يكون جديييييد وابشر بالخير
لأن اغلب الاسماك الي تروح الرياض لها في الشرقية او الغربية اسبوع اقل شيء اذا ما احد شراها يسفرونها الرياض بنفس اسعارها لكن قدييييم

اذا بديت المشروع تراني ما بسامحك لازم تعطيني الحلاوه وما تنساني

اعتبرها دراسة جدوى

هههههههههههههههههههههههههههههه

اتكلم جد

موفق

بالنسبة لوسيلة النقل في البداية فما راح تكون عن طريق الجو لانها راح تكون مكلفة حبتين لكن راح تكون عن ديانات التبريد بسائقين خاصين بها ، وهي للامانة مجرد فكرة طرأت على بالي وقلت استشير الاخوان وان تم تنفيذها على خير فـ ابشر بالحلاوة ياحبيب قلبي

[صغير وعبيط]

السلام عليكم

آنـــا شد أنتباهي عدة شغلات في هذا الموضوع

1- الأسم ( صغير وعبيط ) ؟؟

2- تاريخ أنضمامك في المنتدى من أكتوبر 2012 وهذي أول مشاركه و أول موضوع ؟؟؟

3- استفسارك يدل أنك من سكان الرياض وانت أكيد شايف وضع أسهلاك المنطقه للأسماك ؟؟ كيف

4- مين أقرب و أوفر في الشحن الشرقية ولا جيزان ...؟؟ ولا السمك في جيزان ارخص..؟؟ أو تكون من أهل جيزان نفسها ...؟؟؟وهذا كلام ثاني

بعدهاااا راح تكون عندك صوره واضحه عن سؤالك

بالتوفيق إن شاء الله أخوي في مشروعك القادم

مرحبا .. بخصوص ماشد انتباهك وماذكرته اعلاه اتمنى تسمح لاني راح اتجاوزها لعدم وجود اي اجابة ممكن تقنعك ، بخصوص الاستهلاك ماهو بسيط بصراحة والطلب ماشي واما عن الافضل سمك الشرقية او جيزان فالنخبة من الزبائن تفضل جيزان على الشرقية هذا والله اعلم

[بونواف993]

فكره ومشروع ناجح توكل على الله وعشان يمشي مشروعك عليك بالكنعد الضيرك والله يوفقك

[ماسيوم]

السلام عليكم ورحمه الله

المشروع ممتاز ولاكن يبغالك محل في الرياض وعمال ماهرين في اعداد الاسماك ويبغالك سياره بثلاجه وسواق نشيط يوصلك السمك كل يومين مشوار او حسب السحب عندك واهم حاجه يبغالك واحد في جيزان يعرف السمك ويعرف متى يشتري ويعرف الانواع زين ويكون شاطر ولو يكون من سكان جيزان او شخص عنده مجموعه قوارب وتتفق معاه يتم من خلاله تامين الاسماك الطازجه يكون احسن وووووو الحقيقه الموضوع يبيله جلسه انما هذا الي يحضرني الحين وفالك البيع والله يرزقنا واياك من واسع فضله تقبل تحيااااااااااااااااتي..

[بو دانة]

السلام عليكم ..

فكره ممتازه جداً وعلى حد علمي تجار السمك غالبهم هنود والسمكاللي يوصل الرياض حقيقه غير صالح للاستهلاك ويوجد كثير من اهالي الساحل عايشين في الرياض واكيد لو علموا بوجود مورد اسماك نظيفه راح يكون لك سوق كبير وارباح ممتازه

توكل على الله لكن ادرس الموضوع زين وابحث عن افضل الطرق وارخصها بالنقل والاهم من هذا كله جودة السمك
اعتقد لو تشتري كونتينر تبريد واحد يكفيك .. وتعمل شحنه كل اسبوع يكون وضعك تمام كبدايه
وبالتوفيق.

[كشته 111]

المهم ان تدرس من هم المنافسين لك والذين يعملون فكرتك ومطبقينها وشغالين في السوق من زمان سواء اللي يصدرون السمك من جيزان الي جده او الرياض عشان تشوف اسعارهم توفي معك والا لا لانه اذا اسعارك اعلي يطلعونك من السوق .
والله يوفقك ويرعاك .

[( ابو سدين )]

السلام عليكم ورحمة الله

حبيت استشير الاخوان الخبراء والمختصين في مجال الاسماك عن جدوى استئجار سيارة تبريد وشراء السمك من منطقة جيزان ونقله وبيعه في الرياض .. بشكل مبدئي هل الفكرة مجدية ؟

تحياتي وتقديري

احيك اخوي
هذا الشغل المضبوط (( التجاره )) افضل من الف وظيفه

الله يوفقك ويكتبلك اللي فيه الخير

[صيهد]

قبل فترة كنت في مبنى الشحن في المطار وشفت كمية ثلاجات فلين و سألت العمال قالوا هذا سمك من جيزان.
معلومة قد تفيدك

[SNIPER07]

الله يوفقك

خطوه ممتازة

[الحارثى محمد]

اجوائنا لاتساعد على نقل السمك بشكل طازج أو (مبرد)لما تتميز به من ارتفاع درجات الحرارة طوال العام
ولأن السمك يتميز بسرعة تعفنه في أحسن الاحوال أثناء العرض للبيع في الاسواق
لذلك لابد من عمل مصنع تعليب أسماك في جيزان ولو بشكل مصغر
دور هذا المصنع
1- شراء الاسماء من السوق (بجيزان)
2- تنظيفها وتغليفها وفرزنتها
3- شحنها الى الرياض أو الى أى مدينة داخليه بالمملكة

عملية شحن الاسماك بالدينات (تبريد)لاينجح لبعد المسافه
شحنها بالطيران يعتبر أفضل من الدينات ولك الخوف من ارتفاع التكاليف وكذلك الخوف من تأخر الرحلات أو تأخر تسليم واستلام الشحنه مما قد يفسدها

[Seas Diver]

لو من الشرقية نقول ممكن لاكن جيزان لا

السبب سرعة الفساد .

[mahmoud hamad]

السلام عليكم
أفكار الاخوان جميله .. وصحصح بهذا الزمن لازم لك مشروع
عشان تكون وتأمن مستقبلك والوظيفه بهالوقت تأمن حياتك لنهاية الشهر لااكثر

وحبيت اذكرك بشئ مهم المسافه بين الشرقيه والرياض ٣٩٥ كيلو
والمسافه بين جيزان والرياض ١٢٧٢ كيلو
ف الأفضل لك تأخذ السمك من الشرقيه بيكون ارخص لك
من جهت المسافه والبنزين والطريق وبيوصلك اسرع وطازج اكثر من جيزان
ففكر بالسلبيات قبل الحسنات .. وايه لاتنسى التعب ع الثلاجه بيكون اكبر من جيزان بتستهلك عمرها اسرع
ف مثلا بدل ماتعيش معك الثلاجه والراس سنتين راح تعيش معك اقل من سنه لانو المسافه ٣ اضعاف مسافه الشرقيه .. ف فقكر بكل شي حتى لو تشوفه تافه قبل ماتاخذ قرارك

واتمنى لك التوفيق .. واهم شي صلي صلاه استخاره والله يرزقك حبيبي