دبل التاهو الثقيل لا يعمل مع وجود اصوات فزعتكم يالنشامى :)

[مقناص10]

السلام عليكم
صبحكم الله بالخير ...
لدي تاهو 2006 ..وغيرة زيت الدبل بورشة ..على كلام الفنيين وكنت بس ابغى ازيده ...وراحو وبدلو الزيت القديم بزيت 140 او 90 ...والله اعلم زيت 140 ..
طبعا قالو نفس زيت القير وانا اخذ حذري وحذرتهم ونبهت عليهم انو مو هو لكن قالو هو ووقع الفاس بالراس وفضو الزيت كله ..ولا في حل غير هالزيت ..

المهم بعد فتره صرت احس بغرابة بالدبل وعزمه ضعيف

وتركته بحكم خلاص وقت البر والكشتات ..وطلعت بعدين مشكلة عكس قدام خربان وتركته قلي المهندس عادي يمشيك

الان المشكلة

لما اجي اشبك الدبل الثقيل اسمع الطقه حققته وطبع هو زر ...يطق يطق ثم يرجع للحاله اللي كان عليها قبل اما الدبل الخفيف او الدفع العادي ...

ورحت ورش كثييره لكن للأسف اللي يقول غير الدبل واللي يقول الدينمو خربان ...
واللي يققلي الدبل فاضي مافيه زيت واللي غيرلك الزيت اول هو اللي اعدمه لك ...
لأن السيارة حولها كله تهريب زيت على الكفرات والبودي لكن تحت جيهة الدبل والعضلات الحمدلله مافي تهريب ..

فايه الحل .؟!!
وسألت عن فصل الدبل قلي مهندس يكلفك 2000 ..!!

فاتمنى القى الحل منكم او ترشدوني وتنصحوني بالاصلاح ..
ومحنساكم من دعواتي ...

لأن اخشى يتطور الوضع وينعدم القير ...او يصير بالسيارة شئ لاسمح الله
ومافي لمصاريف وفلوس زيادة لأن صرت اسمع طقطقة كثيرة وغالبا من العكس ...مع وجود صوت خفيف جيهة الدبل .
والمشكلة كل ما اروح لمحل يفحص زيت الدبل يقول ماعنده مفتاااحه لأن حق التاهو معقد شوي ...

بإنتظاركم
علما اني بحثت كثير بالمنتديات واللي اشوف بالمواضيع يقول لاتستعجلو من الحساسات ... فهل مشكلتي ممكن تكون من الحساسات ..؟
وبارك الله فيكم ..

[مقناص10]

وينكم 62 مشاهدة ولا رد...

كشفت على الدبل وحصلت الزيت للأسف فاضي ...

والان ابغى اعبي الزيت لكن عسى نحصل من يعرفله لان رحت لاغلب الورش والبناشر يقولون ما نعرف ..وانا قلت إذا ماحصلت زدته بنفسي ...
لكن ابغى اتاكد من نوع الزيت

ما هو الزيت المناسب لدبل التاهو وإذا في علبته ياليت صورة

انا رحت للتوكيلات واعطوني هذا الزيت

[مقناص10]

المشكلة الان مشيت وامشي على السيارة بدون زيت فهل له اثر على القير والدبل ككل
وهل إذا عبيت الدبل زيت ان شاءالله يضبط ولا في اشياء ثانية ....

وطريقة فصل الدبل ..؟ لأن رحت عند واحد قال ب2000 يفصله

[خالد الحفر]

والله مالي به علم ولكن ماقدرت اطلع بدون ماارد
الله يعينك ان شاء الله

طيب بما ان الورش ماعرفو له

خلاص الموتر وقفه يومين فترة الاجازه ووده للوكالة قسم الصيانه او لـ acdelco

واخسر لك 500 او 700 على الزيت وشغل نظيف ولا تبتلش بالنهاية

[مقناص10]

يعطيك العافية اخوي خالد وماقصرت
آمين وياك....

المشكلة هالورش كلها تبعد عني اقل شئ 170 كيلو ! الله يعين ..
بس بشوف غدا ان شاءالله عند مهندس معرفه ورشة قريبه وان شاءالله خير ..

اليوم رحت اغير زيت الدبل القديم اللي حطوه الورشة وهو زيت 90 او 140 ...بزيت الدبل المخصوص المبين بالصورة السابقة
وكان في نص بالزيت

بس المشكلة ما ادري سبب عدم عمل الدبل الثقيل هل هو الدينمو ام الدبل نفسه فيه عطل ...

السيارة اسمع اصوات طقطقه بعد ما اتعدى سرعة 60 ...و80 ..و100 ...وإذا دقيت الفرامل وهديت اختف الصورت ..
انا اول كنت اظن العكس الامامي لكن الان ماني متاكد هو ولا من جهة الدبل والله يستر
وماقصرت والله يوفقك وييسرلك امورك