السلام علاكم ورحمة الله وبركاته
اليكم هذه السالفه القصيره لتحريك دم الخيمه من برد المربعانيه
وماصابها من خمول بعد انقطاع الدم من العروق
السالفه
في سنة من السنين طلعنا للبر شباب ويازين الشباب وحيويته والحين شيبنا من طول السنين اخوياي كلهم شيبوا اللي معي بالرحله الواحد منا تقول بليتين ددتسن متعكف ماتعرف ساسه من راسه لادخل القيض شب الضو وصار يتدفى من البرد ويحط على ضهره بشت والا فروه لا ولوتشوف سيقانه مخرثات ماغير عظم وتلبيسه
لوتنبط ساقه بالنبيطه راح كسر ماتجمعه ولا في منخل عيش المهم ماودي اطول عليكم بالسالفه
المهم يوم طلعنا للبر وعددنا سته او سبعه شباب ونلقى قطيع عزكم الله من الحمير
قالوا عليهم كل واحد يمسك له حمار وهو يلحقون الحمير وكل واحد يمسك له حمار
وكنت الوحيد اللي ما اعرف للحمار ولا حتى ركوبه بس قرادة شباب ماشوف فيه لادركسون ولابريك مااعرف وشلون يوقف او يلف العيال اللي معي خمس دقايق الا وهم عاسفين حميرهم وانا طحت بواحد براسه زار ماخذ اهبال الحمير كلها في راسه ماهنا اكبر من دميجته تقول رفرف دووج ونيت 4*4 خمسه اسلندر كلبليتر
المهم قالوا العيال نبي نتسابق نشوف اللي يفوز وهم يصفون حول بعض الا انا وحماري
المهم وانا اتشعمط بضهره وهو يحاول يجدعني يمين ييسار انا ودي اطيح وافتك من شره بس انا خايف من رجليه اللي وراء ماشفتهن طابات الارض من الصقل والمصاقل
وانا مازلت راسي متمسك بالحيل ماغير اقول يالله برقه يالله برقه اخاف امسط على وعر
وانا بعيد عنهم بثلاثين متر او ازود ومادخلت معهم بالسباق عارفيني مالي بالحمير ولا مرثونها
اشوي يوم انطلقوا مسرعين الحمار اللي معي شاف ربعه منطلقين وهو ينطلق فيني يمشي ثلاثة الاف عقده بحريه وهو يخليهم على اليمين يوم مر من عند خوياه يسمع له وشيش
من السرعه وعلى دباشه مايشوف الارض مغمض من الهواء وعقله فضيخ وهو يتعدهم على سرعته ربعي يستغربون من معرفتي للحمير وحسن الاختيار وانا اتقدم عليهم للمركزالاول المهم في طريقه جحورة جراذي يجلهم 90 جرذي لاعبين بالارض لعب مقيمين لهم عشرين سنه في هذه الارض وهو يسقط بيديه بذاك الجحر الى الركب مدري الى حلقه وانا اطير بالهواء وعلى بطني وانكتم لي عشردقايق مدري وين انا فيه والغريبه ان الايرباك يقولون يضهر وقت الحوادث وهذا ماطلع منه شي الا اذاكنت ماشفتها مع الطيحه
ويجون ربعي يمي هم وكدالكهم وينزلون ويصحوني هه الحمد لله على السلامه الله يسلمكم
وانا التفت على الحمار وهو يطالعني واشوفه يتبسم فيه فرحه مدري نذاله
المهم شر وزال والتوبه والعقل زين والحين يوم شيبت يالله اركب اللفت اخاف يصقل او يطيح بجحورة جراذي اعزكم الله
اشكركم على تواجدكم في هذه السالفه وارجوا
ان اكون وفقت في اخراجها لكم
وفي الختام
سبحانك اللهم وبحمدك لااله الانت استغفرك واتوب اليك
تحياتي لكم
رد مع اقتباس
المشاركة الأصلية كتبت بواسطة أبوعابد 22
