السلام عليكم ورحمة الله وبركاته
الله يسعد اوقاتكم بالمسرات
كان فيه واحد فلاح كل مازرع محصول صار له آفه وإلا تسلطت عليه دبش وأكلته
وعندما جاء موسم العيش ( القمح ) وهو يدبر أموره ويزرع العيش
يوم سبل العيش وصار وش زينه بس يحتريه يابس على شان يحصده
ويجي عقب الظهر وينشي هكالسحاب وكل ماله يثقل ويقوم يرعد ويبرق
وتستهل برديه وتاطا زرع رفيقنا وتدقه دق وتمسحه عن بكرة ابيه
ويناظر والا والله وش يناظر الطير ما يلقى حبة ياكله
رفيقنا جاه إحباط وإكتئاب وصار لا تبي له حال ولا فال
ويقوم ويروح عند هكالقليب ويقعد على جاله ويدودل ( يدلي ) رجليه بوسطه
ويمر عليه واحد وهو يناديه يافلان تعال .. جاء الرجال يوم شاف سواته
قال له وراك بابو فلان كذا انت صاحي وإلا مجنون
رد عليه وقال اترك عنك الحكي ودفن بس
قال الرجال يدفك قريح وابو زنه وهو يقفي ويخليه
ويردد لا حول ولا قوة الا بالله
انتهت السالفه
اللهم لاتجلعلنا من القانطين واعفو عنا واغفرنا وارحمنا انت مولانا فانصرنا على القوم الكافرين
محبكم
النبهاني
رد مع اقتباس
..
المشاركة الأصلية كتبت بواسطة قوافي
