ياليت اقدر اتواصل معك ضروري
Alrowaili2009@Hotmail.com
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
ياليت اقدر اتواصل معك ضروري
Alrowaili2009@Hotmail.com
اخوي ياليت تذكر لنا وين مصلحها ماشاء الله شغل احتراف وبكم سويتها ..
عادي اخوي انا في خدمتك ولا يهمك
1. انا فكيت الغطاء الي خلف الدركسون تلاقي سلكين مصله للسوتش انا شبكت منها البور والايرث تشبكه في اي جسم حديد موصل لبدي السياره
2. وضيفة البلوتوث صحيحه وقطعة DBOII تشبك مع كمبوتر السياره وهي تجلب لك عدادات السياره وتسوي فحص للسياره مثل فحص الكمبيوتر الي في الورش وتطلع لك الاخطاء والمشاكل الي في السياره ويتم التعرف عليها في كمبيوتر السياره مثل مشكل الكهرباء ومشاكل الحساسات في السياره وتقدر تسوي لها كلير من برنامج القطعه الموجود على جهازك وفيه برامج كثير لها من افضلها واقواها torque pro الراديو ما تقدر تشغله من القطعه ه>ي ولكن فيه قطعه ولها برنامج على اجهزة الاندرويد اسمها DVB هذي تشغل لك القنوات الارضيه التلفزيون وتشغل كذلك لك الراديو
3. الفيبر قلاس ممكن تلاقيه في مصانع الخزانات او تلاقي احد يدلك على مكانها واذا مانت من الشرقيه ومالقيت احد يدلك على مكانها اعطيني خبر وانا مستعد اخذها لك من الشرقيه لاني اعرف واحد يبيعها وارسلها لك ولا يهمك
4. هذي ماهي صورة قطعة USB HUB هذي صورة محول الكهرباء الي يحول من 12v to 5v قطعة USB HUB هذي قسام حق يو اس بي عادي الي يركب في الكومبيوتر الي يجيك ب4 منافذ ومنها ب6 منافذ مثل هذا
وفيه منها اشكال وانواع
طبعا الكلام والتطبيقات الي فوق كلها لاجهزة الاندرويد وبالاخص جهاز نيكسس 7
حياك اخوي مافيه اي كلافه اخوي انا في خدمتك
والله من بداية الشغله مااخذت صور لان كان اهتمامي في العمل ونسيت الصور
ولكن مستعد اشرح لك الطريقه كلام واساعدك لو تبي حتى على الجوال الي نهاية الشغل
الجلاكسي تاب ينفع اخوي ولكن مافيه روم له على شان يدعم نفس الاعدادات ولكن تقدر تتغلب عليها عن طريق التاسكر وموجوده عندي اذا بغيتها ابشر
من الاعدادات التشغيل وقت تشغيل السياره وتفعيل البلوتوث والواي فاي وتشغيل برنامج الصوتيات والانطفاء عند اطفاء السياره وتحويل التاب الي وضع السليب مود لتوفير صرف بطارية الجهاز
كم تكلف تقريبا
قسم بالله ابداع ونفسي اسويها لكن صعبه بالحيل...يبغالها محترف زيك ماشاء الله عليك...ليتك بتبوك والله لأقعد لك عند الباب..
الله يسلمك يالغالي
بسألك عن البلوتوث.. انا المسجل عندي مافيه بلوتوث.. بس AUX
هل قطعة OBDll توصل الصوت للمسجل عن طريق البلوتوث؟ ولا بس وسيطة للكومبيوتر؟
وايضا الكاميرا كيف طريقة توصيلها مع الايباد؟ سلكي ولا لاسلكي؟ وهل تربطها مباشرة بالجهاز او مع كومبيوتر السيارة؟
والفايبر كربون من وين حصلته؟
وابشرك الحمدلله حصلت الفيبرجلاس
بس جالس اخطط للعملية.. واسف ع الازعاج
هلا بيك اخوي دمع القلب
تقدر تشبك عن طريق سلك للمنفذ AUX
قطعة OBDII ماتتصل مع المسجل ولا تعطي اي صوت اخوي هي بس تشبك مع كمبيوتر السياره وتعطيك المعطيات حق الحسساسات الي في السياره
مثلا حساس الحراره تطلع لك القرائه عن طريق برنامج على جهاز التاب
حساس السرعه تعطيك السرعه على الجهاز مثل الصوره الي تحت
بالنسبه للكميرا على الايباد ماعندي اي خلفيه البرنامج الي موجود والقطعه الي موجوده تدعم اجهزة الاندرويد القطعه اسمها easycap وهي خاصه للجهزة الكمبيوتر وتم تعريفها على اجهزة الاندرويد لان النظام مفتوح المصدر ومبنى على نواة الينكس
فالبنسبه للايباد اذا بغيت تركبه من الحين بعطيك عقبات ممكن تواجهك اولا ماراح يشتغل وينطفي مع السويتش ثانياً الكميرا ماراح تعمل معك الا اذا لقيت احد منزل لها برنامج وتعريف للقطعة easycap
ثالثا قطعة OBDll البلوتوث ما ادري هل تعمل مع الايباد او لا انا لقيت مقاطع في اليوتيوب اكثرهم مشغلينها عن طريق الواي فاي ولكن برضه لقيت ناس مشغلينها بلوتوث بس ما ادري هل لازم عمل جيل بريك او انه لازم تنزل اصدار معين لها ماعندي خبره في الايباد ولا منتجات ابل لاني حقيقه ما احبها
وقبل لا تعمل القالب شوف هل يركب معك على المسجل اتوقع بيكون 10 انش حجمه كبير علي ديكور المسجل فبتلاقيه يزيد جهة اليمين واليسار
لكن اذا بغيت تركب نكسس انا بعلمك طريقه كسر الحماية وتنزيل روم غير روم قوقل ويكون مدمج معاها تعريف easycap على شان الكميرا وترا للحين مانزل تعريف الا لقطع وحده وهي الي معالجها او chipes يكون stk1160
انا قلت لك الكلام الي فوق وانا اخوك ما ابيك تخسر وتصل لنص الشغل وتقول الحنون وهقني
لاني قد وضحت ان كل العمل تم على جهاز النكسس تحت نظام اندرويد او الجلاكسي تاب تقدر تستغني عن الروم ببرنامج التاسكر
وهذي صورة قطعة EASYCAP
حلووو انك لقيت الفيبر جلاس
بالنسبه للفيبر كربون انا طالبه من برا ممكن انك تلاقي عند محلات الزينه بس ماني عارف خامت الموجود الي ينباع عندنا لانه تعرف دائما تجارنا يحبو يجيبو ارخص شي ويبيعوه اغلا من سعر الاصلي برا
[QUOTE=alhanon;9644644]حياك اخوي في خدمتك
1. المحول هذا يحول لك من 12V الى 5v 3A 15w بس برضه تقدر تستغي عنه باشاحن حق الجهاز اذا ماكنت تنوي تشبك اضافات
على شان يشحن الجهاز ومربوبط مع سلف السياره بحيث يشتغل التاب وينطفي مع تشغيل واطفاء السياره وكذلك تقدر تركب معاه اضافات ثانيه مثلا تركب USB HUB على شان تقدر تشبك هار ديسك وياخذ بور من المحول مو من بطارية التاب . وكذلك تقدر تركب كميرا خلفيه وتقدر تشبك فلاش ميموري
بارك الله فيك وماشاء الله عليك بس اذا تكرمت يخوي شوية استفسارات :
- كيف اخلي الجهاز ياخذ بور من المحول مو من البطاريه
- اذا امكن صوره لقطعة DAC لاني لقيت اشكال كثيره ومافهمت طريقة التوصيل
- اسم الروم اذا كان عندي جالاكسي تاب
والله يجزاك الف خير
[QUOTE=htatibo;9684521]هلا اخوي واعتذرك منك على التأخر بالرد
اولا البور ياخذه من المحول عن طريق توصيله اسمها Y OTG Cable
وهذي صورتها
طبعا القطعه هذي رأس يشبك في الجهاز ومنفذ للسلك الشاحن ومنفذ USB يشبك فيه USB HUB او تقدر تشبك فيه توصيله وتطلها برا عندك تشبك فيه الي تبيه فلاش هارد اي شي
طبعا في حال القطعه هذي الجهاز الي يشبك بياخذ البور من السبلاي وليس من بطارية الجهاز
بالنسبه لل USB DAC هذا رابط على امزون
http://www.amazon.com/HiFiMeDIY-Digi.../dp/B00AOH5JTQ
علماً باني لم اجرب DAC لاني استخدم البلوتوث الي مدمج في مسجل السياره عندي
اما بالنسبه للروم فاروم الي عندي والي لقيته يدعم النيكسس 7 اصدار 2012
التاب تقدر تستغني عن الروم ببرنامج التاسكر بحيث يعمل مع كهرباء السياره عند وصل الكهرباء للجهاز يعمل واذا قطعت الكهرباء يحول الجهاز الى الديب سليب
وموجود عندي نسخه اذا بغيتها ممكن اني ارفعها لك بها كامل التاسكات المهمه منها عمل الجهاز على البور ويعمل معها الغاء وضع الطيران وتشغيل البلوتوث والواي فاي وكذلك الجي بي اس وتعمل الشاشه على طول
وعند قطع البور عن الجهاز يحول الجهاز الى وضع الطيران ويقفل البلوتوث والواي فاي وكذلك الجي بي اس ويدخل الجهاز اجباري في وضع السليب مود حتى لا يصرف بور وكذلك يغلق البرامج التي تعمل في الخلفيه الا الي يحتاجها السيستم اجباري
وهذا رابط برنامج التاسكر على الماركت
https://play.google.com/store/apps/d...ndroid.taskerm
البرنامج هذا يخليك تسوي في الجهاز الي تبيه وتتحكم فيه على هواك كلها اوامر وينفذها الجهاز وتقدر تخش على اليوتيوب وبتشوف شروحات عجيبه جداً لعمل البرنامج بمعنى اوضح البرنامج بيخلي الجهاز يفذ الي تبغاه انته بالضبط
واعتذر منك اخي مره اخرى على التأخر في الرد على استفسارك
الذين يشاهدون الموضوع الآن: 1 (0 من الأعضاء و 1 زائر)