الناس واجد مير مافي مثل الاخوآن . .
السلام عليكم ورحمة الله وبركاتة
قصيده . .
(( ما مثل الاخوان ))
الناس واجد مير ما مثل الاخوان .....
ما مثل اخوك اللي يحبك ويغليــك
ما مثل اخوك اللي صدوق ومعوان .....
تفديه بالغالـي وبالـروح يفديــك
يشكي لك جروحه وهمه والاحزان .....
ولا ضاقت الدنيا بهمك يواسيـك
لو كان لك ربعٍ ونـاسٍ وجيـران .....
ما مثل اخوك اللي عن الناس يغنيك
أخوك هو عزك ولو كان ما كـان .....
يبيع كل الناس لأجلك ويشريـــــــك
أنا أشهد أنه لك على الصدر نيشان .....
تاجٍ على راسك وستـر يغطيـك
وانا اشهد انه مـا يثاقـل بميـزان .....
مثل الذهب والماس مافيه تشكيـــــك
وانا اشهد إنه ما يقـدر بالاثمـان .....
عن العدو حصـن ودرع يوقيــــــــــك
إياك لا تفتـح طريـق لشيطـان .....
بينك وبينه جعـل ربـي ينجيــــــــــــك
ولا تستمع لاجاك علان وفـلان .....
يا كثر ما تسمع من اللي يعاديـــــــك
ولا تجعل لغيرك على العقل سلطان .....
ترى كثير اللي بشـوره يدهويـك
ترى الدهر دوار يا سرع الأزمـان .....
يومٍ تواريـه الثـرى أو يواريـــــــــــــك
تقول يا ليت الذي كـان ماكـان .....
يا ليتني بالقبر جنبـك واخاويــــــــــــك
يا ليتك تعود واضمك بالاحضـان .....
أضمك لصدري واقبـل أياديـــــــــــــك
يا ليتك تعود ترى القلـب ندمـان .....
وده يسوق المعذرة ثـم يراضيـــــــــك
مير البلا يا ليت مـاردت إنسـان .....
ويا ليت ما تمحي ظلام بما ضيـــــــــك
تماكن الدنيا وواصـل بالاحسـان .....
قبل الندم يطويك والهـم يبريــــــــــك
ونهاية المشوار ما غيـر الاكفـان .....
ويبقى مع السارين ذكرك وطاريــــك
15 نوفمبر 2015 - 16:514 نوفمبر 2015 - 21:27
 |
رد مع اقتباس
