بطاريات اوبتما optima بين الوهم والحقيقة وتجارب مستخدميها..؟؟

[d3izol]

هذا الرد كتبته في موضوع ثاني عن بطارية الاوبتيما وقلت انقله هنا لعله يضيف معلومة او نستفيد منكم

السلام عليكم ورحمة الله وبركاته


انا اخذت بطارية اوبتيما 75 أمبير من الوكيل العقيلات في بريدة وكان سعره 1250 ريال مع الضمان ووجدتها في أمازون

http://www.amazon.com/gp/aw/d/B003TQ...BEL&ref=plSrch


سعرها 245 دولار تساوي 920 ريال


ومقارنة السعر مع أمازون في الحمرا
http://www.amazon.com/gp/aw/d/B003HI...optima+battery


في أمازون سعرها تقريبا 821 ريال وعند الوكيل 850 ريال مع الضمان


اسعار الوكيل اغلا من أمازون لكن ليس بنسبة 90ظھ‏ ولكن الاختلاف من 10-20ظھ‏ وهذا قد يكون مبرر اذا كانت خدمة الضمان جيدة لان الشركات الامريكية اللي تبيع في أمازون لا يوجد لديهم تكاليف شحن ونسبة جمرك لانه منتج من شركة محلية ومعروف ان بيع المواقع اقل تكلفة على البائع من البيع في السوق العادي



انا اكتب هذا التعليق لانه كثر الكلام حول مقارنة الاسعار بين أمازون والسعودية فأحببت المشاركة لعلي أستفيد منكم

[شقردي]

للرفع لأهميته

صارحه استفدنا منه كثير

[نديم القهوة]

طيب غيرها على طول ولا شد ورد ..؟؟

والسؤال الثاني لماذا اخترت الزرقاء رغم أنها للعمل البحري .؟؟!!

الصفراء ما كانت متوفره على كلامهم وما عندهم وقت محدد لوجودها
وكنت عجل فستبدلتها بالزرقاء المتوفرة مباشره عن طريق (( السعودي )) الي يبيع في المحل ماقصر ومحترم

[Anwar abdulla]

البطاريه المتنقله الصغيره
اللي تسوي اشتراك للسياره والله مامثلها
اشحنها وخلها بالسياره
واستخدمها بالديره بشحن الجوال
زينتها تشغل لك السياره خمس مرات واكثر
وكبر الكف لا اسلاك ولا منظم وخرابيط
وعليك بالنوعيه الزينه المجربه

[الناطور]

ياعمي البطاريه العاديه حدها حدها اذا كانت نوعيه جيده يابانيه تعيش سنه ونص واي سي دلكو حدها بالكثير سنه وحده ثم ارميها بالزباله

[ناصح]

ياعمي البطاريه العاديه حدها حدها اذا كانت نوعيه جيده يابانيه تعيش سنه ونص واي سي دلكو حدها بالكثير سنه وحده ثم ارميها بالزباله

هذا الي مبهذلنا

خاصة اي سي ديلكو

لكن نشوف مزيد من تجارب الشباب مع اوبتيماء

[أبوصالح9]

ياعمي البطاريه العاديه حدها حدها اذا كانت نوعيه جيده يابانيه تعيش سنه ونص واي سي دلكو حدها بالكثير سنه وحده ثم ارميها بالزباله

مهب صحيح - العناية بالبطارية تخليها تعيش اكثر من سنتين ونص بالراحه - طبعا اتكلم عن البطارية العادية وليست الالكترونية - وفيه شي مهم ايضا بالبطارية العادية كثير من الناس يعبيها جديده ويركبها على طول وهذا هو الغلط واللي يخليها ماتعيش كثير - اذا عبيت البطارية العادية بالاسيد خذها معك للبيت وخلها يوم كامل لاتركبها علشان يتشرب بالالواح الداخلية وبعد 24 ساعة ركبها - والاشتراك لسيارة اكبر من بطاريتك بالامبير يعدم البطارية وترك الاملاح على الاقطاب يعدم البطارية بعد - وتعبئتها بالماء العادي يعدم البطارية - وش بقى من شي يعدم البطارية - ايه تذكرت الدينمو اذا كان مهب مضبوط يعدم البطارية هذا اللي عندي واذا تذكرت شي ابعلمكم

[ناصح]

اتصلت بوكيل اوبتما ( العقيلات )
مع الأسف تفاعلهم مع الاستفسارات أقل من المستوى المطلوب بكثير ..
ولا يعرف حتى أين تباع في الرياض ..!!

[sameer_1798]

اتصلت بوكيل اوبتما ( العقيلات )
مع الأسف تفاعلهم مع الاستفسارات أقل من المستوى المطلوب بكثير ..
ولا يعرف حتى أين تباع في الرياض ..!!

اذكر شفت محل يبيعها بالغرابي ويبيع انظمة للطاقة الشمسية .

[عبدالله-محمد]

مع الأسف بطارية فقط سمعة ومافيها أي مازية عن غيرها
أنا عندي ماكملت سنتين زيها زي البطارية العادية
حرام دفع هالمبلغ الكبير فيها وأنا أقدر أشتري بطارية عادية بربع الثمن تقريبا.

[صخب]

البطاريات على حسب نوع السياره
اي سي ديلكو معي لها فوق السنتين ماشاء الله على ربع باجيرو ستاندرد
وجهة نظري ان البطاريات ماتغيرت لكن السيارات كثر فيها شغلات الكهرباء حتى ان بعض الحساسات تبقى شغاله والسياره طافيه
وتستهلك البطاريه وتقلل من عمرها
يعني على سبيل المثال لو ركبنا بطاريه على شاص ومثلها على برادو
اضمن ان بطارية الشاص رح تعيش وتعمر اكثر من البرادو بمراحل

[قطب 999]

اي سي ديلكو افضل بطاريه لمن يهمل تشييك البطاريه سنتين وغيرها
الذي يعدم البطاريه الترهيم بالكهرباء

[ناصح]

البطاريات على حسب نوع السياره
اي سي ديلكو معي لها فوق السنتين ماشاء الله على ربع باجيرو ستاندرد
وجهة نظري ان البطاريات ماتغيرت لكن السيارات كثر فيها شغلات الكهرباء حتى ان بعض الحساسات تبقى شغاله والسياره طافيه
وتستهلك البطاريه وتقلل من عمرها
يعني على سبيل المثال لو ركبنا بطاريه على شاص ومثلها على برادو
اضمن ان بطارية الشاص رح تعيش وتعمر اكثر من البرادو بمراحل

اي سي ديلكو افضل بطاريه لمن يهمل تشييك البطاريه سنتين وغيرها
الذي يعدم البطاريه الترهيم بالكهرباء

يا شباب الرجاء عدم خلط المواضيع

الموضوع هذا مفتوح عن بطارية اوبتما فقط
بارك ا لله فيكم

[فتك 11]

سلام عليكم

وش صار علينا يالربع

نبي بطاريه ممتازه لمواتر المكاشيت

ثلاجه وكنود وانوار ومحولات

في بديل ياباني للابتيما او كوري

ارجو التفاعل

[ناصح]

سلام عليكم

وش صار علينا يالربع

نبي بطاريه ممتازه لمواتر المكاشيت

ثلاجه وكنود وانوار ومحولات

في بديل ياباني للابتيما او كوري

ارجو التفاعل

وعليكم السلام ورحمة الله وبركاته

خلاصة التجارب

هو بطارية اوبتما صفراء تاريخها جديد ..من محل موثوق ...