المشاركة الأصلية كتبت بواسطة yes999
السلام عليكم ورحمة الله وبركاته
عملت هذا الموضوع ووضعته في رابطة ملاك ديماكس 2013 واعلى ..
ورايت وضعه ايضا في موضوع مستقل لتعم الفائدة ..
-----------------------------------------------------
بسم الله الرحمن الرحيم
سمعت كذا شخص يتكلم عن نقصان الزيت في موديل 2013 وحبيت اعطي كذا معلومة ومصدرها طبعا دليل المستخدم من الوكالة والشركة المصنعة لسيارة وهي ادراء بما صنعته ..
بنتكلم عن انواع المكاين الي تجي ع الديماكس وكيف نعرف نوع مكينة السيارة وكمية الزيت ..
عندنا 3 انواع من المكائن
1- 4JA1
2- 4JJ1
3- 4JK1
لمعرفة نوع مكينة سيارتك فك الكبوت وانظر اعلى الكبوت تلقى قطعه مربعة معدنيه مكتوب عليها مثل الصورة :
بالنسبة لزيت كيف تعرف انه نقص او يحتاج اضافة بعد سحب مقياس الزيت تابع الصورة والشرح
=======================
ناتي لكمية الزيت في كل مكينة حسب اذا كانت بدبل او بدون - ويجب الاخذ بالاعتبار ولتصحيح الاخطاء عند الكثير طبعا لو زاد الزيت نصف علبة او نقص اكيد ان الشركة المصنعة عملت " امان " لهذه الزيادة او النقص ويمكن تاصل لعلبة - يعني لايجي واحد يقول انا لي عشر سنين اغير بزيادة علبة عن الكتالوج ولا صار بسيارتي شي - والاهم الاهم متى تاخذ العيار الصحيح والدقيق اذا طفيت السيارة نصف ساعه على سطح مستوى مو مثل عند البناشر بنفس الوقت يغير زيت ويعاير ويقول شوف ناقص ويزيد لك نصف علبة ... عموما نشوف الاحتياج الصحيح لكل مكينة :
محرك 4JA1 = بسيفون 4.7 لتر وبدون سيفون 3.7 لتر
محرك 4JJ1 و محرك 4JK1
بدون دبل = بسيفون 6.8 لتر وبدون سيفون 6.2 لتر
مع الدبل = بسيفون 7.3 لتر وبدون سيفون 6.7 لتر
التقيد بالكمية المطلوبة مهم ومثلا كيف تحط 7.3 = 7 علب واقل من نص علبة - واذا انت تستخدم الزيت ابو 4 لتر تقدر تاخذ علبة كاسترول فاضيه تلقى مرقمه من الجنب وتنزل فيها باقي الكمية للاستفاده منها لاحقا ..
------------
بقي علينا متى نغير الزيت :
بالنسبة لمحرك
4JA1 تغير كل 5000 كيلو او 6 شهور لو واقفه مع السيفون في ضروف القيادة العادية
او تغير كل 2500 في القيادة الشاقه ( جو حار - تحميل - غبار - صعود مرتفعات) وانصح بهذا
بالنسبة لمحرك 4JJ1 و محرك 4JK1
تغير كل 20 الف كيلو مع السيفون او كل سنتين لو واقفه " مخزنه "
او 5000 كيلو للقيادة الشاقة ( جو حار - تحميل - غبار - صعود مرتفعات )
وبالنسبة لي انصح التغيير كل 5000 كيلو لان جونا مايساعد ولازم نحافظ ع المكينة من باب الاحتياط ..
----------------------
نوعية زيت الوكالة - كاسترول بلزوجة 15w - 40
وهذا الزيت يتحمل حرارة من 15 درجه تحت الصفر الى 45 درجه فوق الصفر
كلامك غير صحيح اخوي الارقام الي على زيوت المحركات لا تعني تحمل درجة الحرارة
الرقم الايسر وعادة يبداً w هي اختصار لكلمة wiNTER وتعني الشتاء تعني امكانية تشغيل المحرك في الاجواء الباردة وهي اضافة كيميائية تمنع تجمد الزيت في الشتاء وتصلب لزوجته وكل ما قل الرقم زادة سهولة التشغيل في الاجواء الباردة ولا حاجة لنا بها في الاجواء السعودية حتى في الشتاء اقصى برودة تصل 5 درجة مئوية وما حولها
والرقم الايمن يرجع الى لزوجة الزيت وكل ما زاد الرقم كل مازدة ثقل الزيت وكل ماقل الرقم كل ما خفت لزوجته وثقل الزيت يزيد من حماية المحرك وتعميرة ولاكن يزيد من استهلاك البنزين او الديزل وخفت لزوجة الزيدة يقلل من حماية المحرك بشيء قليل ولاكن يزيد من توفير البنزين او الديزل وهذا ما اعرفه والله اعلم بالتوفيق للجميع
واحرصوا ع الزيت الاصلي من المحلات والوكالات الكبيره لانه التقليد منتشر
واحرصوا ع الفلتر الاصلي كم مكينة خبطت من فلتر مقلد عشان توفير 20 ريال
--------------
بالتوفيق للجميع واعتذر ع التقصير