التوقعات اليومية والأحوال الجوية وأخبار الأمطار والسيول لشهر رمضان 1427هـ (3)

[عاشق البروق]

ينبع البحر
سحاب متوسط والشمس راحت باخيال

[راعي الحزم]

اخي راعي الحزم
كيف عرفت ان البرق شمال غرب..,,؟؟

من اتجاه الرادو الروسي على موجة Lw

وأيد ذلك رسالة من احد الزملاء في روضة حائل يمدح النشو عنهم شمال غرب

[نقا خريم]

ماعليك يابن الحلال مانا مكذبك ...
بس اقول وش لون اعرف اتجاه البرق بالرادو؟؟؟
وجزاك الله خير

[نقا خريم]

اخواننا شمال المدينه
وش لون الاوضاع
تحركوا ياخوان خلوكم مثل امس

[الصلبوخي]

في رسالة من الأخ الغالي ابواسامة فتى الحريق

سيل وادي الفرع وبرد جنوب المدينة 120ك

بروق ورعود ورش على حائل

اللهم اغثنا اللهم اغثنا اللهم اغثنا

[عاشق البروق]

ياشباب جاني خبر عن برق واحد شافة كان رايح المدينة جاي من القصيم تقريبأ قبل يصل المدينة 30 كيلو الساعة سبع ونصف يوم الاربعاء

[أبــوريـــان]

موقع wunderground يقول على حائل عاصفة رعدية ...وينكم ياهل حائل....


http://arabic.wunderground.com/globa...ons/40394.html

الساعة24-8 ليلاً

[أبــوريـــان]

الله العالم ان هناك مرتفع يبي يطق اطنابة اسبوع تقريباً.......

[هاوي المطر]

المدينه المنوره مخيله بخيال ثقيل

والله يجيب الخير

[مطارد البروق]

الله العالم ان هناك مرتفع يبي يطق اطنابة اسبوع تقريباً.......

السلام عليكم ورحمة الله وبركاتة

هلاهلاهلا ومليون غلا وهلا والله بالحبيب والعزيز الغالي اخوي ابوريان لا عدمنا ك يالغالي

لا تكفى ياخوي قول غير الكلام هذا يا بوريان ترانا تونا فراحنين باعلوم الامطار والخيرات

ومستبشرين بالخير في الثلاثة الايام او الاربعة الايام المقبلة 0 لا تضيق اصدورنا يالغالي

بارك الله فيك يالوجة الطيب وطيب الله فالك يالغالي 0

وتقبل خالص تحيتي وتقديري العميق جداجداجدا

اخوك مغليك واللي يتمنالك كل خير محبك بالله ابونواف

[ابن الروضة]

الرطوبة عالية في الرياض .

الساعة 9 مساءاً .

[راعي الحزم]

لاتخاف يامطارد البروق المرتفع ماراح يطول و ان شاء الله من يوم الاحد القادم فيه توقعات طيبة بنشاط لمنخفض البحر الأحمر

[حد الشمال]

ابشركم انشاء الله تصدق التوقعات اليوم بعد صلاة التراويح شفت بروق قوية شرق عرعر بحدود عشرين كيلوا جهة المطار وفوق عرعر غيم خفيف ونشاء الله الخير جاي وراح اوافيكم بالجديد 0

[^-^ طير شلوى^-^]

الأخ حد الشمال
السلام عليك وعلى الجميع ورحمة الله وبركاته
صحيح أخي حد الشمال لاحظت البروق شرق عرعر
والغيم شكله ثقيل والله يجيب الخير
واخبرني بعض الجماعة في ابا روث والعويقيلة ان عليهم بروق و(طش) خفيف
والله يجيب الخبر.........

[صائد الفوائد]

أمطار شبه غزيرة قبل مدينة عرعر ب30كم الساعة 10:00 مساء اليوم الأربعاء
والبروق في كل مكان .
المصدر: اتصال بالجوال