التوقعات اليومية والأحوال الجوية وأخبار الأمطار والسيول لشهر رمضان 1427هـ (3)

[راعي الحزم]

الآن الأجواء في تحسن ملحوظ على منطقة الجوف
السحب طيبة بالحيل اعتقد مقبله على سكاكا
النشو طيب بالحيل على شمال المملكة الله كريم

[فدغم]

الله لا يعيد علينا الموسم الي طاف

وان شاء الله الخير جاي بالطريق وعليكم بالدعاء

[فدغم]

وين الاخوة في عرعر المواقع تقول عليهم برووق ورعوود

[مبرق الوسمي]

شوف ذا الموقع

http://www.geocities.com/alsaddah2004/w_cloud.htm

وهو موقع لاقمار الصناعيه وهو يبين حركة السحب جربوه تراه ممتاز

[ابوامير]

الآن الأجواء في تحسن ملحوظ على منطقة الجوف
السحب طيبة بالحيل اعتقد مقبله على سكاكا
النشو طيب بالحيل على شمال المملكة الله كريم

نعم اخوي راعي الحزم كلامك صحيح ... انا موقعي غرب من سكاكا ب 80 كم رحت لسكاكا من بعد صلاة العشاء من مشيت من ديرتي لين وصلت سكاكا وان اشاهد البروق وماتوقفت لين وصلت وانا بسكاكا اشوف البرق شرق من الديره ومو بعيد عن سكاكا واعتقد انه على الطريق اللي بين سكاكا وعرعر واعتقد ان السحب هاذي على عرعر والله يجيب الخير ... والأن الجو فيه غيوم متوسطة الارتفاع وبعض الغيوم المنخقضة والاجواء لاتزال تبشر بالخير .....
اللهم اغثنا اللهم اغثنا الهم اغثنا

[][وســمي][]

الرطوبه في ارتفاع على مدينة الرياض حوالي 40% الله كريم

[الصياد88]

السلام عليكم كانت البروق قوية جنوب وشرق سكاكا هذا المساء وهي قريبة كماتوقعات والبرق لايفصل وركبت سيارتي وكان بداية المطر المزارع الواقعة حنوب شرق سكاكا ولكن الامطار الغزيرة والزوابع الرعدية المخيفة قد ضربت مركز خوعا الواقع جنوب شرق سكاكا 32 كيلو حيث ارتوات الارض وغلست غبار الصيف وكان منظر رائع بداية انهمار المطر بغزارة وهذا من فضل الله والمطر لم يستمر اكثر من عشر دقائق ولازالت السماء ملبدة والبرق يشاهد شرقا

[حد الشمال]

تستاهل العافيه يالبناخي لا وبشرك الآن الساعه الواحده والربع من صباح يوم الخميس وعلينا غيم طيب ورشت رش طيب قبل شوي وجتني علوم تبشر بالخير في واحد جاي من القريات ويقول من تعديت طريف وانا اشوف البرق عن يميني وشمالي الين وصلت عرعر والشيبان يتباشرون يقولون ان القريه وهي منطقة على الحدود يكثر فيها الفقع يقولون جاها مطر طيب ويبون يروحون لها يشوفون وانا ابي اجيبلكم العلوم انشاء الله

[خالد العوض]

مشكور الف

[متنبــــئ جوي]

الان الاجواء غائمة على تبوك , وحائل , وبعض السحب المتفرقة على المدينة,

الغد يحمل لنا الخير باذن الله تعالى ..

[متنبــــئ جوي]

url=http://up700.com][/url]

كتل من السحب تدخل المملكة من الشمال الغربي مسوية حزام ....

[مطارد البروق]

السلام عليكم ورحمة الله وبركاتة

مساكم الله بالخير ياخواني الاعضاء والضيوف جميعا وبارك الله فيكم اينما كنتم جميعا

مساكم الله بالعافية والايمان وبالامطار والخيرا ت في هذا الشهر الفضيل بس قولوا آمين ان شاءالله

***********
ماء شاء الله تبارك الله على هذة الخيرات والامطار في هذا الشهر الفضيل وان شاء الله يجعل فية الخير

والبركة اللهم آمين 0وان شاء الله تكون بداية الخير عليكم وعلى باقي مملكتنا الحبيبة اللهم آمين 0

***********
حالة السماء - سماء صافية بوجة عام وسدى خفيف قبيل المغرب في الاجزاء الغربية البعيدة من

محافظة الدوادمي 0

درجة الحرارةالان - 27 درجة مئوية

نقطة الندى - +3 متذبذبة نوعا ماء كانت هذا اليوم الى مابعد صلاة الترويح صفر

الرطوبة - متذبذبة بالمرة ومختلفة كليا كانت هذا اليوم مابين 6الى8 % الى ما بعد صلاة الترويح

والان تسجل مابين 22 % الى 25 % وان شاء الله ان في حروة خير بأذن الله تعالى 0

الضغط الجوي - متقلب نوعا ماء كان هذا اليوم ما بين 1008 الى 1011 الان ونسئل الله المزيد

من فضلة 0
اليوم الاربعاء الموافق 18 -9-1427 محافظة الدوادمي

الساعة الان - 1 -50 صباحا

وتقبلوا خالص تحيتي وتقديري العميق جداجداجدا

اخوكم ومغليكم واللي يتمنالكم كل خير محبكم بالله ابونواف

[مبرق الوسمي]

الرطوبه عاليه في الرياض

الله يجيب الخير

[المنشى شمالي]

اليوم سبحان الله كانت البروق كثيرة والرعد كان يسمع من بعد صلاة العصر ولكن الامطار كانت خفيفة ونقول بداية الخير ان شاء الله

[مبرق الوسمي]

الا وش سالفة الرطوبه في الرياض؟؟؟؟؟؟؟