اذا كان موقع التغريز قبل الشرقيه بـ١٠٠ وحولها فخروج السياره فيه صعوبه وغالبا بيحتاج سحب
معروفه هالمنطقه مصيدة للسيارات لما ينزل فيها ويجي يبي يمشي يشقص الموتر وكثير تحصلهم ناشبين وغالبهم جيوب
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
تطلع بالراحه
لازم تنسيم
لابد من تنسيم وتشغيل الدبل الثقيل ورفع السياره بعفريته من تحت وتطلع
لابد من مساعده وجر للسياره
اذا كان موقع التغريز قبل الشرقيه بـ١٠٠ وحولها فخروج السياره فيه صعوبه وغالبا بيحتاج سحب
معروفه هالمنطقه مصيدة للسيارات لما ينزل فيها ويجي يبي يمشي يشقص الموتر وكثير تحصلهم ناشبين وغالبهم جيوب
حتى لو نسمت الكفرات وشغلت الدبل ماتطلع الا بسحب والسبب واضح الرمل ناعم ماتمسك فيه الكفرات حتى لو نسمت 10 او 15
سبحان الله والحمدلله ولا اله الا الله والله اكبر ولا حول ولا قوه الا بالله
ثق تماااااما اي كانت نوع التغريزه اذا كان راعي الموت
سوااق فأعرف ان السياره طالعه طالعه باذن الله
السواق ماتفرق معه نوع الارض
تنسيم ودبل ثقيل والدعس خفيف ولف الطاره يمين ويسار تطلع من اي غراز بإذن الله الأهم تكون دعسته ثابته وخفيفه والخبره تلعب دور مهم
تم الإرسال من جهازي HTC One بواسطة تاباتوك 2
انا رأيي من رأي الشباب اللي قالوا أن الموضوع يعتمد على السواق
1- التوكل على الله وضبط النفس والأعصاب والتركيز في طريقة اخراج السيارة
2- الدعس الخفيف جدا جدا جدا مع لف الطارة يمين ويسار مثل ما تفضل الأخ جوكر راح يطلع الموتر وبدون تنسيم بعد
3- اذا السواق خبرته متوسطة في البر يجب التنسيم مع الخطوات السابقة
4- اذا السواق غشيم الله يستر عليه والعشوائية في التصرف ابدا ما تنفع في مثل هالوقت
5- الدفلوك يساعد كثير في مثل هالحالة ويسهل على السواق الخروج من هذه التغريزة
6- التوتر والاستعجال في اتخاذ القرار قد يؤديان إلى نتائج سلبية حتى مع السائق المحترف
والسموحة عالاطالة
اخوكم فارس دبي
شكرا لجميع المصوتين
الغرض من هذا الاستطلاع هو الثقه المفرطه في النفس كثيرا وقد واجهتها من زملائي قبل بعض الردود الحاليه
واكبر دليل هو سيارة السنيدي رحمه الله وخويه وكانت من اقوي سيارات الدفع الرباعي ومغرز جهه واحده فقط ومع ذلك لم يستطيعوا الخروج
الارض اللي في الصوره هي ارض بيضاء ناعمه امام منفذ الربع الخالي من جهة حرض وهي ليست بعيده عن الخط الدولي باتجاه البطحاء
السياره التي ترونها هي افخم فئه من نوعها وكانت الكفرات منسمه على 5 ولم يفلح الدبل ولا الدفلوك في خروجها
والسائق كان خبير في الصحراء بشكل عام ولم يواجه ابدا هذه المعضله وكلكم تعرفونه (كوع نمله) وله عدة مواضييع وصور عن رحلاته في الصحاري
المقصد اخواني مهما كان السائق محترف ومهما كانت السياره قويه فلا تأمن ابدا الرمال والصحاري وخذ معك ما يكفيك من ماء وطعام
طبعا حصل شي طريف عندما غرزنا
الجوالات كانت شغاله وكلمنا الدفاع المدني ولم يتحرك وقال اتصل علي امن الطرق
امن الطرق حولنا علي الشرطه
والشرطه او الدوريات اعطونا ارقام سطحات وقالوا هذا اللي نقدر نسويه ولا احد من السطحات رد الا واحد يقول انا بعيد وما اقدر اجيكم
اخيرا وبعد ما يأسنا وقبل ما نكلم الرياض ونخلي احد يجينا فكرنا في اقرب مدينه وهي حرض ومعروف ان ارامكوا في حرض
كلمنا دوريات ارامكو وخلال ساعه وهم عندنا بسيارتين مهمات صعبه وسحبونا وطلعونا
لا وحلفوا علينا بالعشاء في حرض
وسلامتكم
استغفر الله العظيم من كل ذنب عظيم
أفا لازم تكون مستعد
أنا راعي مقانيص و أدخل مناطق جفر و ربابيض ما يطير طيرها و لينه مره
لكن عامل الخبره من تنسيم و دبل كبير و مناوره بسيطه و هادئه أستطيع الخروج و أحيانآ أظطر الى مساعدة maxtrax كما في الرابط التالي شريتهم من البحرين (4 قطع) ما شاء الله رباضه صبخه أهم شي لا يلزق بطن الموتر
https://www.google.com.sa/search?q=m...2F%3B600%3B621
تطلع تنسيم 10 أو اقل شوي ومرجحه
بس لازم تكون هادي جداً
صحيح
معليش اللي باين الموتر لك عليه لو ماطلع من دون تنسيم وخلافه أقرب معرض واعترف تم الضحك علا الدقون بانها مفخرة الأرض
أذكر مره في االدهنا كاشتين ورحنا نتمشى
الاول جيب شيروكي .. والسواق راعيه وانا راكب معه
لكنه مشاء الله سواق سواق بالنفود
الثاني = جيب مفخرة الارض جديد عليه حوالي خمسه يمشي ورانا .. السواق ماعندك احد
راعي الشيروكي راح يطامر ويرقا ويدور وينزل بالنقر الفناجيل الصغار يبي يقطع العرق
المهم العرق طويل وصعب جدا فكنت متعجب منه ومن ثقته بأنه يبي يقطعه
صراحة ما قدر ورجع بفن وحرفنه
لكن المشكلة خوينا جاك ورانا وفي اول اختبار هلش على جال نقره متساوي ومايل الطعس للامام
يعني مدحدر
جلسنا نحفر عنه ونجرجره من العصير لين بعد المغرب
ساعتين على شان يطلع ورفع وحاله حتى صابنا اليأس من خروجه ولكنه خرج في النهاية وبعد طلب المساعده
وسماه واحدن منا مخفسة الارض
الشيروكي مثل الثعلب يجره نزول بالنقرة ولا غرز
التايوتا لا برك برك
-----------------------
زمان كان معي جيب خيبان نيسان
وكان ولد خالتي معه فكسار ودايم يستهتر بجيبي
واجي مره بالمطر عند الثمامه واشوف جيب مغرز ومتجمعين عليه الناس
يوم جيت الا هو هو
قلت اسحبك وهو يعنفص متكبر على جيبي
ويجلس يحفر ويدفن بالطين لين صار تقول عجينه وهو كنه ميل مطرطش من الطين
يمشي قدام ورا بس في حدود مترين ولا خفس
وبعد ساعات طاح اللي براسه وقال اسحبني
بعدها انكتم
واللي عنده جيب مخفسة الارض ولا يبيه يتصل علي اجي اخذه
سبحان الله مثل ها السيا ره واخر مد يل وفخمه لقيتهم بليل ومغرزين وحا لتهم حا له وعندهم جيب حوض بعد يسحبهم وعا جز يسحبهم سبحان الله ويريد الله واسحب مع الجيب الي يسحبهم ويطلعون والحمد لله
ترى الجيوب الفخمه والله اعلم وزنها ثقيل وما هي لحيه
الذين يشاهدون الموضوع الآن: 1 (0 من الأعضاء و 1 زائر)