استفتاء للخبراء....السياره تطلع من التغريز او لا

[A502A2016]

السلام عليكم ورحمة ورحمة الله قبل لاتدخل العرق او الاماكن الي فيها غراز نسم كفراتك وانشاء الله ماتحتاج تشغل الدبل

[قـــزاز]

اعتقد ان الارض رباضه
اذا كان الموتر يتحرك لو شعره ان شاء الله طالع طالع
اما اذا كانت كما قلت رباضه فالسحب هو الحل الوحيد او وضع شيء تحت الكفرات مثل لوح او غيره

[معدني]

اذا السايق فني بتطلع القياده هي المحك في مثل هالامور ����������

[1060530985]

ارفع السيارة بعفريته وتطلع مباشرة

[ابوحيدان]

ههههههههه

فيه اسماء تحس انهم راعين بر وعلم غانم والا ادا شفت موتره
ولاكن ادا قريت رده دريت انه بزر
ههههههههههه...ملاحظتي

الجيب في هالحاله يطلع بشكل سهل
حتى في حال ان كفره يدور بووش ادا ماكان فيه دف لك يعشق الثقيل وتعكس الطاره عكس الكفر الواقف ويطلع ان شاء الله

[altamimi506]

انا اقول بتطلع بالتنسيم

[رحال3]

العمده على السواق وأنا أخوك ياما كورلات يشطفن جيوب بالنفود هههههههههههههه��

[الحااايلي]

الجيب ما لقئ سواق


تم الإرسال بواسطة iPhone بإستخدام Tapatalk

[المناعي2]

والله مشكلة ألحين أشلون بتطلع السيارة ؟؟؟؟؟؟؟؟؟؟؟؟؟؟؟

[s3ed]

السلام عليكم

الشباب كفو ووفو وماعليهم زود

عندي ملاحظه بسيطه

مرات لما نغرز تلاحظ انه السياره تتقدم للامام بس تحسها تقدم اكثر او تحس انه ماتتحرك او ترتفع بالصوره المطلوبه



طبعا بعد الاستعانه بالله سبحانه والتروي
وتنزيل الهوا

لاحظ لارض وشوف جره التربه والارض كيف

هذه الحركه تحتاج خبره وتروي


لاحظ معي اثر الرجل
رقم 1 - الدعسه عاليه واضحه والرجل ماهي مغرزه بالرمل

بعكس رقم 2 تلاحظ العمق فيها وهذا نفسه اتجاه وجه الموتر


الحل تحرك للامام وارجع للخف وحاول تعكس وجه السياره بالتدريج حتى لو تعيد الحركه 20 مره

ولكن بالتروى وعدم الدعس والسرعه ساير الموتر وخل على سرعه ثابته بأستخدام الدبل الثقيل وتحطه على الغيار ال 3

[الشنه]

يالربع فيه شي اسمه صيج وتجي بعدة أشكال وخامات مختلفه انطلها تحت الكفرات وريح نفسك

[soJwJI]

السلام عليكم ورحمه الله وبركاته
كيف حالكم جميعا ان شاء الله بخير ونعمه

ولا هان الجميع وكلامكم صحيح
وان اتكلم من تجربه
ان سبب التغريز و العلم عند رب العالمين ان هواء الكفرات اكثر من 30 واضح


افضل شيء في هذه الحالات التنسيم اول حتى لا يتورط كثير لان الكثير لا يعرف طبيعة الارض و كيف التعامل معها .
تشغيل الدبل الثقيل حتى يحافظ على الموتر ولا يتعبه.
ويحاول يقص بخفيف ويحرك الدركسيون يمين ويسار ويشوف الجهة التي يتجاوب معها الموتر لان الكثير منا يدعس دعس غير طبيعي .
ويفضل دائما اذا كان التطعيس في مكان قريب او معك مجموعة من الشباب يكون هواك 30 اما في الاوقات هذي مع دخول الصيف من 20 الى 25 .
لكن في الصيف يفضل من 15 وقد يكون اقل على حسب طبيعة الارض وهذا افضل للموتر

وتقبلو تحياتي

[مفضخ الشري]

موضوع جميل و رائع و فيه عبره تكتب بماء الذهب
راعي الموضوع رد في الصفحه رقم 4 و بقتبس من كلامه العبارة هذي

شكرا لجميع المصوتين

الغرض من هذا الاستطلاع هو الثقه المفرطه في النفس كثيرا وقد واجهتها من زملائي قبل بعض الردود الحاليه

واكبر دليل هو سيارة السنيدي رحمه الله وخويه وكانت من اقوي سيارات الدفع الرباعي ومغرز جهه واحده فقط ومع ذلك لم يستطيعوا الخروج

الارض اللي في الصوره هي ارض بيضاء ناعمه امام منفذ الربع الخالي من جهة حرض وهي ليست بعيده عن الخط الدولي باتجاه البطحاء

السياره التي ترونها هي افخم فئه من نوعها وكانت الكفرات منسمه على 5 ولم يفلح الدبل ولا الدفلوك في خروجها

والسائق كان خبير في الصحراء بشكل عام ولم يواجه ابدا هذه المعضله وكلكم تعرفونه (كوع نمله) وله عدة مواضييع وصور عن رحلاته في الصحاري

صاحب الموضوع تكلم عن الثقة المفرطه و حب يعطينا نصيحه و عبره من خلال موضوعه لكن البعض جنب عن الهدف الاساسي للموضوع و راح الى التقليل من شأن راعي الجيب و أنه غشيم و مايعرف و من هالامور تقرأ ردود البعض تحس انه مقطوع سره في عرق جهام وهو الوحيد راعي النفود و الفاهم وكأنه هو الوحيد اللي ساكن بشبه الجزيرة ولا احد يعرف تضاريسها الا هو والباقي جايين استيراد و غشمان .. هذي ارضنا جميع من الحد للحد و تضاريسها ماتخفى على احد منا و الدعوة بدال ماهي نصيحه انقلبت إلى "هياط" وانا اخو شما وانا الفلته وانا راعي النفود وانا اللي اطلع وكفراتي بها 50 وانا لو اني مكانكم لا اسوي و افعل و ازين ... الخ الخ بينما من عايش الواقع سيكون الوضع مختلف و كم من شخص راح ضحيه الثقه الزايده في نفسه و في موتره والامثله لا تعد ولا تحصى من كثرها نسأل الله السلامة ! , الرباضه ماتعرف وش موترك ولا تعرف من انت ولده ولا تعرف سنين خبرتك في النفود
خصوصاً في وقت كتابه الموضوع كما اشار الاخ في بدايه موضوعه ان التغريزة شهر 6 ميلادي يعني الجو حار و الرباضات جوعانه تبي اي موتر .. خلاصه الكلام .. أستخدم عقلك دائماً قبل هياطك في كل امور حياتك

[محمد عجاج]

والله اعلم اشوف ان هيكل ووزن السيارة له دور كبير

ثانيا خبرة السايق

وجربت سيارات قديمة وحديثة مع التغريز

فالقديمة ولو مكينة صغيرة لكن

تمر وكانك في اسفلت

ومن تجاربي ان القديم يتحمل الرمال والوعورة

[تميم2222]

وش ذا. ما غرز 😐