استفتاء للخبراء....السياره تطلع من التغريز او لا

[مدهوش]

إعذروني على التعليق وان كان فيه قسوه قليلآ :

الموضوع هذا قديم ولا زال بعض الأعضاء الكرام يعلقون عليه ونتفاجأ بين الحين والأخر يطلع لنا هالموضوع بالشريط المتحرك لأن فيه احد قام بالتعليق عليه .

يا اخوان ارجوا الإهتمام بمواضيع اهم من هذا الموضوع اللي لا يسمن ولا يغني من جوع .

خلاص تم طرح الموضوع في وقته وتم التعليق عليه وإنتهينا .

[ابوعوض اليامي]

تنسم الكفرات وتسايسه مسايس وتخلخله لين ياصل العزاز

[عابد-]

الوقايه خير من العلاج؟؟؟

[أبوبشير العنزي]

إعذروني على التعليق وان كان فيه قسوه قليلآ :

الموضوع هذا قديم ولا زال بعض الأعضاء الكرام يعلقون عليه ونتفاجأ بين الحين والأخر يطلع لنا هالموضوع بالشريط المتحرك لأن فيه احد قام بالتعليق عليه .

يا اخوان ارجوا الإهتمام بمواضيع اهم من هذا الموضوع اللي لا يسمن ولا يغني من جوع .

خلاص تم طرح الموضوع في وقته وتم التعليق عليه وإنتهينا .

أنا أختلف معاك كليا. . الموضوع مهم جداً. .ومحتاجين افكار جديدة تنير أهل البر وأصحاب الجيوب. .وليس هناك مشكلة في تحديث الموضوع نستفيد من خبرات الشباب. .

[أبوبشير العنزي]

الله يبيض وجيهكم . . وماقصرتو موضوع مهم ﻷهل البر. . التغريز من أكبر المعضلات التي تواجه أهل البر. .وفيه معلومة مهمة عن التنسيم والشباب نبهونا عنها بعد التغريز. .

عملية التنسيم تكون على الأسفلت فقط والسبب يغشك العيار وانت تنسم في النفود . . يعني اذا نسمت الكفرات على القار يعطيك العيار القراءة الصحيحة. .أما أذا نسمت الكفرات على النفود يغشك العيار ويعطيك قراءة خاطئة. . كما حصل معي نسمت على النفود وطلع عندي القراءة حول 20 ولما دخلت الطعس وغرزته طلع الكفر منسم قليل حول 27..

يرجى التنبه لهذي المشكلة. .

[صقار الهدادي]

اذا كان الموتر قير عادي حطه على الريوس وارجع خفيف ورح قدام خلك على هالمنوال لين ما تطلع

[صقار الهدادي]

توجد قطعه توضع تحت الموتر في حال التغريز او حتى التعليق اذا كنت متعلق ابد ما عليك الا تنفخ القطعه ذي وتحطها تحت الكفر , بس ادورها من زمان وعييت القاها , ياليت الي يعرف وين تباع يفيدنا

[ابو عبدالإله]

الاسبوع الماضي كنت رايح للبر الظهر ندور ضبان ومنسم الكفرات ومخليها عشرين والامور ماشيه تمام جاتنا كم رباضه والحمدلله نشد على الموتر ويطلع منها فجأة جاتنا ذيك الرباضة وشديت على الموتر لكنها كانت أقوى ومسافتها طويلة ومسكت السيارة نزلنا من السيارة مباشرة ونزلت الهواء الى ٨ تقريبا واعشق الريوس وامشي شوي ثم مشيت قدام وطلع سلاما سلاما
ابوي وعمي عطوني نصيحة وخليتها قاعدة امشي عليها بعد التوكل على الله " نسم كفرات السيارة اياً كانت صناعتها الى ٢٠ او ١٨ وشغل الدبل وامشي في البر وانت مريح موترك بدل ماتجور عليه وان طحت في غراز قوي انزل ونسم الكفرات زود وخلها ٨ أو ٥ واحيانا تحتاج تشغل الدبل الثقيل واحيانا لا وتطلع سيارتك بدون لاتتعب نفسك ولا تكسر موترك وقبل لاتطلع على القار ارجع زود الكفرات هواء وتوكل على الله .

[alsahli]

نسم ومع الدبل بتطلع

[أبوحور]

يطلع بدون سحب

[طلال مكشاتي]

لازم تنسيم
تم التصويت

[محمد ابن عيد]

آلموتـر قوي ماشاء الله
نسمله بس ريحه و يطلع ع طول
و برح للكفرات من وراء شوي
و باذن الله يطلع

[بوراجح2011]

الواضح من الصوره ان التغريزه عاديه والدعاسه الجانبيه رفيعه عن الارض
وهذا دليل ان بطن الموتر ماتعلق
فلذلك الحل تنسيم الى ١٠ + الدبل الثقيل ويطلع ان شاء الله
خصوصا انه موتر ٨ سلندر ماشاء الله

[mamool]

ماشا الله لاحول ولا قوة الا بالله

[Skr1405]

والله اني مغرز مثل كذا بسياره سيدان بشعيب البساتين ونسمت كفراتي على 10 وقدام وراء مع تبريح اللي قدام الكفرات شوي وطلعت الحمد لله بدون مساعده ..
اتوقع الجيب يطلع من هاذي بدون اي مساعده فقط تنسسيييييم كفرات