السلام عليكم
اخباركم يالربع ظهرت لي علامة الحساس للكفر ومكتوب فيها tire sensor full
ونفخت ونقصت في الهواء ولا فاد
اذا الحساس خربان كيف اعرف ومن ووين اشتري الحساس وكم سعره ؟!!؟
اسف ع الاطاله
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم
اخباركم يالربع ظهرت لي علامة الحساس للكفر ومكتوب فيها tire sensor full
ونفخت ونقصت في الهواء ولا فاد
اذا الحساس خربان كيف اعرف ومن ووين اشتري الحساس وكم سعره ؟!!؟
اسف ع الاطاله
علامة تلف الحساس هوعدم قبول البرمجة
شوف اي مركز صيانة لفورد او البيان واعمل برمجة
والعامل راح يقولك اذا الحساس سليم او يحتاج تغيير
الحساس يباع عند الوكيل فقط
اشتريته من فترة
السعر تقريبا 160 ريال ما اتذكر بالضبط
اذا اشتريته تحتاج بنشري يركبه لك ثما شوف الصيانة او البيان علشان البرمجة
انا اخذت حساس الكفر اصلي من المحل للاكسبلورر 2008
ب220 ريال وركبته عند البنشر
ورجعت للورشة وبرمجه
وظبطت الامور
لكن فيه طريقة
حساس مستوى الكفر
برمجته سهلة لاكن ممكن تتعبك خصوصا لو عندك مسجل غير مسجل الوكالة
1- افتح السوتش وقفلة لعدد 3 مرات متتالية
2- اضغط على دواسة الفرامل واتركة بشكل سريع
3- افتح السوتش وقفلة لعد 3 مرات وخلية بالمرة الثالثة بوضع الفتح
راح تسمع البوري يدق عندك دقة واحدة
وتظهر بالشاشة عندك اشارة لبرمجة الكفر الامامي يسار LF
تحتاج لمغناطيس قوي وصغير تحطة في مكان حساس الكفر بالعادة يكون مواجة البلف
في حال قبول البرمجة يدق عندك بوري لمرة واحدة وتنتقل للكفر الثاني مع عقارب الساعة
لما تكتمل ال 4 كفرات راح يدق البوري عندك مرتين متتالية وبذالك يكون الحساسات تعرفت على السيارة وتبرمجت وتختفي الرسالة من عندك
لاحظ ان عملية البرمجة هذي تحتاج تسويها لو غيرت الحساس او انفك الحساس من مكانة
البرمجة هذي في الوكالة مجانية
ممكن ماتقبل البرمجة في حال غيرت مسجل الوكالة او سويت عليها اي تعديل او اضافة كونه يستخدم نظام ترددي عبر المسجل للاتصال بالحساس
اذا انت من جدة راسلني خاص مرني اسوي لك البرمجة مجانا
الذين يشاهدون الموضوع الآن: 1 (0 من الأعضاء و 1 زائر)