العثور على سيارة المفقود في صحراْ سعد

[falcon449]

الله يجزاكم خير وبيض الله وجهكم

[abomajed]

نفخر بامثلاكم...
كيف يتم التواصل معكم..في حالات بحث لا سمح الله

شكري وتقديري

[مطاع شمس]

الونش ماينفع لا عمود ولاشجر عندك

[ابن حلاسه]

الونش ينفع عادي بحيث انه يحفر للاستبنه ويربط الواير فيها ويدفنها ويشغل الونش وبيطلع باذن الله

اثابكم الله وجزاكم الله خير الجزاء

[النسرالعالي]

بيض الله وجيهكم جميعا

[كاتم الغيظ]

انا سمعت أن السياره معروف مكانها مسبقا

بس يمكن قالو لصاحب السياره تكفى ودنا نطلع بالصحف الالكترونيه والمنتديات عشان نبحث عن طلبه للتدريب لان مافي زبائن وبعض اعضاء الفريق يمكن غادرو

ههههههههههههههههههههه

ياشين الترزز بالصور ودعايات الصحف الالكترونيه مالها داعي نهائيا

خاصه اذا كان الواحد يحط أسمه على الصوره مثل اللي يقول شوفوني أمدحوني .

والبعض شيبان وأعمارهم فوق الستين والبعض توهم منظمين بعد زعل سنوات .

اللهم لك الحمد والشكر

[احمد الفضلي]

السلام عليكم ورحمة الله وبركاته
معكم صاحب السيار المفقوده اللي ضاع فيها احد اقاربي واشكر فريق مدرسة سماء السعودية للطيران الشراعي لتجاوبهم وفزعتهم فزعه الاجهزه الحكوميه ما قاموا فيها واللي خلاني اشترك بالمنتدى يوم قريت رد كاتم الغيظ وهو ماله من اسمه نصيب هذا طافح من الغيظ السياره اللي يقول اني اعرف مكانها من قبل قعدنا 5 ايام ندورها وما لقيناها بعد مالقينا خوينا الين الله جابلنا هالذيابه وفزعو وطارو فجر الجمعه ومسحو العروق لين لقاها الطيار عبدالله الكريزي اشكره واشكر اعضاء الفريق وقريباً راح انزل شكر لهم بسبق انشالله
واستغرب من بعض الناس اذا ما عنده خلفيات الموضوع ليش يكتب وبشكل غير لائق
لكن اللي اقوله للفريق القافله تسير.......... وتعرفون تكملتها وهذا رقم تلفوني للي يبي يتاكد اني صاحب السياره ان بغى استفسار ولا يبي يشوف 0555123551

[ألنشمي]

الحمد لله الي انجاه.
والشكر لله الي صخر هالمعدات لرجال عندهم نخوه وحب عمل الخير.
اخوي احمد
اشكرك جزيل الشكر للتوضيح ودحظ المشككين

[وارف الظلال]

الحمدلله على سلامته
وبيض الله وجيههم اعضاء المدرسة فردا فردا
والله لا يحرمهم الآجر في اخوانهم

[بوسزز]

بيض الله وجهك اخوي احمد الفضلي
كفيت ووفيت

[احمد الفضلي]

اشكركم عالمرور وبياض الوجه للفريق واقل شي اقدمه لهم اني ابعد اي مشكك في مجهودهم اللي قدموه ويعلم الله اني واجهتلي فريق رجاجيله نفوسهم خفيفه وهمتهم وعزيمتهم قويه ورجاجيل تنشرى معرفتهم واتمنى من الاجهزه المعنيه بوزارة الداخليه تتفاعل مع مثل هالاحداث ربع تفاعلهم كان حنا بخير

[كاتم الغيظ]

عثر طياري مدرسة سماء السعودية للطيران الشراعي على سيارة مواطن فقد سيارته بعد أن تاه في صحراء سعد وتركها عالقة في الرمال هناك .
وفي التفاصيل ان صاحب السيارة المواطن سعود عبدالرزاق الفضلي والذي كان يقود سيارته الشاص منتقلا من موقع مخيمهم الى موقع مخيم اخر ، وضل طريقه في نفود سعد ومن ثم حاول الاتجاه الى مصدر انوار سعد ، ولكن الحظ لم يحالفة ، حيث تعلقت سيارته في الرمال فقرر مواصلة مسيرته على أقدامه تاركا السيارة خلفه ، وبحمد من الله ومنته وصل الى سعد بسلام ، ولكنه أضاع موقع سيارته وجرى البحث عنها منذ اربع ايام ولكن لم يعثر عليها ، مما اضطره الى الاتصال بأحد اعضاء مدرسة سماء السعودية للطيران الشراعي
-------------------------------------------
أخي العزيز الفضلي

الحمد لله على السلامه وحصولكم على السياره

ثانيا
ردك فيه نبرة زعل وأندفاع بس ماعرفت الزعل عشان الموضوع ولا عشان فريق سماء ولا عشان الكابتن المذكور ههههههه

ثالثا
أنا طالبك أستعجل بتنزيل الشكر بصحيفة سبق لفريق سماء ودنا نشارك بالشكر لهم
يستاهلون المنقذين يستاهلون ههههه..


رابعا

أنا أقول جزاك الله خير طال عمرررررك وسامحنا أنا ماشكرنا فريق سماء ومعداته

[كاتم الغيظ]

مشاركات: 17
التقطت عدستي طائر شراعي امس الجمعه في نقرة 10 10 في الزلفي
المشاهدات: 4,561
أرسلت بواسطة بوسزز
رد: التقطت عدستي طائر شراعي امس الجمعه في نقرة 10 10 في الزلفي

احييك اخويي ابومشاري

ونراك على خير وسلامه

ابومازن

[احمد الفضلي]

الله يسلمك
والله يالاجودي الكذب والكلام اللي مصادره مشبوهه على رجاجيل فيهم خير واهل فزعه يزعل
وردودك هذي اكيد من شي فاطر كبدك
اوما الشكر انشالله بينزل وغنيين عن شكر اي نقص دور غير هالفحول تذمهم ان بغيت كلهم والا احد منهم
لكن نصيحة لوجه الله ما يخلي الرجال ناقص الا شغلتين البخل والكذب
واتمنى من ادارة المنتدى اتخاذ قرارت حاسمة للمشككين والمغرضين في كتابات غير لائقه لمواقف رجال قامو بعمل يعتبر دعم للمواطنيين

[كاتم الغيظ]

والله يالاجودي

لو تعطي كل واحد منهم هديه جيب موديل 2013 أنه أبرك من التعليقات اللي تزعل

وأنت تعطي وهم يستاهلون