تفتفه الباترول

[(( الذيب))]

أخواني السلام عليكم ورحمة الله وبركاته
عندي مشكله فالباترول
الموديل99 بخاخ 4500
المشكله بأختصار ان الموتر في تفتفه شديده فالقومه وفي الطلوع والرمل عزمه يضعف
كشفت عليه كمبيوتر وقالوا لي حساس توكلنا على الله وشريناه ب1250 هيتاشي يقولوا نفس الاصلي بعد ماركبت الحساس الجديد صار فالمشي يجيب 190 سلام سلام
بس التفتفه لازالت موجوده والتفتفه بس يوم امشي ببطء ولا لا استلمت الخط خذ ولد
تكفون ربعي يا هلي

[sgl2002]

طيب خرطوش الهواء به شقوق
وطرمبه البنزين والصفايه متى مغيرها

[أبو رائد الحربي]

شيك على ليات الهواء واسلاك البواجي

[المميـز]

:

ينقل للخيمة المناسبة

:

[(( الذيب))]

والله ياحبايبي مغير خرطوش هواء جديد وبواجي جديده وطرمبا بنزين جديده وصفاية جديده
على كل حال التفتفه ما هي من البنزين
البلاء انه فيه مشكلة في حرق البنزين حيث ان صرفية البنزين زادت

[روق الرياض]

السلام عليكم
اذاكان هوالي غيرته حساس الهواء حلووو لان الضعف العزم من حساس الهواء
عندك شغله ثانيه الي هو القاز عب 5لتر منه وبعدها فلل الموتر بنزين ومسك خط من ١٠الي ٢٠ ون شاءالله يبي يضبط موترك دور القاز يحرق الترسبات المتواجده في المواصير وليات البنزين
طبعآمن واقع تجربه
وشكرآ

[خيال سهيل]

السلام عليكم
اذاكان هوالي غيرته حساس الهواء حلووو لان الضعف العزم من حساس الهواء
عندك شغله ثانيه الي هو القاز عب 5لتر منه وبعدها فلل الموتر بنزين ومسك خط من 10الي 20 ون شاءالله يبي يضبط موترك دور القاز يحرق الترسبات المتواجده في المواصير وليات البنزين
طبعآمن واقع تجربه
وشكرآ

عندي نفس المشكله حبيت اسئلك 10 الى 20 كيلو بس وكم السرعه
وفيه واحد نصحني يقول فلله وحط علبت زيت فرامل وامسك خط وعط الموتر لين يفضي التانكي وبعدها يختلف عليك الوضع اهم شي الزيت اصلي ابوعلبه حديد الاول
وشرايكم في هالطريقه احد جربها

[اسدهم]

انا جربت القاز وا ..والله راحت وجلست فترة فوق 6 شهر وهمين انتكس مدري الموتر ادمن علا القاز او مدري ..بس مازال البحث جاري عن وضع التفتفة الي عندي مهيب واجد تحصل عند وقوف الموتر من خط او من مشوار وطفيت بصلي او نازل البقالة في عشر دقايق. فقط

[خارج النص]

تعليق على بعض ردود الاخوان

القاز و زيت الفرامل لهم سلبيات اكثر من الاجابيات

لكن يا شباب الديزل هو افضل علاج للتنضيف بحيث ينضف ولا ياثر على
الليات وجلد البلوف حتى اي حديده تواجهه ينضفها برضوه
لانه غني بالماده اللزجه


واسف على مقاطعة موضعك اخوي

[hassan-55]

وانا بعد التفتفه جننتني
مشكلتي لما يفصل المكيف تجي التفتفه وفي رجه خفيفه بالموتر

ماخليت شي ماسويته
نظفت الثروتل والحساسات
وغيرت فلتر الهواء اصلي
وغيرت البواجي اصلي
وحطيت المعالج متسوبيشي اللي ذكره الاخ اصيل
وغيرت البنزين ل 95 تقريباً زاد عزم الموتر
اللي لاحظته بعد ما انظف الثروتل تخف التفتفه وبعد يوم او يومين ترجع


الله ييسر امرنا وامركم وامر كل مسلم..

[(( الذيب))]

ابشركم صلحنا التفتفه
والمشكلة كانت في البواجي
رغم اني مغيرها جديده من الوكالة

[العطاوي a511]

والله ياحبايبي مغير خرطوش هواء جديد وبواجي جديده وطرمبا بنزين جديده وصفاية جديده
على كل حال التفتفه ما هي من البنزين
البلاء انه فيه مشكلة في حرق البنزين حيث ان صرفية البنزين زادت

غير حساس الشكمان المسمى حساس الاكسجين كان عندي صرفيه البنزين التانكي الكبير يمشي 350 كيلو بس

غيرت حساسات الشكمان بعد بحث مطول بالنت شريت الحساسات الواحد 240 ريال

التانكي يمشيني الان 480 كيلو فرقت 130 كيلو ولاتنسى تنظف مدخل الثلاجه اللهاه

[العطاوي a511]

ابشركم صلحنا التفتفه
والمشكلة كانت في البواجي
رغم اني مغيرها جديده من الوكالة

غيرت بواجي مره ثانيه ولا كيف فصل لنا الحل لعلنا نستفيد منه مستقبلا