عملاء شركة المتحده والمعناه التي لاتنتهي

[موفق العنزي]

يا اخوان السلام عليكم ورحمة الله وبركاته

الحمد لله على كل حال قدر الله وان تعرضت لصدمه من على الرفرف الايسر المشكله والمعاناه ليست مع الصدمه المعاناه مع الوكيل الذي لايملك موظفين على قدر من المسئوليه سوء معامله وسوء استقبال وعدم توفير القطع وانا صار لي يومين على قطع طلبيه كلها من الرياض شئ يكنسلونه الرياض وشئ يفقد وشئ غير موجود وشئ في الطريق وشئ يرفع الضغط والله العظيم اني كرهت اليوم اللي شريت فيه السياره غراند شروكي اوفر لاند مبلغ وقدره والخدمه كأنك مشتريلك سياره ايرانيه او صينيه وموظفين احس انهم سباكين بس لا بسين كرفتات مع احترامي لمهنة السباكه

[العقاب السوري]

والله يا اخي انا وقعت بنفس المشكلة مع فرع المتحدة في جدة..شهرين لوصلت القطعة وكل ما اروحلهم يقابلونني بعدم مبالاة ومسؤولية وكاني اشحد القطعة منهم ببلاش...ناهيك عن اسعارهم الغالي وهامش ربحهم الفظيع...حسبنا الله ونعم الوكيل

[سيف وقلم]

خذ منهم ورقة طلبية أو أي شئ يثبت إنك طلبت من عندهم، إذا ما وفروها دق على وزارة التجارة، بس أهم شئ معك شئ يثبت إنك طالب القطعة.

[1824]

صحيح كلام سيف وقلم القطع مالم يتم توفيرها خلال اسبوعين بحد اقصى بلغ وزارة التجارة مع اثبات الطلبية وما تشوف الا كل خير

[أبو نقزه]

مثل هذي المواضيع تبقى مرجع لكل شخص يفكر يشتري من هذا الوكيل

الوكيل ماتمادى بهذي التصرفات الا انه لقي ناس تشتري من عنده

حملة مقاطعه على هذا الوكيل سوف تنهي اجله

[mohamed alurf]

خذ منهم ورقة طلبية أو أي شئ يثبت إنك طلبت من عندهم، إذا ما وفروها دق على وزارة التجارة، بس أهم شئ معك شئ يثبت إنك طالب القطعة.

حتى لو معاه ورقة طلبيه مارح يقدر يسوي شي
انا دفعت قيمة طلبية وقالولي تعال استلم بعد شهر ولما رحت قالولي تم استلام الطلب
طيب وقروشي وينها قال ماعلينا مكتوب في الحاسب انك استلمت الطلب وراحت علي ايش اسوي

ومره ثانيه طلبت قطعه وكانت القديمه معي ورقم الشاسيه كمان سويت طلبية وبعد شهر جت القطعه مالها دخل في الي طلبتها وينتح الموظف ويقول انت طالب هاذي