السلام عليكم ورحمة الله وبركاته
أتقدم بالعزاء لعائلة السنيدي والى اسرة مكشات في وفاة الأخ ماجد السنيدي
أسأل الله ان يتغمده بواسع رحمته
ياأخوان انتبهو لازم لازم لازم ماتغفل عن هالامور اذا كنت بتطلع بر :
1< جهاز قارمن
2< جهاز آيكوم أو كنود مراسله لاسلكي واللي يقول مايعرف ترا كلنا كنا مانعرف وبعض الشيبان مايقرا ولا يكتب ويستخدمها
3< اذا تعطل موترك أو غرس وراسلت بالايكوم مثلا صاحب حلال مامعه قارمن وانت ماعرفت تحدد او توصف موقعك بلغه أنك بتطلع استبنة موترك وتشب فيها وقله يناظر بالدربيل لين يشوف عمود الدخان ويجيك
4< اذا تعطلت او غرست ولا حصلت احد على جهاز المراسلة ترا الجوال فيه رقم 112 للطوارئ يشتغل بدون ابراج وحتى بدون شريحة اتصل وعطهم احداثيتك ويجونك بإذن الله
ياأخوان ركزو على الاجهزه هذي تراها مهمه مهمه مهمه جدا جدا جدا ولاتنسون الرقم 112 حق الطوارئ
أسأل الله لي ولكم السلامة وأن لانرى مكروه في من نحب
وصلى الله على نبينا محمد وعلى اله وصحبه وسلم