كم السعر الطبيعي لكيلو عسل السدر البلدي ؟

[فرحان مدهش]

أحيانا لو تبيع من ألف ريال الكيلو مايخارج معك من التعب طوال السنه للموسم وتدفع ايجار للمواقع في السدره ويمكن يطلع الموسم ضعيف وعسل قليل وتتنقي العسل الي ماهو من السدر مثل الضهيان والسيال وغيرها خلوها على الله بس اربع ميه زينه انا أبيع على خمس ميه وزبايني يحجزون من قبل السدره احيانا اعتذر لعدم وفرت العسل

[الشامي55]

بس وين العسل الاصلي والله تعبنا من الغش في العسل ولو الاقي عسل اصلي طبيعي اشترية لو ب1000 ريال ميهم السعر يهم المظمون

[فياض الربيع]

انتي عطني عسل سدر ١٠٠٪ طبيعي وادفع فيه اللي تبي العسل الطبيعي مايبيعه راعيه تلاقيه ياكله

[الرحال الجنوبي]

اسعار العسل كغيره من السلع شملتها الزيادات ولذلك اسباب منها
زيادة رواتب عمال النحل من 300 و 400ريال قبل العشر سنوات ل 1200 إلى 1500الآن
زيادة اسعار السكر وهو مغذي اساسي للنحل في مواسم الجفاف .
زيادة اسعار الخلايا
زيادة اجور النقل
قلة انتاج النحل للعسل المضمون بسبب كثرة المناحل وندرة الغطاء النباتي الكافي واستمرار الجفاف بسبب قلة الامطار مما يهلك النحل ويضعف الخلايا وتعرض الازهار في المواسم للآفات .
والعسل المضمون من السدر الصافي من النحل البلدي يستاهل الاربع مائة ريال ولا ارى ضررا بهذا السعر لا على البائع الأمين ولا على المشتري ان شاء الله .

[درة العسل]

حقيقه اسعار مبالغ فيها واستغلال لحاجة الناس للعسل للعلاج
المفروض لا يتعدى سعر كيلو العسل اكثر من مائه وخمسون ريال
لدرجة انك اذا وجدت عسل قيمته رخيصه شككوا في انه مغشوش
ملاحظه : عارف انني سوف اهاجم من اصحاب المناحل ولكن هذا رأيي واتركوا لنا حريت التعبير

العسل البري السعودي لاتقل قيمته عن 300 ريال جملة اعني السدر
وانا اتاجر بالعسل فكم تريد ان ابيعه وقد دفعت فوق 300 ريال قيمة فحص ب450 وخذ بالاعتبار النقص الذي يحصل عند التعبئة + ايجار المحل + قيمة العبوة+ وراتب البائع
ومع هذه النتيجة نبيع الكيلو الواحد 400ريال وخذ انتقاد من كل حدب وصوب بالغلاء

[Sweet Honey]

مشكورين على مروركم يا اخوان ما قصرتم ...لا خلا ولا عدم ...

يعني اقدر اقول ان السعر الطبيعي والعادل لكيلو عسل السدر هو 400 ريال !

جزاكم الله خير وبيض الله وجيهكم ..

تحياتي

[يحيى عاتي]

السلام عليكم يا اخوان ان شاء الله بيكون عندي عسل سدر صافي من جيزان وهذا رابط الاعلان

http://www.mstaml.com/section/item.php?i=1697812

[يحيى عاتي]

بس وين العسل الاصلي والله تعبنا من الغش في العسل ولو الاقي عسل اصلي طبيعي اشترية لو ب1000 ريال ميهم السعر يهم المظمون

هلا بك اخوي عندي عسل السدر بعون الله اذا زاد عندي هذا الموسم ابشرعشان فية حاجزين وذي السنة الموسم مخوف شوي في الانتاج وهذا رابط اعلاني عن العسل

http://www.mstaml.com/section/item.php?i=1697812

[يحيى عاتي]

انتي عطني عسل سدر 100٪ طبيعي وادفع فيه اللي تبي العسل الطبيعي مايبيعه راعيه تلاقيه ياكله

هلا وغلا اخوي ايه والله فية طبيعي مليون بالمية من جيزان من جبال الريث تحديدا وهذا رابط اعلاني عن عسل :http://www.mstaml.com/section/item.php?i=1697812

[خشاب الديره]

السلام عليكم
وصل سعر العسل عندنا في المدينه المنوره 1000 ريال

[فياض الربيع]

هلا وغلا اخوي ايه والله فية طبيعي مليون بالمية من جيزان من جبال الريث تحديدا وهذا رابط اعلاني عن عسل :http://www.mstaml.com/section/item.php?i=1697812

يحيى كم السعر وترى ابغى العسل للعلاج وانا موجود بالرياض

[محتسب999]

السلام عليكم
وصل سعر العسل عندنا في المدينه المنوره 1000 ريال

يا خوي راع المدينة أطلب منك توضح ما يلي:
أولا : نوع العسل :
1- سدر
2- سمر
3- طلح
4- جبال الفقرة
5- عسل خلايا
6- عسل ربيع
7- ...
ثانيا : مكان أنتاج العسل:
1- المدينة
2- الجنوب
3- حائل
4- القصيم
5- الشمال
6- ...
ثالثا : المحل
1- سوق العسل
2- هيبر بنده
3- محل عطارة
4- ....
أما بخصوص أسعار العسل:
بالنسبة للطلح بالجملة500كيلو من ( 210 - 290) ريال, بالكيلوا( 350-7-500)
بالنسبة لسمرة المدينة ( غير موجودة السنة هذي ) لأسباب يعرفها النحالين.
بالنسبة لعسل الربيع ( أ.هار ربيعية +تغذية لتقوية النحل ) ( 100 -- 100)
بالنسبة للسدر ( ما أدري )

[يحيى عاتي]

اعتذر يا اخوان العسل خلص كان محجوز كامل ... وتقبلوا خالص تحياتي ولمن يرغب في عسل سدر إن شاء السنة القادمة في شهر محرم 1436 هـ بسبب ان عسل السدر ينقطف في السنة مرة واحدة ...

واذا رغب احدكم في عسل الشوكا إن شاء الله شهر خمسة عربي من هذة السنة .. ولكم كل الود والتقدير

[يحيى عاتي]

يحيى كم السعر وترى ابغى العسل للعلاج وانا موجود بالرياض

العسل خلص يالغالي اعتذر منك ...

[bazoka]

سبحان الله وبحمده سبحان الله العظيم