دقه في الجير عند التبديل من الاول الى الثاني فورد اكسبيديشن 2010

[الخيال الواقع]

السلام عليكم ورحمة الله وبركاته

كل عام والجميع بخير وصحة وسلامة وعيد اضحى مبارك على الجميع

عندي عدة استفسارات ربي يسعدكم ويوفقكم

- سمعت اليوم دقه غريبه في الجير اول مره اسمعها الى درجة ان الدقه تزداد مع الوقت ويزداد الصوت وكانه صوت شيء ينكسر والصوت فقط اثناء تبديل الجير من الاول الى الثاني فقط بعدها طبيعي يعني لما اخفف او اكون واقف واحرك واثناء التبديل يخرج الصوت

- نصيحتكم في اكتشاف العطل وهل تنصحوني اتوجه الى الوكالة مباشرة او اقرب ورشة قريبه عندي في الاحساء
مع العلم يوجد لدينا مركزين صيانه هنا واحد لوكالة الملحم فورد وتوكيلات الجزيرة

- او تنصحوني بالتوجه لاحد الورش المخبورة خاصة لمن خاض نفس المشكله

- متى تفتح الورش خاصه اننا في اول يوم من عيد الاضحة المبارك اعاده الله علينا واياكم اعوام عديده بصحة وعافية ورضى من عنده

- السيارة فورد اكسبيديشن 2010 4*4

اتمنى اشوف اجابة عاجله لاهنتوا

والله لايحرمكم الاجر

اخوكم ابو عبدالرحمن

[m3ax]

روح الملحم وخلهم يغيرون زيت القير مع الفلتر وتنتهي المشكلة ان شاء الله

[الخيال الواقع]

تسلم اخوي m3ax على اهتمامك وتجاوبك

يعني افهم من كلامك تنصحني بورشة الملحم

لانو من خوفي فكرت اودي الموتر الرياض في ورشة البيان الجديد

شكرا لك اخي الغالي واتمنى انو المشكله تكون كما ذكرت

وياريت تفيدني بموعد فتح الورش بعد العيد اذا عندك خبر

[الخيال الواقع]

للاسف وديتها ورشة وقالوا المشكله في ترس بين القير والدبل ونصحوني اوديها لوكالة الملحم

ويش تشورون علي لاهنتوا والان ابوديها للوكالة وابشوف وش يقولون

[m3ax]

قلت لك ياخوك خل عنك كذبهم وروح الملحم وخلهم يغيرون لك زيت القير وترى الورش كلهم كذابين

الملحم ممتاز وخبرته كبيرة في الفوردات

[الخيال الواقع]

هلا وغلا بك اخوي

موظف من الملحم دق علي المغرب يقول القير مافيه شي وان شاء الله الامر بسيط

وبكره بيعطوني العلم الاكيد وتفاصيل المشكله

وبيض الله وجهك على حرصك ومتابعتك يالغالي

وان شاء الله بكره ابكتب وش يصير والله يكتب كل مافيه خير وصالح

تقبل شكري وتقديري ربي يسعدك

[سحايب صيف]

ما كتبت وش صار معك

ننتظر التفاصيل

[الخيال الواقع]

اعتذر شديد العذر لعدم متابعتي للموضوع عن غير قصد ولظروف انستني الموضوع

ولكن لايمنع ان اذكر ماحدث للفائدة لمن تمر عليه نفس المشكلة

الصوت بصراحة مانيب عارف اوصفة بالضبط

لكن كل يوم عن يوم يزيد الصوت

كانه فيه شي ينتل او ينجر بقوه من الترس يبدا خفيف وينتهي قوي كانه صوت مخرطة او تقول واير او سلك او سيم ويصير مثل الاحتكاك يهز الموتر كانه ينتع

والحمد لله كان الامر بسيط مثل ماذكر الغالي الاخ معاكس وقلوا لي وايرات الدبل وغيروها وتقريبا كلفت حول اربعمئة ريال

وسبحان الله تكررت برضوا السنه هذي نفس المشكلة من شهرين تقريبا وصلحوها بنفس الطريقة

واعتذر مرة اخرى لكم جميعا على التاخير

[الزافر]

كان عندي نفس المشكله طلع واحد من اسلاك الكويلات يفوت كهرباء
يعني اسلاك الكويلات والكويلات والبواجي مهمه في تنضيم الكهرب وحركة المكينه والجير ولخبطة التغييرات

[راكان شقراء]

وين ورشة الملحم فيه
باي صناعيه بالرياض
واذا ممكن وصف مكانها اكون شاكرا لكم