رايكم يأهل الخبره ( محتااااار بالحيل )

[كسول]

بسم الله الرحمن الرحيم

السلام عليكم ورحمة الله وبركاته

الى جميع الإخوة الافاضل

عيدكم مبارك وكل عام وانتم بخير
وتقبل الله منا ومنكم صالح الاعمال
::::::::::::::::::::::::::::::::

استفساري هو عن شراء سيارة ومحتار بين
أيسوزو غمارتين دفرنسين او هايلكس غمارتين دفرنسين
موديل 2014
ناس تقول خذ أيسوزو وناس تقول هايلكس !!!!
وش رايكم ؟؟؟
جزاكم الله خير
محبكم
ابومحمد

[أبو الوليد 14]

عليكم السلام ورحمة الله وبركاته
بالنسبة لي اشوف الايسوزو افضل
من عدة نواحي :
قيمة السيارة
مواصفات السيارة
صرفية ( الديزل معروف انه اقل صرفيه )

طبعا الحجم قريب من بعض
العزم يقول لي صاحب ان الايسوزو نشيط وانشط من الهايلكس عن تجربة ....لكني ااشوف ان الهايلكس نشيطة وان كان فيه فرق اعتقد انه بسييط
توفر قطع الغيار من صالح الهايلكس بما انه تيوتا
اسعار قطع الغيار لا اعلم


علما ان لم امتلك واحدة من السيارتين

افضل انك تنقل الموضوع لخيمة السيارات وتجهيزاتها احس انه متوزي هنا

[كسول]

تسلم أخي أبا الوليد 14
ما قصرت بيض الله وجهك

[yes999]

اخ كسول اشتري جاري هايلوكس 2013 واشتريت ديماكس 2013 - وجاء يوم وجرب جاري الديماكس - لان الهايلوكس اتعب ظهره من التنطيط غير صرفية البنزين - وتحسف وقال ياريتني اخذت ديماكس - وللعلم الهايلوكس الفل كامل بالدبل 104 بالوكاله وبالحجز وبرا بالمعارض 110 الى 115 الف = والديماكس يكلفك فل كامل 92 الف الى 94 الف .. واستخير وبالتوفيق

[كسول]

بارك الله فيك وماقصرت
جزاك الله خير أخي الغالي

[القصير111]

أنا استخدمت الهايلوكس 2012 لكن غمارة طبعآ دبل

والله لو يقولوا بلاش ما آخذها مرة ثانية
غير مريحة
في الصحراء أو مع المطب القوي القير يفلت
شي يعور القلب تحس انك راكب صيني ياشيخ

والله ما أدفع فيها ريال
الحمدلله إني بعتها

اﻵن ناوي على ميتسوبيشي غمارتين دبل

لكن القهر ان 6 سلندر مايجي غير أوتوماتيك

أتمنى إني أفدتك

[أطلال نجد]

إذا رغبتك ديزل لا تعدى الآيسوزو

إذا رغبتك بنزين هايلكس


و أنا لو كنت في مكانك أخذت ميتسوبيشي l200 الجديدة


محرك 6 سلندر بقوة ٣.٥ لتر أفضل من الآيسوزو و من الهايلكس و سعره تقريباًًًًً ١٠٠ ألف


لكن قطع غياره غالية شوي


بالتوفيق ،،،

[yes999]

الديماكس اكثر انتشارا واكثر اعتماديه -و يعني قطع غيار متوفره - وهذا المطلوب - افضل من الميتسوبيشي - نجم البيك اب الديماكس وسيغيب نجم الهايلوكس قريبا معه ..

[أطلال نجد]

قطع غيار الميتسوبيشي متوفرة مثلها مثل التويوتا لكن الأختلاف أن فروع ميتسوبيشي قليلة مقارنة بانتشار التويوتا