خط للفتك صالون 2007 ابيض

[آبوعزآم]

السلام عليكم ورحمة الله وبركاته

يا اخوان الله لا يهينكم فزعه ...

معي باترول صالون 2007 فتك ابيض خليجي ( خط فضي ) او رصاصي ورصاصي غامق
قدر الله علي وصدمت صدمه خفيفه من جهة يسار خلف السواق الباب
المهم حصلت باب من التشيلح وركبته لكن ابيض بدون خط

انا الحين ابي خط يا اخوان الله لا يهينكم
الخط رصاصي رصاصي غامق سخييييف كانه الخط الاحمر السخيف ..

ماحصلت له خط ابدااا بكل مكان .. جدة وعرعر والقصيم والرياض
ودورنا بدبي عن طريق احد الاخوان ماحصل ابدااااااا نفس الخط
ياجماعه وين احصل هذا الخط ؟؟







ساعدوني الله يجزاكم خير

[التعـ King ـديل]

هذا الخط اعتقد انه مب 2007 اعتقد انه حق ال 2005 او 2006 الخليجي

ولا انصحك تدوره لانه غير مرغوب علشان كذا غير متوفر مالك الا الوكاله فقط

[آبوعزآم]

2007 يابوي..
وغير مرغوب بس انا عندي كامل الا قطعة الباب فقط
ودي اكمله بس عشان يكمل الجنب مضبوط
والوكاله ماعندهم شي ياغالي

طيب شرايك؟

[الحر النداوي1]

الحل طوال الله عمرك تنزل االغرابي فيه محل يفصل استكرات يفصل لك الخط ولباب واحد ماهو جنب
وﻻ خذ الخط كامل من اﻻمارات اذا تبي اشوفلك بكم عندهم ابشر

[فتك08]

ياخي الوكيل يؤمن لك أي قطعة غير موجودة بطلبها من اليابان اذا ماهي عنده بالمستودعات
أجل وكيل على وش؟
شف الحمراني اذا لازال باقي عنده...و إلا رح للعيسى لأنه إستلم الوكالة رسميا
و إذا ماحصلتها قل لهم يطلبونه من اليابان...عادي من أبسط حقوقك

[آبوعزآم]

والله يا اخوان اذا موجود بالإمارات ياليت يالحر النداوي تشوفه لي .. اكون لك من الشاكرين
لأني وصيت اكثر من شخص مايحصلون الا ( ذهبي ) وانا ابي نفس الي بالصورة فضي فضي غامق ..

وكيل العيسى وكيل طل .. بس مسمى يارجال مواترهم اغلبها ماعندهم قطع غيار لها ..
والوكيل يقول ماعندنا والموضوع طويل المهم مامسكونا علم ..

[nejjer]

اتصل على وكالة المسعود بابو ظبي وعطهم رقم الشاصي وقلهم خط الفل كامل الرصاصي وهم يطلبونه لك

[بن نويشر]

يا خوي لا تلف ولا تحتار وتتعب نفسك ، شف لك ورشة مضبوطة وخلهم يرشون له لك بويه ، او شف لك استكر أي استكر بس يكون عريض شوي واطول شوي ممكن تلقى يا حق هايلكس المهم وخلهم يقصون لك قص نفس المقاس المطلوب ويرشونه لك نفس البويه وصلى الله وبارك على محمد .

شغل مخك شوي ...

تقبل تحياتي ،،

[آبوعزآم]

اتصل على وكالة المسعود بابو ظبي وعطهم رقم الشاصي وقلهم خط الفل كامل الرصاصي وهم يطلبونه لك

لعل وعسى ان شاء الله ..
الله يجزاك خير

يا خوي لا تلف ولا تحتار وتتعب نفسك ، شف لك ورشة مضبوطة وخلهم يرشون له لك بويه ، او شف لك استكر أي استكر بس يكون عريض شوي واطول شوي ممكن تلقى يا حق هايلكس المهم وخلهم يقصون لك قص نفس المقاس المطلوب ويرشونه لك نفس البويه وصلى الله وبارك على محمد .

شغل مخك شوي ...

تقبل تحياتي ،،

تسلم والله ياغالي

لكن مامثل الوكاله