اي استشاره بخصوص السيارات اﻻمريكيه في خدمتكم

[abo yusef]

اشتريت فورد فكتوريا 99 مصدوم من الامام
وكان مكسور فيه صدر المكينه
ضبطت الموتر من والى وغيرت كل شي

المشكله بشغله الان يدق سلف ومايشتغل

البنزين واصل والزر اللي في الشنطه ضغطه ولا في فايده

من ايش تتوقع المشكله؟

الله يعطيك خير ه ويكفيك شره
تاكد من افياش الكمبيوتر والسيكوريتي
تاكد من حساس الكام اللي في صدر الماكينه



تاكد من التركيب الصح للجنزير مع النقطة الميته العليا لكل بانك جنب


الشكمان افتح فيه شوي من عند القزوز يمكن مقفل من اي مكان
اسحب واحد من الكويلات وركب بوجي وشغل شف فيه شراره
احتمال المشكله عندك من التركيب ماضبطوها على المارك


بالتوفيق

[abo yusef]

بارك الله فيك يا أبو يوسف
أنا عندي يوكن دبل 2005م
والمشكله إني سنويا يخرب علي الدبل ويقولون غير الحساس وأغيره وما يكمل سنه إلا يخرب وأضطر أغيره

هل تتوقع أنه فيه مشكله أخرى غير الحساس يمكن تصليحه
أو طريقة أخرى (توليفه) بدل أستخدام أزرة الدبل والحساس
وما أفضل الورسش في معرفة مشاكل الدبل في الرياض
وشكرا

الاستخدام المستمر لاي شي كهربائي يعرضه للعطب على عكس الميكانيكي
شف عندك الهندل فيالقزاز موزي الكهربا بس كلها على الاستخدام
خراب القطع الكهربائيه والله ماعتقد لها حل الا بترميمها من المصنع نفسه او غييرها بجديد
اما التوليف فماعندي خبره في التوليف
انت لو شفت الترس اللي يشبك الدبل في اليوكن تقول حق العاب موترس
عشان يخرب وتظطر تغيره وتدفع
اهم شي
في الدبل التماتيك انك تحمله وهو n
تتاكد من الزيت في القير والدفرنسات
تمشي به فيي مكان تمشي فيه سيارات مو مدرعات
ماتحاول انك تظربه في مطناج او شي حتى ماتبوز السنن في التروس
اما ورش الرياض فما ادل فيها لاني ماني اهل الرياض
بالتوفيق لك

[PAT.111]

خدامينك يالحبيب بس الصوت ماتقدر تحكم عليه لين تسمعه اذا الصوت يزيد مع الدعس وانت واقف فاحد امرين
اما يكون جرش في السحابات
او جرش في العمودالكرنك وكلها من قلة الزيت
طقطق هذا مشكلة بحد ذاته
اكشف على الماكينه من تحت ب150 او 200 ريال وريح راسك يشيك على السبايك لك فذا سليمه فالامر بسيط غير سحابات وجنزير
ممتاز 10 30 ولو فيه 5 30 افضل

الله يعطيك العافيه اخووي ماتقصرر

رحت ل كذا ميكانيكي واجمعوو ع انه ي انه جنزير او راس المكينه والقطع تكلف من غير راس المكينه بحدود 2000 من غير شغل يده وان اضطرينا ل الخرط

وش رايك اخوي اذا تعرف ميكانيكي كويس وراح يعلمني وين العله اكوون لك من الشاكررين

مليننا من التخمين نبي الخبرهه الله لايهينك

[abo yusef]

الله يعطيك العافيه اخووي ماتقصرر

رحت ل كذا ميكانيكي واجمعوو ع انه ي انه جنزير او راس المكينه والقطع تكلف من غير راس المكينه بحدود 2000 من غير شغل يده وان اضطرينا ل الخرط

وش رايك اخوي اذا تعرف ميكانيكي كويس وراح يعلمني وين العله اكوون لك من الشاكررين

مليننا من التخمين نبي الخبرهه الله لايهينك

بالنسبة لصدر الماكينه امره سهل
يقدر يفكه لكن تسمع الصوت ماصوره حمرا حطها على الصدر وانتبه السيور بتسمع الصوت واضح
اتفق مع واحد على الضمان لو ماطلع العطل او ماتصلح يتحمل التكاليف بفاتوره او عقد شغل
لكن لك انت تتاكد بالطريقه اللي قلت لك عليها وبيبان اول ماتفك الصدر حرك البكره بتسمع الجرش
من السحابات
لكن
ليش الراس بيفكونه عندك حراره ول شي ما يحتاج فك
2000 ريال على صدر ماكينه
كثير
بالنسبه للعمل رح لواحد ثقه ونظيف لو فلبيني او هندي ترى شغلهم نظيف
والله يدلك

[الجنوبي 911]

مشكلة في تعشيق فورد اثناء طلوع العقبه
ˇ أڵـ̯͡سّڵام ؏ـڵېگم ورحمۃ اڵڵھ وبرگاٺھ ˇ كيفكم جميع عندي فورد كراون 2006 امريكي اثناء طلوع العقبات وهو في الرابع ويبي يعشق للثالث والدعسه ثابته مايقبل يعني يقطع ما يلقم الثالث اذا الدعسه ثابته واذا دعست له يعشق الثاني. الحركة هذي في الطلوع بس
الخط السريع يسويها نادرا اذا الدعسه ثابته مايغير من رابع لثالث اذا طاح عزمه. لازم ادعس له كشفت ع حساساات القير طلعت سليمه زيت القير والفلتر مغير
وش تتوقع المشكله

[abo yusef]

فحصت كمبيوتر
احتمال القير يحتر وخاصة انه امريكي في الطلوع دائما استخدم الاوفر درائف يثبت لك عزم السياره
احتمال ايضا من الدعسه
احتمال من الثروتل
شيك على مبرد القير
لمبة الااوفر درايف تولع وتطفى معك اثناء الطلوع لو ماكنت مشغل الاوفر درايف

[cosco]

السلام عليكم اخي ابو يوسف

عندي استفسار

عندي التماس كهرباء في السيارة كابرس موديل 1993م ( صابونه )
اذا مسكت ابريك تطفي السياره او اشغل الانوار او الغمازات والرايوس ووديتها الكهربائي لسه مااكتشف الخراب وبعض الاحيان يروح الالتماس ولاكأنه فيها شي ويرجع مره ثانية .

[abo yusef]

السلام عليكم اخي ابو يوسف

عندي استفسار

عندي التماس كهرباء في السيارة كابرس موديل 1993م ( صابونه )
اذا مسكت ابريك تطفي السياره او اشغل الانوار او الغمازات والرايوس ووديتها الكهربائي لسه مااكتشف الخراب وبعض الاحيان يروح الالتماس ولاكأنه فيها شي ويرجع مره ثانية .

احتمال من الكيابل للبطاريه مع السيلف مع الارضي
من الاسلاك اللي جنب دعسة البريك والمتصله بصندوق الفيوزات
من كتاوت الطرمبه للبنزين
من دقمة المفتاح العظمه اللي في الدركسون تشيك على التوصيلات الكهربائيه كلها

[cosco]

تسلم لي يابو يوسف والله يجزاك خير ان شاء الله

[ahmed86]

السلام عليكم ورحمة الله وبركاته .. أخوي أنا نزلت موضوع في المنتدى قبل كم من يوم عن مشكلة عداد البطارية فوق 14 من فترة واخاف اني يسبب أي عطل كهربائي في السيارة علما أن السيارة نوعها سيلفرادو كبينة وحدة وموديل 2011 ومركب عليها فلتر واكزوز سيستم والحرارة في السيارة طبيعية ..

[abo yusef]

السلام عليكم ورحمة الله وبركاته .. أخوي أنا نزلت موضوع في المنتدى قبل كم من يوم عن مشكلة عداد البطارية فوق 14 من فترة واخاف اني يسبب أي عطل كهربائي في السيارة علما أن السيارة نوعها سيلفرادو كبينة وحدة وموديل 2011 ومركب عليها فلتر واكزوز سيستم والحرارة في السيارة طبيعية ..

لو فتحت المانويل حق السياره يقلك ان العداد طبيعي يتراوح بين 14 و13 وكم درجه فطمن قلبك
انت مركب سيستم على السياره اقلك احتما عندك حمل زايد اقصد بالسيستم نظام الصوت المضخم

[الحربي 591]

السلام عليكم ورحمة الله وبركاته
مشكور على خدمتك

انا ياطويل العمر
عندي تاهو 2008 LT
فيه تفتفه اذا شغلت الصبح
واذا حطيته في D و R تصير اقوى
والعزم ضعيف
غيرت بواجي
واسلاك بواجي

وفحصت كمبيوتر
ويطلعلي بواجي و اسلاكها و كويلات وفيه سلندر ما يشتغل
المهم ضاعت 400 على فحص كمبيوتر
يمكن خمس محلات نفس النتيجه
بالنسبه الكويلات اشتريت واحد
بس وغيرته لكن نفس النتيجه
وابي اغير الكويلات الباقي
واشوف لكن
هل البلوف او التكايات له دخل؟

[الحربي 591]

والتفتفه ماهو بس الصبح

على طوول
ببس الصبح اقوى

والسياره اذا عشقت من الاول للثاني تنتع بقوه

[abo yusef]

والتفتفه ماهو بس الصبح

على طوول
ببس الصبح اقوى

والسياره اذا عشقت من الاول للثاني تنتع بقوه

واش الكود اللي طلع انت فحصت بجهاز حق الجي ام افضل
هو احد امرين
اما بخاخ مو شغال
او بلف
احيان اصحاب المحلات ما لهم ضمير يغير لك نص البواجي ونصه يخليها الاا ان انت غيرتها ومتاكد
البخاخ اللي مو شغال اما نه خربان او من نفس الكمبيوتر فيه مشكله
فيه وحدة تحت السياره بجنب طرمبة الا اي بي اس
تتحكم في سرعة الطرمبة للبنزين طبعا اللي يحكمها هو العطل نفسه
لكن عشان ماتخسر اضغط السلندر اللي يقلك ان فيه مشكله وشف الضغط كم فوق 100
فالسلندر جيد
اقل عندك مشكلة تنسيم في الضغط
طلع تمام
سكروب او ماصور على البخاخ واسمع صوت التكتكه سمعتها البخاخ شغال
طلع البوجي وافحصه ماعليه زيت او شي غيره وشوف
طلعت الاختبارات كلها تمام
التفاصيل كثيره
ماعاد يبغاله الا اعادة ضبط برمجه
من اللي يسويها لك واحد عنده ام دي ومتصل ب الجي ام لان
لا يلعبون عليك ويقولون نبرمج البرمجه م2007 وفوق عنطريق الشركه
الله يدلك اخوي لاتنسى شيك عللى الفيوزات من فوق ومن تحت على السلك الارضي للماكينه
على حساس الكرنك التوصيلات وافياش الكمبيوتر
مشكلى الشركه حتى في الاصلاح انها تقلك شيك شيك في الاخير مانفع اعد الضبط او غير كمبيوتر
الله يدلك

[الحربي 591]

لالا ماهو تكتكه
تفتفه
السياره تدف وعزمها ضعيف
تحس في الدف اذا عشقت على الدي
واذا السرعه تحت 40 تحس فيه لكن 100 وطالع ما تحس شي
الكود والله ما اذكره
وبالنسبه للبلوف اذا كان خربان الظاهر ان الشكمان يرمي اذا دعست بقوه



يعني سيارتي كاني راكب جمس 454
نفس صوت الشكمان اللي في الجمس 454