تكفون الفزعه وبأسرع وقت بأنتظار ردودكم ونصائحكم

[ابوخالد الحوس]

السلام عليكم ورحمة الله وبركاته
اخواني
شريت لي جمس حوض موديل 98 مكينه 350
8 براغي
غير عادي + دبل
ولكن للاسف بعد ماغيرت زيوته طلعت اصوات تكتكه بالمكينه والقير يقر ايضا
ووديته لميكانكي وافادتني ترس المكينه ولازم تنفك المكينه وازين لي اوضبها كااامله اغير جميع القطع
والقير لايوجد له قطع غيار لابد من التشليح اشتري قير ثاااني
وش نصائحكم
وكم التكلفيه تقريبا لتوضيب المكينه 350
وكم قيمة القير 5 غيار وين احصلها في اي تشليح في الرياض وياليت رقمه
وكم قيمة ديكور الابواب الجانبية قزاز هندل والطبلون لا انها متكسره ومتشلعه
والله يجزاكم عنا كل خير ويرحم الله والديكم
انتظر ردكم باسرع وقت
وتقبلوا تحياتي

[تاهو ياهو]

المكينة توظيبها من 4 إلى 5 ألاف على حسب القطع

والقير نادر

سعرة مايتجاوز 5 ألاف

[Abo_Faisal_506]

ركب مكينت كابرس افضل

[أبن ثعلي]

راجع اللي شريت السياره منها


لا يكون الموتر مخبط من قبل والرجل حاط زيت ثقيل جداً اعتقد حق الشاحنات عشان يخفي عيوب المكينة



تأكد اذا من اول تغييرت زيت طلعت الطقطقه فالموضوع يحتاج التثبت

[كن متفائلا]

أنت تقول طلع الصوت بعد تغيير الزيوت

نصيحة أقراء الكتيب أو أبحث في النت عن الزيت المخصص للمكينة والقير

وتأكد أن كل شي أصلي خصوصا الفلتر