افضل شاهي ذقته ولاانساه ابدآآ

[كويشيت]

http://www.mekshat.com/vb/showthread.php?t=72267

[منيف المشاعر]

بالنسبة للشاي هو شاي سيلاني مايفرق عن شاي احمد ابوكرز والوزة نفسه
الشاي موجود في سوق الخضار بتبوك وبكثرة
الشاي ينفع فقط ع الجمر
والشاي يسود بسرعة
شاي عادي جدا عن تجربة

[منيف المشاعر]

ع طاري الليبتون
لمعلوميتك الليبتون الموجود عندنا نخالة خشب
انا رحت احد الدول الاجنبية
الليبتون عندهم شي غيرطبيعي
حتى العلبة تختلف صفراء سادة وبالنصف شعار ليبتون
اما اللي موجود عندنا الله يكررم النعمة

[Al3rands]

شاهي كوالتي تبي تدعي ليqualitea

[صخب]

السر ياجماعه بلذة الشاهي اكتشفته بعد السفر لتركيا
وهم من اكثر الشعوب كحفاً للشاي باي وقت باليوم وهو عدم طبخ السكر مع الشاي
يعتقد البعض ان ماله تأثير لكن جرب أي شاي سيلاني تلقيمه وخل السكر برى وتمتع بلذة الشاهي
بالعالم كله اتوقع فقط السعوديه وبعض دول الخليج يطبخون الشاي مع السكر

[abo_azooz]

بالنسبه لي فيه شاهي كوليتي بس غالي شوي يجي بعلبه المنيوم اوراق الشاهي كبيره مافيه كلام 100%
وشاهي العقيله كويتي نكهه 100%
بعدها يجي الربيع

[تبوك C.T]

الي انت ذقته نوعه كيني لانه هو افضل شاهي حتى الان

[تبوك C.T]

مع احترامي لاكن الي مايعرف غير ربيع اعرف ان ماعنده سالفه . جرب الشاهي الكيني كريتشو قولد وشوف الفرق تحس انك اول مره تشرب شاهي

[نعم وش تبي]

شاي ( المنيس ) وارد الكويت جميل جدا ويصك بالنافوووخ وخصوصا اذا كان على حطب الارطى واواو

[الذئب الاليف]

وعليكم السلام

انا مع اخوي سندهم

الشاهي من الطباخ الكييف

لو تجيبله ديمه الخطر على البياله

اما عن الحطب والبريق الاسود هذي تكميل

[عبدالمجيد2016]

بالنسبه لي ماجربت افضل من الشاهي العراقي بالهيل شي خيال حاولت اكثر من مره اسوي مثله ماقدرت لهم وزنيه بالهيل ونوع الورق

[منزلي الصمان1]

بالنهاية المسألة اذواق مافيه قولة هذا أحسن من هذا

والتنظير بها لموضوع واجد لكن التطبيق أجزم ان واحد من بين 50 يجيد عمل الشاهي .

[نفح البرادي]

السلام عليكم

مثل ماقال اخوي عبدالمجيد .. الشاي العراقي مافوقه شاي من اللي جربتهم ، لكن يبيلك واحد يضبطه ومنهم من يخلط لك خمس انواع من الشاي في علبة وحدة ومنهم سبع انواع وكلن وفنه.
بالنسبة لي أفضل الشاي الافريقي من كينيا وجنوب افريقيا اكثر من الهندي والسيلاني والصيني لانه اقوى واثقل، رغم ان الاسيوي يعتبر عالميا ذو جودة ويوصل سعر الكيلو 1400ريال وشوي لكن مهب لنا لان ورقه مخوضر شوي وماتجفف وتحمس في الفرن مثل الاسود اللي تعودنا عليه . واخيرا الناس اذواق وكلن وفنه فيه

[عقيدالقوم]

موجود في تبوك

[فيدرالي]

اللي يدور أفضل شاهي فيه شاهي ممتاز بالمره اسمه استكانه الشاهي عراقي وذوووووووووق يمخمخ صح يباع في كشكات درة المغرب في جده راح تدعون لي باذن الله