أعطال عضلات أو محركات السيارة الخلفية فقط (مطلوب فزعة عاجلة)!!
بسم الله الرحمن الرحيم
السلام عليكم ورحمة الله وبركاته
اللهم صلي على محمد و على آل محمد كما صليت على إبراهيم وعلى آل إبراهيم إنك حميد مجيد
اللهم بارك على محمد وعلى آل محمد كما باركت على إبراهيم و على آل إبراهيم إنك حميد مجيد
طبعا يا أخوان معاكم خالد عضو جديد بالمنتدى الرائع و الخيمة المفيدة في شتى مجالات الحياة بداية بالإسلام الدين الحنيف و ذكر الله لايخلو في هذه الخيمة هو سبب إشتراكي و ثقتي بكم بعد الله عز وجل و من أراد أن يحمي أخوانه المسلمين من الغش و الغشاشين هو أهل للثقة بلا أدنى شك.
ندخل في موضوعنا ألي هو بوصف عام قفز قوية للسيارة من الخلف توشك أن ترفع الكفرات في الهواء (بدون مبالغة)!!!
التفاصيل:
.
1- اذكر المشكلة أو العطل بالتفصيل ؟
غيرت قبل حوالي 3 أو أربع سنوات اليايات مع المساعدات الخلفية و فوجئت بإرتفاع السيارة و عند سؤال الي ركبها قال فترة وتنزل اتوقع يقصد 10 سنوات! لأن ثلاث سنوات وعلى حالها!!
2- حدد نوع سيارتك وموديلها وفئتها ونوع القير
كرسيداأدري تقولون مسوي رجة على كرسيدا بس لا تسبقون الاحداث جايكم بالهرج.
السيارة كرسيدا الموديل 1989 القير عادي الفئة XL المكينة 22R
3- حدد ظروف حدوث المشكلة
طبعا السيارة أكثر وقتها واقفة عندي سيارة ثانية أقضي مشاويري طبعا الكرسيدا محتفظ فيها أتعلم عليها الفك والربط و الميكانيكا والكهرباء وفادتني كثير و أمر الله تخرب السيارة الثانية و رجعت للكرسيدا حاليا
5- اذكر الأعراض التي واجهتها عند بداية المشكلة
مثل ما قلتلكم السيارة مع المطب وانا على أقل من مهلي السيارة تنقز من ورا نقزة قوية و الغريب إن المشكلة عند طلوع المطب أكبر من نزول المطب اتمنى فهمتوني أما اذا كنت محمل تختفي المشكلة تماما
6- تحدث عن الحلول التي جربتها :
غيرت أذرعة الدفرنس كانت الربلات (الجلد) متقطعة ومنتهية أربعة أذرعة 2طويل 2قصير خف الصوت ولكن مازال مزعج لدرجة الصدى.
7- ماذا قال أهل الورش لمعرفة الصائب من النصاب ؟
مساعدات ، يايات سميكة ، رمانات خلفية .
طبعا كلها خربانة لأن المساعد مهرب الزيت ألي داخله و الرمانات رفعت السيارة وشيكت عليها فعلا الكفر يهز يمين ويسار و اليايات مالي خبرة فيها
أنا على استعداد أغيرها كاملة بس حبيت أعرف من إيش المشكلة و فعلا تم شراء القطع بس ماركبتها ولا راح أركبها قبل ما أعرف من ايش المشكلة
8- إذا لم يكن هناك مشكلة حدد المطلوب بالضبط
طبعا في مشكلة و المشكلة ان السيارة بدأت تظهر سلسلة من الأعطال زي عمود الكردان و صوت ونة ان شاء الله من الرمان مو من الكرونة وكذلك من قساوة السيارة انكسر الشكمان نصفين.
9- عند إصلاح العطل أو زواله ينبغي عليك توضيح الحلول لأخوانك المكشاتيين لحصول الفائدة الكبرى .
أنا أتوقع الى الآن 80% من اليايات و 20% من المساعدات و 100% بأكون على خطأ ويطلع شئ تافه حركات اليبانية مايتركونها.
طبعا الدفرنس عادي بحكم السيارة 89 نفس الهايلوكسات يعني ماهي فريولات و واحد سعودي اقتنعت بكلامه يقول مركب مساعدات فريولات كرسيدا 93 و أجدد و أعطاني مساعد بدون كرسي للياي لكن للأسف مالقيت ألي يركبه ورجعته واستغرب السعودي لدرجة خرج من محل القطع و دخل عند الدفرنس ههههههه.
هذي إحتمالات و نتأكد منكم ان شاء الله مع ان الشغل سوف يكون على يدي و بتركيب كل قطعة على حدة وتجريب السيارة حتى يزول الصوت تحت إشرافكم طبعا.
منتظر تفاعلكم و أعذروني على الإطالة بس صدقوني أنا أبغى الفايدة لي ولكم وما نعتمد على العمالة الفاسدة إلى من رحم ربي.
ودمتم بخير.
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة ateeq7
