ممشى كفر البالون في الحجرة والصمان

[بدر الثوري]

﷽

مساكم الله بالخير
استفسر عن استخدام البوالين في المناطق الحجرية هل تتحمل الحصى والجلد؟
وهل فيه نوع يفرق عن نوع آخر؟

أتمنى من اللي جربها ان يضع تجربته إيجاباً أو سلباً

ولكم جزيل الشكر

[الغريب11]

ياولد البالون اثبت نفسه بالحمل والرمل والحجره لا يعلى عليه ( بس حط ابالك الرجه وقصر العمر ) ولا كفر وبس والي جربه يعرف كلامي

[هموووس]

فعلا البالون جيد بالنسبة لي استخدمت ماكسس لا يعلى عليه بس الرجه هي اللي عجلتني بتغي

[بدر الثوري]

اخواني
الغريب ١١
هموس

أشكر مروركم وتعليقكم على الموضوع
لاهنتو

[كايد]

خذ كفرات مضلعه ازين ....

[أبوحمد 505]

جربتة في الرمل وفي الحجر ممتاز جداً طبعاً ماكسس

بس يضيع عزم الموتر ويثقل و رجة

[بريق الحسام]

انصح بعدم تغيير مقاس السيارة الأصلي من بلد المنشأ لأنه إذا غير للأكبر مثل البالون يزيد من سرعة السيارة الحقيقي فمثلا المؤشرللسرعة على 100فاعلم ان السيارة سرعتها 106بحسب زيادتك في المقاس للكفر وهناك برنامج في قوقل بلاي ماركت اندرويد ادخل كلمة tyre او tireيطلعلك برامج تعطيك مقاس سيارتك المناسب والتغيير المتاح ان غيرت عن الاصلي أرجو أني أفدت.من أضرار تغيير المقاس :زيادة استهلاك الوقود..اختلاف السرعة الحقيقية عما هو على مؤشر السرعة...ضعف عزم السيارة...اختلاف تبديل القير...مسح التواير بسرعة.......

[speed62]

احسن كفر بالرمله والحجره اهم شي تكون منسم
الماكسس اذا قربت تمسحت النقشه وكرفته على الحصى يتششق بسرعه وتطلع خيوطه وفيه انواع ثانيه غير الخيوط
بالنسبه للسرعه ودي اصحح ..اذا عداد السرعه على 120 إعرف ان سرعتك على 140 والله الحافظ
موفق

[بدددر]

الماكسس قبل يوم كان يجي تايون لكن الحين ماتحصل الا فتنامي وانواع الغثاء

[سيف الظفير]

﷽

مساكم الله بالخير
استفسر عن استخدام البوالين في المناطق الحجرية هل تتحمل الحصى والجلد؟
وهل فيه نوع يفرق عن نوع آخر؟

أتمنى من اللي جربها ان يضع تجربته إيجاباً أو سلباً

ولكم جزيل الشكر

توكل على الله البالون من اقوى كفر بالحجرة


خاصة ماكسس توكل على الله وادع لي اقولها من واقع خبره

[المتلولس]

البالون ممتاز للحجرة وثقيل بالرمل

[الشامخ222]

والله أنا جربته على تندرا ولاند كروزر ..

الإيجابيات :
مريح
في الجواد ماتحس بشي
السلبيات :
ثقيل يصير الموتر يحن .
في النفود إذا بغيت ترقى يتعبك مره مقارنة بالدنلوب .
انصح به اذا بتخليه لروحات الصمان والجواد عموماً
اما اذا راعي نفود ما أفضله .

[ابوسند9]

لو وضحت مقاس الجنوط عندك كان افضل وهي انواع واشكال
وماكسس لايقربك
وهو مصمم للحجر وليس للرمل بس اهم شي انك تنزل الهواء بين 18 الى 20 وبالخطوط 35
وعلى العموم اذا مقاس الجنط عندك 16 انصحك بسومتومو صناعه اندنوسي

[ابن عكاش]

البالون ممتاز للحجرة وثقيل بالرمل

نفس الكلام