(( الـزبــيــره ))

[مطرح القعدان]

السلام عليكم ورحمه الله وبركاته ..
اولا : انا عضو جديد بقراطيسه

ثانيا : بغيت طلب منكم ولا هنتوا ... بغيت صور لقريه تدعى ( الزبيره ) او اي شي عنها .. يمكن بعضكم سمع فيها... وهي ورى اقبه بحوالي 100 كيلو وورى بريده بحوالي 250 كيلو ...

وشكرا








& مـــطـــرح الـــقــــعــــدان &

[اخو نورة]

السلام عليكم ورحمة الله

اخي العزيز الزبيره هجره صغيره يوجد بها بعض الخدمات مثل ( مركز - محطتين بنزين - جامع عدة بقالات ورشة سيارات - بنشر - شيب ما حلو وبعض الاسواق الصغيره مثل محل الخياطه والمكوجي والخ)
الزبيره لها طريقين الاول قبل ماتوصل قبه وانت قادم من القصيم بحوالى 2 كم تقريبا تبي تلقا محطة بنزين علىيسار موترك مناطحه العرق والعرق هذا يسمى المظهور ادخل مع المحطه باتجاه الشمال وخل العرق على يسار موترك تبي تطيح اول شي بهجره اسمها البعيثه على بعد تقريبا من 30 الى 40 كم تقريبا من المحطه الى ذكرت لك ثمن على نفس الاتجاه وعلى بعد 40 الى 50 كم تقريبا تبي تجيك الزبيره
الطريق الثاني وهو عن طريق لينه تربه يوجد خط ممهد بين لينه وتربه واقصد بتربه تربة حائل اذا انت جاي من لينه الى تربه تبي تمشي على خط ممهد ثمن يجيك مزفلت خلك معه لين تشوف العرق على يسار موترك ثمن خش وخل العرق على يمين موترك وتبي تطيح في الزبيره من على بعد تقريبا 30 كم الى 40 كم وانت جاي من حائل العكس يعني تبيى تشوف العرق على يمين موترك بس انتبه وانت جاي من حائل انه بيكون اخر عرق اما اذا جاي من لينه فبيكون اول عرق
اذا انت من سكان الرياض او القصيم او اي منطقه ماعاد المنطقة الشماليه فالافضل عن طريق القصيم ثم ابو الورود ثمن لين تقبل على قبه وتاخذ الوصف الاول الى ذكرته لك اما اذا انت من سكان المنطقه الشماليه فالافضل عن طريق لينه او حائل
احداثيات المنطقه عند الشباب اكيد يبون بفزعون معك لانها والله ماتحضرني الحين وسلامتك وسلامة من قرا

[مطرح القعدان]

( اخـــــو نــــوره )

مشكووووور على الرد وعز الله انك وصفتها ...
ويعطيك الف الف الف عافيه ...
وانا ترى كنت من سكانها










اخوك & مـــــــــــطـــــــــرح الــــــــقـــــــعــــــدان &

[نقا هشال]

مرحبا مطرح القعدان انورت واسفرت

للأسف ماعندي صور للزبيره

بس حبيت ارحب بك

[مطرح القعدان]

نقا هشال...
مشكوور على الترحيب ...
وانشالله افيد واستفيد ...
بهالمنتدى الرائع ..







اخووووووووووكم
& مــــــــــــــــطـــــــــــــرح الــــــــــــــقـــــــــــعــــــــــــدان &

[أبوشهد]

[مطرح القعدان]

( ابــــــــــــو شـــــــــهـــــــد )

بصراحه ضاع كل الكلام ما بقى غير كلمه ( مشكوووووووور ) ويعطيك الف الف الف الف عافيه ...
على هالصور الرائعه .. بصراحه هالديره مكانتها عندي كبيييييييييره جدا جدا ..
واي شي عنها ثمييييين وخاصة(ن) الصور هذي ...

وبقالي طلب وحيد عندك يابو شهد ؟؟
بغيت مصدر هالصور .. او صور غيرها ...

ومشكوووور مره ثانيه وانا اشهد انك نشمي وقدها وقدوووود يا بو شهد ..










وتقبل تحاتي & مـــــــــطـــــرح الــــقــــــعــــدان &

[حفر العتش]

خذ الاحداثيات ولا تعلم احد
N 28 00 300
E 43 40 800

[الكويتي]

شكرا لك اخو نورة

وصف رائع .. استفاد الجميع من

انا ما أعرف الزبيره كذلك لكن .. بوصفك كأني أراها الآن

[ولد مزينة]

مشكور اخوي على هالمعلومات

[shq]

يالأخوان لاهنتو
الخطوط اللي ذكرت في الرد الثاني وتوصل الزبيرة هل هي الآن مزفلتة
وهل هناك طريق من مشذوبة الى قبة
وشكرا

[سفير الشمال]

وهل هناك طريق من مشذوبة الى قبة

حياك الله اخي الكريم
لايوجد طريق من مشذوبه الى قبه الا عبر النفود يطلعك على خط ساموده ــــ قبه الجديد
تحياتي

[سفير الشمال]

السلام عليكم ورحمة الله وبركاته
ياهلا فيك أخونا الغالي
مطرح القعدان
وحياك الله
إذا تعطيني فرصه وتتنتظر ليوم غد الإثنين أبشر بعزك عندي لك صور عن الزبيره صورتها العام الماضي
تقبل تقديري

[shq]

بيض الله وجهك أخوي سفير الشمال

كم المسافة من مشذوبة الى الطريق اللي ذكرت
وهل الطريق سهل - ممهد مثلاً
كما أنك لم تجبني عن طريق قبة - الزبيرة
وشكراً جزيلاً

[غازي الوهبي]

من اهلها اي خدمات حاضرين