خيمة المستقبل من القاضي بدون عمود نفخ بالهواء...رأيكم

[نيسان وبس]

لو معي فلوس شريتها بدون تردد

[زاجل11]

اتوقع لها أوتاد بالزوايا ولا ماهو معقول ننام نقوم وحنا طايرين بالجو هههههه

[راعي الداخلة]

ما شاء الله ممتاز

[دحيم العبود]

الانسان عدو ماجهل
الخيمه غالية صحيح واتفق معكم
لكن من يعيب الخيمه لانها هواء فالسيارة بمافيها من حمولة شايلها الهواء
الخامات المستخدمة في الخيمة قوية و اماكن الهواء مبطنة مرتين للحماية
مع وجود محابس في سقف الخيمة لعزل كل جزء فيه هواء عن الاخر
بعد نصب الخيمة وهذا يمنع ميلانها

[دلهميز]

لكن من يعيب الخيمه لانها هواء فالسيارة بمافيها من حمولة شايلها الهواء

رد ذكي وجميل بصراحة

[كن متفائلا]

السلام عليكم

اعتقد مع شبة الضو والحرارة الأعمدة الهوائية بتتمدد واحتمال تنفجر على غفلة

ويازين البيرق العمود ... شدها حيل وعش حياتك

[بدوي نمبر ون]

خذ معك رقع تيوبلس
ولا اربطها بالموتر وخلاص
بس الخوف
من المقرود العجل يدخل بالشوايه ولا الملقاط همن تعال عاد

[عبدالهادي 10]

الله يرزقنا وياك

[قرحوف]

هذي تصلح للي ظهره يوجعه يدفع فلوس في سبيل صحته وازين شي لاطلعت انت وعيالك لحالكم ماعليك الا تفرشها وتنفخها وانا اليوم بنفسي وشوف عيني اليمني في القاضي قلت له ينسمها ونسمها ثم طاحت وعود نفخها ماخذت دقيقتين ثم دخل في وسطها ورفعها بيده لينها واقفه مزين منها

حبيت اوضح لكم اللي شفته اليوم واما سعرها مبالغ فيه جدا وسلامتكم

[مطول صبري]

النفخ ابعد عنه شكله تطير مع الهواء القوي ويمكن تنخرم

[Abo hassn]

مشكور ،،،،،،،،

[قيس عبدالله]

من افضل الخيام خيمه الوسم من القاضي بس للاسف وقفوها من كم سنه تقريبا

[الهستبر]

القاضي نكته الصراحه يعلن ولارحت قال قضت
زي الخيمه ذي جايب كم حبه بس
مدري يخربن او ياكلهن الدود
السعر مبالغ فيه
بس ماتقدر تحكم الين تشري وتجرب
نصيحتي للقاضي يجيب كميات انت محل وعندك مستودعات

[عراده1]

السلام عليكم

انا يا اخوان ما قدرت اقاوم جمال هالخيمه

واشتريتها وطلعت فيها مره وحده حتى الان وبقول لكم تجربتي معها بكل تجرد


الخيمه اسهل خيمه ممكن تبنيها بحياتك

من طلعت من الكيس الين جلسنا فيها اخذ الموضوع حوالي 7 او 8 دقايق فقط

لها اطناب من كل الجهات فاللي متخوف من الهواء اقوله تخوفك في غير محله ابدا

جانا هواء قوي والحمد لله ثابته جدا


اعمدة الهواء اللي توقف الخيمه اقوى بكثير مما تتخيلون

ومجرد ما تضغط عليها بيدك بتعرف قصدي



النفخ سهل جدا وكنت ناوي اشتري جهاز نفخ لكن اكتشفت ان المنفاخ اليدوي كاااافي وزياده


الخيمه جميلة جدا من الداخل

فيها اربع شبابيك وكلها لها غطاء ثقيل وناموسيه

وباب خلفي طبقتين يتقفل من الداخل والخارج وناموسية

والباب الامامي الكبير وتقدر تخليه مظله


التيوبات اللي يتعبى فيها الهواء مفصولة عن بعض وبينها زي المحابس

بحيث او انشقت تقدر تعزلها عن باقي الخيمه بدون اي مشاكل


الشكل الخارجي جميل جدا ( عندي النوع اللي ب 3950) (4*3.5)


من التجربة الاولى اقولكم الخيمه فعلا غالية لكنها حلم وتحقق لكثير من اهل البر اللي حلموا بخيام النفخ

وان شاء يكون الاداء بشكل مستمر في الطلعات الجايه وتثبت نفسها اكثر واكثر


وسلامتكم


اي استفسار انا جاهز

[taal0]

يعطيك العافيه طريقة تصفيطه سهل